Kwalus 2:13 - Hdi

¹³ Kaghuni, si nda rwa kuni ta kəma Lazglafta, kabga dmakwa ghuni, nda kwala fafaɗa ghuni kul tsaku guli. Ka vraghunamtá Lazglafta nda hafu kawadaga nda tsi, ka plamatá inda dmakwa mu.

Kwalus 2:13 ပူးပေါင်းရင်းမြစ်များ

Lukwa 15:24

Nana zwaŋa ɗa wana tsi na ná, manda skwi si nda mta, wana vrakta nda hafu, si nda zaɗa ka nghavatá tsi,” ka da ni nda kwalvaha ni. Ka zlraftá həŋ ta rfu.

Lukwa 15:32

Nda ra ka magatá skwa skalu, ka rfay mu ta rfu. Nana zwaŋama gha wana tsi na ná, si nda mta, ka vraktá tsi nda hafu. Si nda zaɗa, ka nghavatá tsi,” » ka da ni nda tsi.

Lukwa 9:60

« Zlaŋ zla ta gwal nda rwa ka paɗa həŋ ta ghəŋa taŋ, sliʼaf sliʼa kagha ka dzaʼa ka da mna gwaɗa ta ga mghama Lazglafta, » kaʼa nda tsi.

Yuhwana 5:21

Manda ya ta sliʼaganapta Da ta gwal nda rwa nda hafu ya, mantsa ya ta vlaŋta zwaŋ ta hafu ŋa mndu ta kum tsi.

Yuhwana 6:63

Sulkuma Lazglafta ta vla hafu, haɗ sana skwi laviŋ mnda səla ta magata wa. Na gwaɗa mnaghuna yu na ná, Sulkum nda hafu ya.

La Ruma 4:17

Nda vinda ma deftera Lazglafta kazlay: Fa fa yu ta kagha ka da ni ma inda mndəra mndu kəʼa. Nda nza Abraham ka Da mu da Lazglafta ya zlghaf tsi nda ŋuɗuf. Tsa Lazglafta ya ta vranamtá hafu ma gwal nda rwa. Tsatsi nda mbrakwa hgagaptá skwi kul haɗ ŋa nzakwa ni mamu.

La Ruma 6:13

Ma zlanaŋ kuni ta dmaku ta fawayha ghuni ŋa maga dmaku. Katək ná, vlaŋwa vla ta ghəŋa ghuni ta Lazglafta, kabga nda nza kuni ka gwal nda hafu ta sliʼagapta ma mtaku. Zlanaŋwa fawayha ghuni ta Lazglafta, ka maga tsi ta skwiha ya tɗukwa nda həŋ.

La Ruma 8:11

Ka si ta nzaku Sulkuma tsa mndu ta sliʼaganaptá Yesu ma mtaku ya ma kaghuni katsi, va tsa mndu ta sliʼaganaptá Kristi ma mtaku ya, dzaʼa vranamtá hafu ma tsa sluʼuvgha ghuni ta mtuta nda ma tsa Sulkuma ni ta nzaku ma kaghuni ya.

1Kwa 15:36

Rghargha vgha na! Sna a ka kazlay: Haɗ skwi ta sləgadata ka ta ɗyafta ka ta rwa a tsi wu kəʼa ra?

1Kwa 15:45

Manda ya nda vinda ma deftera Lazglafta na: « Adamu taŋtaŋa mnda səla vuslanam Lazglafta ta hafu. » Mahisa *Adamu ta nzakway ka *Kristi ya ná, ta luwa saha tsatsi, tsatsi ta vla hafu ŋa mnduha.

2Kwa 3:6

Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 5:19

Skwi ta mnə aŋni ná, Lazglafta ta magatá slna ni nda ma Kristi ŋa slərɓaptá zughu mataba ni nda inda mndu. Ŋəvgla a ta dmakwa mnduha wa. Kəl tsi ka ghunaftá aŋni ŋa dzaʼa mnay ŋa mnduha kazlay: Ta kumay yu ta slərɓapta ɗa ta zughu nda həŋ kəʼa.

Afisus 2:1

Ghalya si nda rwa kaghuni ta wa ira Lazglafta, kabga ghwaɗaka skwiha si ta mag kuni.

Afisus 2:11

Ka yu ta mnaghunata wa, mndəra la *Yahuda a kaghuni wa. Havakwahava ɓa ta nzakwa ghuni ghalya ta kul zlghaftá kuni ta *Kristi. Gwal kul tsaku fafaɗa taŋ ka həŋ ta hga kaghuni. Kəl həŋ ka hga kaghuni manda tsaya na: Mnduha Lazglafta aŋni ka hahəŋ, kabga ɗatsatá fafaɗa taŋ. Tsaw tsa tsatá fafaɗa taŋ ya ná, skwi ta nghanaŋtá sluʼuvgha ya ɗatsa mnduha nda dzva taŋ.

Afisus 5:14

Ka nda ghada saba skwi ta daɓi katsi ná, gi tsuwaɗak nzakwa ni. Tsaya ta kəl lu ka mnay kazlay: « Kagha mndu ta hani, sliʼaf sliʼa ta hani. Sliʼaf sliʼa mataba gwal nda rwa, ka tsuwaɗakaghafta Kristi » kəʼa ya.

Kwalus 2:12

Ma magaghunaftá batem fadata lu ta kaghuni kawadaga nda Kristi da kulu, ka sliʼagaptá kuni kawadaga nda tsi guli nda ma zlghafta ghuni ta mbrakwa Lazglafta ta sliʼaganaptá Kristi ma mtakuya.

1Tim 5:6

Ama wadgu ya ta nzaku ta daghayakwani ná, nda mta tsaya dər má ta ndiri tsi.

1Tim 6:13

Ka yu ta mnaghata ta kəma Lazglafta ta vla hafu ŋa inda skwi, nda ya ta kəma *Yesu *Kristi ta mnigiŋtá vərɗa gwaɗa ta kəma Pwaŋəs Pilat ná,

Hebru 6:1

Mantsa ya tama, zluŋmazla ta hamata zwana tagha skwi ya ta tagh mu ta ghəŋa *Kristi, mbaɗma ta ghəŋa tagha skwa gwal nda ndəha. Ma laghu mu vrəglafta ta ghəŋa dughwaŋa skwi ta nzakway ka: Gwaɗa ta ghəŋa pla dmaku, ŋa zlaŋta mnduha ta maga slnaha ya ta kla həŋ da Zaɗaku, nda gwaɗa ta zlghaftá Lazglafta nda ŋuɗuf,

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Yakubu 2:17

Manda va tsaya nzakwa zlghay nda ŋuɗuf guli. Ka haɗ slna ni ta maravata wu katsi, nda mta ma vgha ni.

Yakubu 2:20

Rghargha vgha na. Ta kumay ka kulam gita ta mnaghaŋta kazlay: Zlghay nda ŋuɗuf kul haɗ slna ni ná, haɗ ghəzliwa ni wu kəʼa ra?

Yakubu 2:26

Tsaya tama, ka haɗ hafu ma sluʼuvgha ná, nda mta nzakwa ni, manda va tsaya zlghay nda ŋuɗuf guli, ka haɗ slna ni wu ná, nda mta nzakwa ni guli.

1 Yuhwana 2:12

Zwana ɗa, ka yu ta vindaghunafta na: « Plighunis pla Lazglafta ta dmakuha ghuni, kabga slna *Yesu *Kristi ta magata. »