Kwalus 3:14 - Hdi

¹⁴ Ya ta malapta katək ná, ɗvuvusta ghuni ta vgha ghuni. Tsa ɗvuvustá vgha ya ta nzakway ka tɓaŋ ta ŋərzlaghunata.

Kwalus 3:14 ပူးပေါင်းရင်းမြစ်များ

Yuhwana 13:34

Wana lfiɗa zlahu ta vlaghunata yu. Ɗvuwa ɗva ta vgha ghuni sani nda sani. Manda va ya ɗvu iʼi ta kaghuni ya, ɗvuwa ɗva kaghuni guli ta vgha ghuni sani nda sani.

Yuhwana 15:12

Wya zlaha ɗa ta mnaghunata yu, ɗvuwa ɗva ta vgha ghuni sani nda sani manda va ya ɗvu iʼi ta kaghuni ya.

Yuhwana 17:23

iʼi ma hahəŋ, kagha ma iʼi ya. Manda tsaya dzaʼa kəl həŋ ka nzakway kahwathwata ka mndu turtuk, kada snaŋta mnduha ma ghəŋa haɗik kazlay: Kagha ta ghunigihata, ɗvu ɗva kagha ta həŋ manda ya ɗvu kagha ta iʼi guli ya kəʼa.

La Ruma 13:8

Ma nzaf dməŋa mndu ta kaghuni. Ba dməŋa ɗvutá sani nda sani yeya katsi gɗavata. Mndu ta ɗvutá mnduha ná, sna sna ta inda zlahu.

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

Afisus 4:3

Sulkum nda ghuɓa ta guyaghunata, ŋavawa ŋa ka nzakwa kuni ta nzaku nda zɗaku, kada nzakwa kuni ka gwal nda guya ghəŋa taŋ.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Kwalus 2:2

Ta kumay yu ta nzata taŋ nda hbatá ŋuɗuf, ka nzəvuvusta həŋ ta vgha ma ɗvu, ka ndəghafta həŋ nda vərɗa hiɗaku ŋa snaŋta ɗifatá skwa Lazglafta, ta nzakway ka snaŋtá Kristi ya.

1Tes 4:9

Ta ghəŋa ɗvuvusta ghuni ta ghəŋa ghuni ná, ta dzaʼa vindaghunafta nda vinda a lu wu, kabga ghada ghada Lazglafta ka ghəŋa ni ta taghaghunafta.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

Hebru 6:1

Mantsa ya tama, zluŋmazla ta hamata zwana tagha skwi ya ta tagh mu ta ghəŋa *Kristi, mbaɗma ta ghəŋa tagha skwa gwal nda ndəha. Ma laghu mu vrəglafta ta ghəŋa dughwaŋa skwi ta nzakway ka: Gwaɗa ta ghəŋa pla dmaku, ŋa zlaŋta mnduha ta maga slnaha ya ta kla həŋ da Zaɗaku, nda gwaɗa ta zlghaftá Lazglafta nda ŋuɗuf,

1 Piyer 4:8

Mali ma inda skwi ná, tsaya gɗavata ghuni nda ɗvuvustá vgha nda ŋuɗuf turtuk sani nda sani, kabga ta tiŋway ɗvu ta mndu ŋa plinistá ndəghata dmakwa mnduha.

2 Piyer 1:7

Ta ghəŋa nzaku ta zɗəganatá Lazglafta, ka sganaghata kuni ta nzaku hmətət manda la zwana ma. Ta ghəŋa nzaku hmətət manda la zwana ma, ɗvutá mndu.

1 Yuhwana 3:10

Dər wati ma mndu kul haɗ ta maga skwi tɗukwa, nza a tsa mndu ya ka Zwaŋa Lazglafta wa. Mantsa ya mndu kul ɗva zwaŋama ni guli. Ta tsaha ya ta tsatsafta lu ta nzakwa zwana Lazglafta nda nzakwa zwana halaway.

1 Yuhwana 3:23

Ká tsa zlaha Lazglafta ya ta mnay na: « Fafwa fa ta ghəŋa ghuni ta hga Yesu Kristi zwaŋa ni, ka ɗvuvusta kuni ta vgha ghuni sani nda sani, » ka zlaha ni ta mnamata.

1 Yuhwana 4:21

Ka ɗvu ɗva yu ta Lazglafta ka mndu katsi ná, ka ɗvu ɗva tsi ta zwaŋama ni guli, ka zlaha Kristi mnata.