Kwalus 3:1 - Hdi

¹ Kawadaga nda Kristi sliʼagapta kuni ma mtaku. Zabawazaba tama ta skwiha ya ta luwa, ma vli ya nza Kristi nda ga zeghwa Lazglafta ya.

Kwalus 3:1 ပူးပေါင်းရင်းမြစ်များ

Mata 22:44

“Ka Mgham nda Mghama ɗa na: Sawi nzata nda ga zeghwa ɗa, ha ka nanafta ɗa ta ghumaha gha ka skwa ta diŋlay səla gha,” kaʼa.

Mata 26:64

Ka Yesu nda tsi mantsa: « Manda va ya mna kagha nda wa gha. Ka yu ta sgaghunaghata ta ghəŋa ni ná, daga ndanana, dzaʼa nda ngha kuni ta *Zwaŋa mndu ta nzaku nda ga zeghwa Lazglafta ta mbruta, dzaʼa nda ngha kuni ta saha ni ma kusay ta luwa guli, » kaʼa.

Mata 6:20

Ama tskawa tska ta gadghəla ghuni ta luwa ma vli dzaʼa kwal zahar zuta, dzaʼa kwal mbəzlar ksuta, nda ya dzaʼa kwal ghaliha zlraghata.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

Markus 12:36

Ya wya ka vərɗa Dawuda pghafər Sulkum nda ghuɓa mnata: “Ka Mgham Lazglafta mnanatá Mghama ɗa na: Nza nza gha nda ga zeghwa ɗa ha ka sagha fitik dzaʼa niŋta yu ta ghumaha gha ka skwa diŋlay gha,” kaʼa.

Markus 14:62

Ka Yesu zlghanaftá mantsa: « Aŋi, iʼi ya. Dzaʼa nda ngha kuni ta iʼi *Zwaŋa mndu ta nzaku nda ga zeghwa Lazglafta nda mbra. Dzaʼa nghay kuni ta saha ɗa ma kusay ta luwa guli, » kaʼa.

Markus 16:19

Tahula mnanata Mgham *Yesu ta tsa gwaɗa ya ta həŋ, ka klaghatá Lazglafta ta luwa, ka nzanatá tsi nda ga zeghwa ni.

Lukwa 12:33

Dzawiŋwa dzawa ta skwiha ghuni, ka dgiŋta kuni ŋa gwal ka pɗu ta tseda ni. Tskawa tseda ghuni ma vəl dzaʼa kwal kul ɓadzavata ta nzakway ta luwa. Hada, ksaŋta a ghali wu, ksaŋta a hzay guli wa.

Lukwa 20:42

Wya mna mna vərɗa Dawuda ma deftera Zabura kazlay: “Ka Mgham Lazglafta nda mghama ɗa ná, nza nza nda ga zeghwa ɗa,

Lukwa 22:69

Daga ndanana, dzaʼa nza nza *Zwaŋa mndu nda ga zeghwa Lazglafta nda mbra. » Ka Yesu zlghanaftá wa ni ta həŋ.

Slna gwal ghunay 2:34

Dawuda ka ghəŋa ni a ta lafi ta luwa mndani wa. Tsaw wya skwi mna tsi: “Ka Mgham Lazglafta nda Mghama ɗa ná, sawi nzata nda ga zeghwa ɗa,

Slna gwal ghunay 7:55

Ama ka nghadaftá Atiyen, mndu ya nda ndəgha nda Sulkum nda ghuɓa, ta luwa. Ka nghaŋtá tsi ta glakwa Lazglafta nda *Yesu ta sladu nda ga zeghwa Lazglafta.

La Ruma 8:34

Wa ya dzaʼa laviŋta ksutá həŋ ma guma na? *Yesu *Kristi ná, mtu mta. Ta nzaku nda ga zeghwa Lazglafta, ta maga duʼa da manaka amu.

La Ruma 8:6

Ka laghu la lu da snanatá ta ŋa skwi ta zɗəganatá sluʼuvgha katsi ná, kla ghəŋ da mtaku tsa. Ka laghu la lu da sna skwi ta zɗəganatá Sulkum nda ghuɓa katsi guli ná, kla ghəŋ da hafu nda ya da zɗaku tsa guli.

2Kwa 4:18

Fafta skwi kul nghaŋtá iri amu ta ghəŋ, ta skwi ya nghaŋ iri a wu. Skwi ya ta nghə iri ná, haɗ ta gɗavata wu, skwi kul nghaŋtá iri yeya ta gɗavata ŋa kɗekedzeŋ.

Afisus 4:10

Tsa mndu ta saha ta ghəŋa haɗik ya ná, va tsa mndu ya tsa ta ŋlaghatá ta luwa ka zaghuta trezekw, ŋa gay ni ta mgham ta ghəŋa inda skwi nda Sulkuma ni.

Afisus 5:22

Kaghuni miʼaha, ka hanagana hana dər wati ma marakw ta ghəŋ mista zəʼala taŋ. Manda tsaya dzaʼa maraŋta kuni ta hanatá ghəŋa ghuni mista Mgham *Yesu.

Kwalus 2:20

Wya mtu mta kuni kawadaga nda *Kristi, ta haɗ mbrakwa na ghəŋa haɗik na ta ga mgham ta ghəŋa kaghuni wa. Kabgawu tama ta kəl kuni ka gɗata ta magaku manda ŋa gwal ma ghəŋa haɗik na? Kabgawu ta kəl kuni ka sna na zlahuha taŋ ta mnay kazlay:

Kwalus 3:2

Ta luwa ká fatá ghəŋa ghuni, ma nza tsi ta haɗik,

Hebru 1:13

Ta walaŋ a Lazglafta ta mnanatá ya dər turtuk mataba duhwalha ni kazlay: « Sawi nzata nda ga zeghwa ɗa, dzaʼa pgha pgha yu ta ghumaha gha ŋa nzakwa taŋ ka skwata pgha səlaha gha » kəʼa wa.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 10:12

Ama Yesu Kristi ná, turtuktuk vlata tsatsi ta ghəŋa ni ŋa pla ghəŋ ŋa hərɗiŋta ɗekɗek ta dmakwa mnduha. Tahula tsa, ka nzatá tsi nda ga zeghwa Lazglafta.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Hebru 8:1

Wya mala dughwaŋa skwi ta mnə ŋni: Mamu mu nda mali ta ghəŋa gwal dra skwi ŋa Lazglafta. Tsatsi ná, ta luwa ta nzakwa tsatsi nda ga zeghwa dughurukwa Lazglafta.

1 Piyer 3:22

Vraghu vra Yesu Kristi ta luwa, ta nzaku nda ga zeghwa Lazglafta, ta ga mgham ta ghəŋa duhwalha Lazglafta, nda inda sanlaha ma skwiha nda mbra nda mbra.