Kwalus 2:8 - Hdi

⁸ Ɗaswa ka kuni, da nanaghata mnduha ta kaghuni nda ndana ghəŋa haɗik, ka nda baru ta sabi ma ndana ghəŋa mnduha ta sladafta ta mbrakwa ghəŋa haɗik, kul haɗ Kristi ya a tsi.

Kwalus 2:8 ပူးပေါင်းရင်းမြစ်များ

Mata 10:17

Ɗasuwa ká kuni, dzaʼa hlay mnduha ta kaghuni da vla guma. Dzaʼa sləvay həŋ ta kaghuni nda gaslərɓaha ma həga tagha skwa taŋ.

Mata 16:6

« Ɗasuwa ka kuni! Nghawa ghəŋa ghuni da isa la *Farisa nda la *Sadukiya, » ka Yesu nda həŋ.

Mata 7:15

« Ɗasuwa ka kuni nda anabiha ta tsakalawi ta sliʼamta da taba ghuni manda tuwak, ama ma ŋuɗufa taŋ ta sidi həŋ manda kramtak mtak.

Slna gwal ghunay 17:18

Mamu gwal ta tagha dzaŋa tva mbaɗa gwaɗa ta hgə lu ka la Ipikuri, nda Situyikiya ta mbaɗa gwaɗa nda tsi guli. « Nu ta yə na mndu na katək na? » ka sanlaha. « Gwaɗa ta sana Lazglafta kul haɗ hadna ta gwaɗ tsi. » Ka sanlaha, kabga snay taŋ ta mnay Pwal ta gwaɗa ta *Yesu nda sliʼagapta ya sliʼagap tsi mataba gwal nda rwa.

Slna gwal ghunay 17:32

Na tsa snaŋta taŋ ta mnay Pwal ta gwaɗa ta sliʼagapta mataba gwal nda rwa ya, ka ghuɓasu sanlaha nda ghuɓasa ta Pwal. « Ŋa snəglanavata ŋni baɗu ma sani ta tsa gwaɗa ta mnə ka ya, » ka sanlaha.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

1Kwa 10:12

Tsaya tama, ka nda slada slada ɗa, ka mndu ná, ɗaswa katsi tama da zləmbutá tsi.

1Kwa 8:9

Aŋ mndani, laviŋ lava kuni ta za inda skwi ta kum kuni, ama ɗasuwa ka kuni da nzaku kuni ka skwa tuthun da gwal nda hta mbrakwa taŋ ma zlghay nda ŋuɗuf nghər həŋ ta kaghuni.

2Kwa 10:5

Ta ŋarap ŋara ŋni ta inda ghwaɗaka ndanuha ta ndanata gwal ta gla ghəŋ ta pya snaŋtá Lazglafta. Ta gwaɗay aŋni ta gwaɗa ŋa ksanaktá ndana mnduha ŋa sna gwaɗa Kristi.

Galat 1:14

Mataba kamtaghuha ɗa ná, mal iʼi si ta ŋavata ka ksa dina la Yahuda. Ham ha yu ta ghəŋa ɗa ka ksa dina dzidzíha ɗa.

Galat 4:3

Manda va tsaya nzakwa ni da amu guli. Ma fitika nzakwa amu ka zwani ta kul sagha gwaɗa ta *Kristi ná, ta ga vuʼa skwiha ta ga mgham ma na ghəŋa haɗik na amu.

Galat 4:9

Ndanana tama, manda snaŋta ghuni ta Lazglafta, ta snaŋtá Lazglafta ta kaghuni ná, waká kuni ta vrəglaghuta mista sana skwiha kul haɗ mbrakwa taŋ, kul haɗ rəga taŋ, kul haɗ ghəzliwa ta na?

Galat 5:15

Ama ka si ta hihiʼiduvtá vgha, ka kwahuvustá vgha kuni mataba ghuni manda ŋa nimtak katsi ná, ɗaswa ká kuni da zaɗanata kuni ta ghəŋa ghuni.

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

Afisus 4:20

Kaghuni, manda zlghafta ghuni ta *Kristi ná, manda tsaya a taghaghunaf lu ta tva nzaku wa.

Afisus 5:6

Yaha mnduha da nanaghatá kaghuni nda tsakalawa taŋ. Ta ghəŋa tsa ghwaɗaka skwiha ya ta ɓasa Lazglafta ta ŋuɗuf dzaʼa kəl tsi ka tsanaghatá guma ta gwal ta maga tsa ghwaɗaka skwiha ya.

Vrafta ta zlahu 6:12

Ɗasuwa ka kuni, dá zanaptá kuni ta Yawe ta hlagaghunapta ma Masar ma ga vuʼa ya.

Filip 3:2

Mantsa tama, ɗasuwa ka kuni nda gwal ta maga ghwaɗaka slna, tsa la kriha ta ndana ɗatsiŋtá fafaɗ ya.

Kwalus 2:18

Yaha kuni zlanaŋtá ghəŋa ghuni ta sanlaha ma mnduha, tsa gwal ta tsəlɓu ta kəma duhwalha Lazglafta ta mna gwaɗa ta ghəŋa mazəmzəmha nghaŋ həŋ manda skwi ma suni ya, da ŋraptá həŋ ta kaghuni. Tsa mnduha ya ná, ndana mnda səla ma ghəŋa taŋ,

Kwalus 2:20

Wya mtu mta kuni kawadaga nda *Kristi, ta haɗ mbrakwa na ghəŋa haɗik na ta ga mgham ta ghəŋa kaghuni wa. Kabgawu tama ta kəl kuni ka gɗata ta magaku manda ŋa gwal ma ghəŋa haɗik na? Kabgawu ta kəl kuni ka sna na zlahuha taŋ ta mnay kazlay:

Kwalus 2:22

Haɗ sana skwi ta magata tsa zlahuha ya ksaŋər lu wa. Mnda səla tani ta tsaʼata fatá tsa zlahuha ya ka taghay mantsa ya.

Kwalus 2:23

Ka nda ghada klafta mndu ta tsa zlahuha ya ka sana skwi ná, ta dza dza ta vgha ni ka tsəlɓu ŋa tsa mbrakuha ta nzanaghata ya, ka va magay ni ta tsa slnaha ya, ka va zlahafta vgha ni. Kulam nda tsa, haɗ dzaʼa kataŋta ŋa dzatá ghudzaku ma vgha ni wa.

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

2Tim 3:13

Ama ghwaɗaka mnduha nda gwal nənɓa mnduha ná, ta kəma ta kəma ta ɓadzakwa nzakwa taŋ. Dzaʼa nənɓap nənɓa həŋ ta sanlaha, dzaʼa nənɓap nənɓa həŋ ta ghəŋa taŋ guli.

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.

Hebru 3:12

Ɗasuwa ka kuni zwana ma ɗa, yaha ya dər turtuk mataba ghuni da nzata nda ghwaɗaka ŋuɗuf ka zlanavatá Lazglafta ta vla hafu ya.

1 Piyer 1:18

Nda sna kuni kazlay, varagap ma nzaku ka rgha, zlaghunaŋ dzidza ghuni lu ta kaghuni kəʼa. Nda dasu nda ya nda dzindar ta ɓadzaku ya a varata lu ta kaghuni wu,

2 Piyer 3:17

Kaghuni graha ɗa ya ta ɗvu yu, snaghunam sna lu ndana tama. Ɗasuwa ka kuni, yaha krughuva ghwaɗaka mnduha da zaɗighunista da tsaghutá kuni ta vgha ta fatá ghəŋa ghuni.

2 Yuhwana 1:8

Ɗasuwa ka kuni nda həŋ, da dəɗəgudughunusta hya hya skwi ya mutsaf kuni da aŋni, ya dzaʼa mutsay kuni ta nisəla ghuni katakata.