Kwalus 3:11 - Hdi

¹¹ Ndanana tama, ta haɗ mnay kazlay: La *Grek yehaya, la *Yahuda yehaya, gwal nda tsa fafaɗa taŋ yehaya, gwal kul tsaku fafaɗa taŋ yehaya, gwal ma mtak yehaya, gwal kul gunaku ghəŋa taŋ yehaya, la vuʼa yeya, gwal flaʼu vgha taŋ yehaya ya kəʼa wa. Mamu *Kristi ta nzakway ka hɗatani ma inda taŋ.

Kwalus 3:11 ပူးပေါင်းရင်းမြစ်များ

Yuhwana 14:23

Ka *Yesu nda tsi mantsa: « Ka ɗvu ɗva mndu ta iʼi, dzaʼa ŋana ŋa ta gwaɗa ɗa, dzaʼa ɗvu ɗva Da ɗa ta tsatsi guli. Ŋa sagha ŋni nda Da ɗa tani ŋa nzakwa ŋni ga taŋ.

Yuhwana 15:5

Iʼi fwa inabi, kaghuni dzvuha ni, mndu ta gɗavata ndiʼatani ta iʼi manda iʼi nda tsatsi ya, dzaʼa yaf ya tsatsi rgədzəɓ. Ka haɗ iʼi wu, laviŋ a kuni ta magatá sana skwi wa.

Yuhwana 17:23

iʼi ma hahəŋ, kagha ma iʼi ya. Manda tsaya dzaʼa kəl həŋ ka nzakway kahwathwata ka mndu turtuk, kada snaŋta mnduha ma ghəŋa haɗik kazlay: Kagha ta ghunigihata, ɗvu ɗva kagha ta həŋ manda ya ɗvu kagha ta iʼi guli ya kəʼa.

Slna gwal ghunay 15:17

Mantsa ya dzaʼa kəl hamata mnduha, ka tsa gwal kul nzakway ka la Yahuda hagaf yu ŋa nzakway ka ŋa ɗa ya ka psa iʼi, ka Mgham Lazglafta ta maga tsa skwiha ya

Slna gwal ghunay 28:2

Mnduha ma tsa luwa ya ná, ŋərma mnduha həŋ, ka tsuʼaftá həŋ ta aŋni. Ka vaŋnaghata həŋ ta vu gik, kabga ta nzaku imi, ka ka nda mtasl guli.

Slna gwal ghunay 28:4

Nghay gwal ma tsa luwa ya ta tsa mupuha ya kzəghəla ta dzva Pwal, ka həŋ mataba taŋ mantsa: « Ta psla mndu na mndu na kahwathwata. Zlah zlah katagapta tsi ta vgha ma drəf kay guli ná, ta zlighisa a yu wu, ba va ta dzaghata ɗa ka guma Lazglafta nda tsi, » ka həŋ.

La Ruma 1:14

Dguv ta ghəŋa ɗa ka mnanata ɗa ta Lfiɗa Gwaɗa ta inda mnduha, ŋa la *Grek, ŋa gwal nda hiɗa nda ya ŋa gwal kul hiɗaku tani. Ŋa gwal nda guna sləməŋa taŋ nda ya ŋa gwal kul gunaku sləməŋa taŋ tani.

La Ruma 10:12

Tsaya tama ná, ta haɗ dgəvgha mndu kazlay: La *Yahuda yeya, la *Grek yeya kəʼa wa. Inda taŋ demdem, Mgham turtuk Mghama taŋ, ta vla zɗaku katakata ŋa inda gwal ta hwayanavata.

La Ruma 3:22

Tsaya tvi dzaʼa kəl Lazglafta ka nanaftá mnduha ka gwal tɗukwa ta kəma ni ya nda nza nda ma zlghafta dər wa ta *Yesu *Kristi. Haɗ ya galap Lazglafta, dər la *Yahuda dər gwal kul nzakway ka la Yahuda wa.

La Ruma 3:29

Lazglafta ná, ŋa la Yahuda nda ghəŋa taŋ ra? Lazglafta gwal kul nzakway ka la Yahuda a guli ra? Mantsa nzakwa ni, Lazglafta gwal kul nzakway ka la Yahuda ya guli,

1Kwa 12:13

Amu demdem, dər la *Yahuda tsi, dər la *Grek a tsi, dər mndu ka vuʼa tsi, dər mndu kul haɗ ka vuʼa a tsi, magamafmaga lu ta batem ŋa nzaku ka sluʼuvgha turtuk ma Sulkum turtuk. Ka mutsaftá mu demdem ta va tsa Sulkum turtuk ya, manda skwi sava mu nda sa.

1Kwa 14:11

Ama, ka sna a yu ta tsa gwaɗa ta gwaɗ lu ya wu katsi, ka mayəm yu ma tsa mndu ta gwaɗa tsa gwaɗa ya, ka mayəm tsa mndu ta gwaɗa tsa gwaɗa ya ma iʼi guli.

1Kwa 7:19

Dər tsanaghuha lu, haɗ skwi tsanagha tsi wu, dər tsanaghu a lu wu, haɗ skwi tsanagha tsi wu, snata zlaha Lazglafta mala ni.

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Afisus 1:23

Kristi ná, ghəŋ ta ghəŋa *Igliz ya, ta nzakway ka vgha ni. Ma tsa guyatá vgha mnduha ni ya nzamta Kristi. Ma tsatsi nzatá nzakwa Lazglafta ka mara vgha nda ma tsatsi guli.

Afisus 2:14

Manda batá dzugur si nzatá nzakwa ghuma mataba mu, ka sagha tsi psliŋta, ka namafta ka mndəra mndu turtuk. Əŋkaʼ a ka tsatsi ta famta zɗaku mataba mu.

Afisus 2:15

Ka hliŋtá tsi ta inda tsa zlahuha ta mnə la Yahuda ya nda ma mtuta ni, kabga ŋa guyanaftá mndəra la Yahuda nda sanlaha ma mndəra mndu ŋa nzakwa taŋ ka sana lfiɗa mndəra mndu turtuk. Ma tsa magata ni mantsa ya famta tsi ta zɗaku mataba taŋ.

Afisus 3:17

Ta ɗaway yu da tsi guli ta gɗavata *Kristi ma ŋuɗufa ghuni ma zlghafta ya zlghaf kuni. Ta ndəɓay yu ta dzvu da tsi guli, ka ŋavata kuni ka ɗvuvustá vgha ghuni sani nda sani. Ka ta ɗvuvusɗva kuni ta vgha ghuni kahwathwata katsi ná, dzaʼa nzakway kuni manda dihatá fu laghu slrəŋha ni da ghuvata haɗik. Dzaʼa nzakway kuni guli manda dihata həga thaf lu ta mndəra ni ta vəl təŋ təŋa.

Afisus 3:6

Wya tsa skwa Lazglafta ta ɗifanata ya: Dzaʼa zay gwal kul haɗ ka mndəra la Yahuda ta zlghafta ta za mgham ta vəl Lazglafta kawadaga nda mndəra la Yahuda gwal ta zlghafta. Nda kaghuni tani, nda vərɗa la Yahuda tani, nda na kuni ka mndəra mndu turtuk. Tsa imi tanaf Lazglafta ta sləməŋ ta gwal ta ndiʼaftá vgha nda Yesu Kristi ya ná, dzaʼa vlama vla, ka *Lfiɗa Gwaɗa ta mnay.

Afisus 6:8

Dər má ka Kwalva ka, dər má ka kwalva a ka wu, ka maga maga ka ta slna ɗina, dzaʼa mutsay ka ta nisəla gha da Mgham.

Kwalus 2:10

Nda ndiʼa vgha kaghuni guli dardar nda Kristi, tsatsi ta nzakway ka Mghama mbraku ta ghəŋa inda mbrakuha nda gwal ta nza nzanaghata mnduha ya.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

2 Yuhwana 1:9

Dər wati ma mndu ta kwal kul ŋanatá tagha skwa Kristi, ka tsanaghatá ŋa ni nda tsa, ta ndiʼa a nzakwa ni nda Lazglafta wa. Ala ka gɗava gɗa mndu ma tagha skwi taghanaf Kristi katsi ná, nda ndiʼa nzakwa tsa mndu ya nda Da mu Lazglafta nda ya nda Yesu Kristi Zwaŋa ni.