Kwalus 2:16 - Hdi

¹⁶ Tsaya tama, yaha mndu da kɓa kaghuni ta ghəŋa skwi ŋa zay nda za, nda ya ŋa say nda sa, ka ta ghəŋa sanlaha ma fitika skalu a tsi, nda ya ta ghəŋa nghakwa tili, nda ya ta ghəŋa fitika Sabat.

Kwalus 2:16 ပူးပေါင်းရင်းမြစ်များ

2Mgh 4:23

Kaʼa nda si mantsa: « Kabgawu kəl ka ka kuma dzaʼa da taŋ gita na? Ya skala dər ngha tili a wu, fitika dər Sabat a tsi wu na, » kaʼa. Ka tsa marakw ya mantsa: « Ləŋləŋ haɗ sana skwi wu, » kaʼa.

1Rus 23:31

mantsa ya ta fitika vlay lu ŋa Yawe ta inda skwa pla ghəŋ ŋa dray tsuh tsuh baɗ sabatha, nda ŋa ngha tili, nda ŋa skala rfuha. Inda fitik həŋ ta maga tsa slna ya ta kəma Yawe, taɓta mbsaka taŋ nda tva skwiha ŋa magay.

2Rus 31:3

Ka vlatá mgham ta faway turtuk mataba skwiha ni ŋa pla ghəŋ ŋa dray tsuh tsuh: Pla ghəŋ ŋa dray tsuh tsuh ga sərɗək nda ya ga hawu, nda pla ghəŋ ŋa dray tsuh tsuh ŋa sabatha, nda ya ma inda ngha tili, nda skaluha, manda ya nda vinda ma zlaha Yawe.

Nəhemiya 10:31

Haɗ ŋni dzaʼa vla kwagha ŋni, ŋa gwal ta nzata ta na haɗik na ma fitika hlaghatá mnduha da ga vuʼa wa. Hləta a aŋni guli ta kwagha taŋ ŋa zwana ŋni wa.

Nəhemiya 10:33

Ka fatá ŋni ka zlahu ta vlay ŋni ta turtuk ma dgatá darama tsedi hkən inda vaku ŋa slna həga Lazglafta mu.

Nəhemiya 8:9

Na snanata mnduha demdem ta tsa gwaɗaha ma zlahu ya, ka taw həŋ ta taw. Mantsa tama, ka mnə i guvna Nəhemiya, nda Izra mnda dra skwi ŋa Lazglafta, ta tagha zlahu, nda la Levi ta tsisla zlahu ya ŋa mnduha demdem, ka həŋ mantsa: « Nda fa na fitik gita u na ka ŋa Yawe, Lazglafta ghuni. Ma nza kuni zuzuʼuva, ma taw kuni ta taw, » ka həŋ.

La Levi 16:31

Dzaʼa nzakway ka Sabat da kaghuni, ka fitika mbiʼa vgha dar dar, ka hanaganata kuni ta ghəŋ. Tsaya tva skwi ŋa magay ŋa ɗekɗek.

Mbsak 10:10

Ka vyata kuni ta duli baɗ mutsafta ghuni ta fitik ŋa rfay ghuni ta rfu, ma fitika sanlaha ma skaluha ghuni, ma ngha tili, ma vlay ghuni ta pla ghəŋha ŋa dray tsuh tsuh, nda pla ghəŋa zɗaku. Dzaʼa fam fa ta Lazglafta ghuni ŋa havapta ni ka kaghuni. Iʼi Yawe, Lazglafta ghuni, » kaʼa.

Mata 15:11

Skwi ta lami nda la nda ma wubisim a ta ŋəriŋtá mndu wu, ama skwi ta sabi nda sa ma wa mndu ta ŋəriŋtá mndu, » kaʼa.

Markus 7:19

Haɗ tsa skwi ta zadata mndu nda za ya ta dzaʼa da ŋuɗufa mndu wu, da huɗi ta dzaʼa tsi ŋa dzaʼa thidiŋta ma dra, » kaʼa. Tsa gwaɗa Yesu ya ná, ta kumay ta mnay kazlay: *Nda ghuɓa inda skwa zay kəʼa.

Slna gwal ghunay 15:20

Skwi ŋa vindanaftá həŋ na: Zlaŋta taŋ ta wuya skwi, nda hliri, nda za skwi ɓərtá lu nda ɓərta, nda za us, kabga

La Ruma 14:10

Kagha tama, kabgawu ta kəl kagha ka tsa guma ta ghəŋa zwaŋama gha? Kagha guli! Kabgawu ta kəl kagha ka mnay i wa kagha na, kaʼa nda zwaŋama gha na? Wya dzaʼa lagha la inda amu demdem ta kəma Lazglafta ŋa tsamaghata ni ta guma.

Galat 4:10

Ta fa fa kuni ta ghəŋa ghuni ka wara sana vaghuha, nda sana tiliha, nda sana fitikha, nda sana vakuha!

Kwalus 2:20

Wya mtu mta kuni kawadaga nda *Kristi, ta haɗ mbrakwa na ghəŋa haɗik na ta ga mgham ta ghəŋa kaghuni wa. Kabgawu tama ta kəl kuni ka gɗata ta magaku manda ŋa gwal ma ghəŋa haɗik na? Kabgawu ta kəl kuni ka sna na zlahuha taŋ ta mnay kazlay:

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.

Hebru 9:10

Gwaɗa ta skwa zay, nda skwa say, nda tva ghuɓaku kavghakavgha kweŋkweŋ ta taghamafta tsaha ya. Tsa skwiha fa fa lu laviŋ mnduha ta magay ya ná, nda nza tsaha ya ŋa kəzla mbəɗanafta Lazglafta ta inda skwi.

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

1Sam 20:18

Ka Yunataŋ nda tsi mantsa: « Mahtsim ngha tili. Nghaŋta a lu ta kagha wu, kabga haɗta a mndu ta vla nzakwa gha wa.

1Sam 20:5

Ka Dawuda nda Yunataŋ mantsa: « Wya mahtsim dzaʼa nghafta tili, má dzaʼa nza nza yu ta vata mgham ŋa za skwa zay. Ama zliha zla ka laghwa yu, ka dzaʼa yu da ɗifaghuta ma vwah ha ga hawu baɗ mahkəna fitik.