Kwalus 3:12 - Hdi

¹² Mantsa ya tama, Lazglafta ta psapta kaghuni ŋa nzakwa ghuni ka mnduha ni, ta ɗvay ta kaghuni. Kaghuni guli, nzawa nza nda tawa hiɗahiɗa ta mndu, nda zɗaku, nda hanata ghəŋ, nda nzaku leɓtekwa, nda ksanata ŋuɗuf.

Kwalus 3:12 ပူးပေါင်းရင်းမြစ်များ

Mata 24:22

Ka má haɗ ka Lazglafta ta htanaktá tsa fitik ya wu, ma haɗ mndu dzaʼa ndapta wa. Ama kabga gwal ya zabap tsi, ka htanaktá tsi ta tsa fitik ya.

Mata 24:24

Ya dzaʼa sliʼagagha sliʼa ghwaɗaka krista nda ghwaɗaka anabiha, ŋa magay taŋ ta skwa mandərmimiha nda mazəmzəmha katakata ŋa nana mndu, ka ta magaku tsi, nda gwal ɗagap Lazglafta tani.

Mata 24:31

Ŋa ghunafta ni ta duhwalha Lazglafta ŋa vyata taŋ ta duli ta taw katakata, ŋa tsakakta taŋ ta gwal ya ɗagap tsi ta slərpa luwa fwaɗ, sliʼafta ni ta mndəra luwa dikw dista luwa. »

Markus 13:20

Ka má fa a Lazglafta ta htanaktá tsa fitik ya wu katsi, ma haɗ mndu dzaʼa mbafta wa. Ama dzaʼa htanaghuhta ta tsa fitik ya, kabga gwal ɗagap tsi ŋa nzaku ka ŋa ni.

Markus 13:22

kabga dzaʼa sliʼagagha sliʼa ghwaɗaka la krista nda ghwaɗaka anabiha. Dzaʼa magay həŋ ta ŋizla sana skwiha nda mazəmzəmha ŋa nana ɗagata mnduha Lazglafta, ka má ta magaku tsi.

Markus 13:27

Ghwanafha ta duhwalha Lazglafta, ŋa sliʼa taŋ ta kɗavakta ghəŋa haɗik tender, kulam ta slrəŋa luwa, ŋa tsakaktá mnduha ni ɗagab tsi.

Lukwa 1:78

Dagala tawa hiɗahiɗa nda zɗaku da Lazglafta mu kəl tsi ka vlagatá tsuwaɗaka ni manda fitik ta safi gavzlazlaŋ, ka sagha da amu daga ta luwa,

Lukwa 18:7

Lazglafta yeya dzaʼa kwal kul maganatá zɗaku ta mnduha ni ta wahu da tsi gifitik nda rviɗik tani ŋa gərɗa həŋ rki na?

La Ruma 1:7

Inda kaghuni ta nzakway ma luwa Ruma, ɗvu ɗva Lazglafta ta kaghuni, ka hgaftá tsi ta kaghuni ŋa nzakway ka ŋa ni. Ka nza zɗakatahuɗa Da mu Lazglafta nda Mghama mu Yesu Kristi ta ghəŋa ghuni.

La Ruma 13:14

Suɗavawa suɗa ta Mgham *Yesu *Kristi. Ma laghu kuni hamta ghəŋ ka maga skwi ta zɗəganata sluʼuvgha.

La Ruma 9:11

Makəɗ lu ka yatá tsa zwani ya, ka Lazglafta nda Rebeka mantsa: « Mali dzaʼa ndəɓa dzvu da sagəŋ, » kaʼa. Ta la a tsa zwani ya saha ta haɗik, ka snaŋta taŋ ta skwi ɗina nda ya kul ɗinaku nda tsa ta luta tsa gwaɗa ya wa. Nza nza tsa skwi ya mantsa kada nzakwa skwi ta kum Lazglafta manda ya tha tsi. Tsa zbaf lu ya ná, ŋa nzakwa ni manda ya ta kum Lazglafta hgafta lu, ta vəl magata ni ta slna a wa.

1Kwa 13:4

Mamu ksa ŋuɗuf da mndu ta ɗvutá mndu, dagala zɗaku da tsi. Haɗ mndu ta ɗvutá mndu ta draku wu, haɗ mndu ta ɗvutá mndu ta ghərɓaku wu, haɗ ta gla ghəŋ wa.

2Kwa 6:6

Ta maray ŋni ta nzakwa ŋni ka gwal kul haɗ sana skwi ŋa tsanavata, ka gwal nda sna ta skwa Lazglafta, ka gwal ksa ŋuɗuf, ka gwal maga zɗaku, ka gwal nda Sulkum nda ghuɓa ma həŋ, ka gwal ta ɗvutá mndu nda ŋuɗuf turtuk.

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

Afisus 4:2

Ma inda skwi ta mag kuni, nda hana ka ghəŋa ghuni, leɓtekwa ka nzakwa ghuni, ta ksay ka kuni ta ŋuɗuf. Suʼuwawa ta skwi ta magaghunata sanlaha, ka ɗvuta kuni ta həŋ.

Afisus 4:24

Vlaghuna vla Lazglafta ta lfiɗa nzaku ta gara vgha nda ŋa ni. Favawa fa tama ta tsa lfiɗa nzaku ta zɗəganata ya. Tɗukwa tsa tva nzaku ta zɗəganata ya, nda ghuɓa nzakwa ni guli manda ya ta tagh kahwathwata Lazglafta.

Afisus 4:32

Ŋərma skwi ká kuni magay mataba ghuni, nzawa nza nda tawa hiɗahiɗa, pluvuswa dmakuha ghuni, manda va ya plaghuna Lazglafta ta dmakuha ghuni nda ma Kristi ya.

Filip 1:8

Nda sna Lazglafta kazlay: Ta ɗvu ɗva yu ta kaghuni katakata kəʼa. Ɗvu ɗva yu ta kaghuni ma kɗavakta hya hya ŋuɗufa ɗa ma Yesu *Kristi.

Kwalus 3:10

Suɗava suɗa kuni ta lfiɗa nzaku, ka nuta kuni ka lfiɗa mndu, ta naku ka lfiɗ ka lfiɗ vgha ghuni ka gra vgha nda mndu ta tsafta. Mantsa ya dzaʼa kəl kuni ka snaŋta Lazglafta dardar.

1Tes 5:15

Ɗaswa ka kuni, da vranamtá mndu ta ŋaslu ta mndu nda ŋaslu. Ŋavawa ŋa katək, ka maga skwi ya ɗina mataba ghuni, nda ya ŋa hamata sanlaha tani.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.

Titus 1:1

Iʼi Pwal ta nzakway ka kwalva Lazglafta, ghunatá mnda *Yesu *Kristi, ŋa kataŋtá mnduha ɗagap Lazglafta ŋa nzakway ka ŋa ni, ŋa snanamtá həŋ ta vərɗaka tagha skwi ta maramatá tva nzaku ta zɗəganatá Lazglafta ya.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

2 Piyer 1:10

Tsaya tama zwana ma ɗa, ŋavawa ŋa ka nzafta kuni ta tsa hgu hgaf Lazglafta ta kaghuni, ka ɗagaptá kaghuni ya. Ka mantsa ya ka kuni magay haɗ kuni dzaʼa dəɗamta da ghwaɗaka skwi wa.

1 Yuhwana 4:19

Amu ná, ɗvu ɗva mu ta Lazglafta kabga tiŋəl tsatsi ta ɗvuta amu.

2 Yuhwana 1:13

Ta ga zgu zwana makuma gha ya zbap Lazglafta guli ŋa gha.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.