Kwalus 3:4 - Hdi

⁴ Vərɗa hafa ghuni ná, Kristi ya. Baɗu da zlagapər tsi, dzaʼa zlagaku kaghuni guli kawadaga nda tsi. Tekw kaghuni ma glakwa ni dzaʼazlay.

Kwalus 3:4 ပူးပေါင်းရင်းမြစ်များ

Mata 13:43

Ama gwal ta nzakway tɗukwa ta wa ira Lazglafta ya, manda fitik dzaʼa wuɗakwa hahəŋ ma ga mghama Da taŋ. Ka mamu mndu nda sləməŋa snay, ka sna tsi. »

Lukwa 17:30

Manda va tsaya dzaʼa nzakwa tsi baɗu tsa fitik dzaʼa zlagapta Zwaŋa mndu ya.

Yuhwana 11:25

Ka Yesu nda tsi mantsa: « Iʼi tsa mndu ta sliʼaganaptá gwal nda rwa ŋa nzəglata taŋ nda hafu ya. Mndu ta zlghaftá iʼi dər mtu mta tsi, dzaʼa nza nza nda hafu.

Yuhwana 14:3

Tahula laghwa ɗa ka payaghunatá vli, dzaʼa vraga vra yu, ŋa hlay ɗa ta kaghuni ta vata iʼi. Ŋa mutsafta kaghuni guli ta nzaku ma vli dzaʼa nzata iʼi, kaʼa.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 17:24

Da! Tsəna mnduha vliha ka na ná, ta kumay yu ta nzakwa taŋ ma vli ya nza iʼi, ŋa nghay taŋ ta glakwa ɗa ya vliha kagha, kabga ɗvu ɗva ka ta iʼi daga ta kul zlraftá ghəŋa haɗik.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Slna gwal ghunay 3:15

Ka dzatá kuni ta mndu ya nda hafu da tsi. Tahula dzata ghuni, ka sliʼaganaptá Lazglafta mataba gwal nda rwa. Ma tsa sliʼagapta sliʼagap tsi ya ná, nda nza aŋni ka masləmtsəka ni.

La Ruma 8:18

Graf gra yu kazlay: Nana ghuya ɗaŋwa ta ghuy mu na ná, haɗ lu dzaʼa walaŋta gray nda tsa glaku dzaʼa maramaŋta Lazglafta ya wu kəʼa.

La Ruma 8:19

Inda skwi zlagəgiŋ Lazglafta ná, nda mndər ta kəzla həŋ ta tsa fitik dzaʼa maraŋta Lazglafta ta zwana ni ya.

1Kwa 1:7

Tsaya kwal kuni pɗatá inda skwiha ta vlə Lazglafta ŋa mnduha ni, na tsa kaghuni ta kəzla fitika nghəglaŋta mu ta Mghama mu Yesu Kristi ya.

1Kwa 15:43

Ka ghwaɗaka skwi vzadata lu da haɗik, sliʼagaptani ya ná, nda glaku tida. Nda raghwa ta vzadatá lu, ta sliʼagaptá tsi ná, mbru mbra katakata.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Filip 3:21

Saha ni dzaʼazlay ná, ŋa mbəɗanaftani ta na vgha mu kul haɗ ghəzliwa ni na, ka ŋlanafta manda ŋa ni, nda mbraku ya kəl tsi ka nzanaghatá inda skwi, dzaʼa maga tsi.

1Tes 4:17

ŋa hla amu ta ndiri ya kawadaga nda həŋ ma ghwayak, ŋa dzaʼa guyaku nda Mgham Yesu ma ghuvaŋata luwa. Mantsa ya tama, ŋa nzakwa mu ŋa ɗekɗek kawadaga nda Mgham Lazglafta.

1Tim 6:14

ka ŋanata ka ta na gwaɗa ta mnaghata yu na. Ka nzata ka kul haɗ sana skwi ta kagha, kul haɗ rutsak, ha ka sagha fitik dzaʼa kəl Mghama mu Yesu Kristi ka maravata.

2Tim 1:1

Iʼi Pwal ta vindaftá na defteri na. Nda nza yu ka mnda ghunay *Yesu *Kristi, manda ya kumaf Lazglafta. Nda fa yu ŋa mna gwaɗa ŋa mnduha ta ghəŋa gwaɗa ta hafu, ya tanaf Lazglafta ta imi ta sləməŋ ta gwal ta ndiʼaftá vgha nda Yesu Kristi.

2Tim 4:8

Ndanana, ta kzlaykzlay nisəla vəl zaktá ɗa ta ghwa ta iʼi. Tsa nisəla ya ná, zewzewa mbaku ya dzaʼa vlihata mnda tsa guma tɗukwa, baɗu fitika tsa guma. Ŋa ɗa nda ghəŋa ɗa yeya a wu, nduk nda inda gwal ta kəzla ɗvaftá sagha ni.

Titus 2:13

ma na nzakwa mu ta kəzla ŋərma fitik faf mu ta ghəŋ tida dzaʼa maravata glakwa Lazglafta dagala, ta nzakway ka *Yesu *Kristi mnda mba amu ya,

Hebru 9:28

Manda tsaya Kristi guli, turtuktuk səla mtuta tsi, ŋa vlaŋtá ghəŋa ni ta Lazglafta, ŋa hərɗiŋtá dmakwa ndəghata mnduha, ŋa vrəglagatani ka mahis. Tsa vrəglagata dzaʼa vrəglagata tsi ya, ŋa hərɗgəltá dmaku a wa, ama ŋa mbanaftá gwal ta fata vgha ka kəzlay.

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

1 Piyer 5:4

Ka mantsa ya ka kuni magay, baɗu zlagagaghata mghama gwal ta ngha rini ná, ŋa mutsay ghuni ta zewzewa nda sgit tida, kul ɓadzavata ya.

1 Yuhwana 2:28

Mantsa tama zwana ɗa, gɗavawagɗa kawadaga nda Yesu Kristi, ŋa kwala zləŋ ksa amu baɗu vragata dzaʼa vragata tsi, ŋa kwala hula ksa amu guli ta kəma ni.

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.

1 Yuhwana 5:12

Mndu ta zlghaftá Zwaŋa Lazglafta, nda mutsa hafa ni. Mndu kul zlghatá Zwaŋa Lazglafta guli ná, mutsa a hafa ni wa.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.

Suna Yuhwana 2:7

« Ka mamu sləməŋa snay da mndu, ka sna tsi ta skwi ta mnə Sulkum ŋa Igliz. « Ŋa gwal ta zaktá ghwa ya, dzaʼa vlaŋ vla yu ta fwa hafu ta slanaghata lu ma gama Lazglafta ya ta həŋ, ŋa zay taŋ. »

Suna Yuhwana 22:1

Tahula tsa, ka marihatá tsa duhwala Lazglafta ya ta ghwa ima ta vla hafu, ta wuɗaku manda dalagar, ta mbəzagapta ma dughurukwa i Lazglafta nda Zwaŋa Tuwak,

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.