Kwalus 1:28 - Hdi

²⁸ Tsa Kristi ya ta mnə ŋni ta gwaɗa ta ghəŋa ni, ka vla hiɗaku ŋa inda mndu, nda tagha skwi nda ɗifil ya laviŋ lu ya, ŋa nuta inda mndu ka mndəra mnduha ma Kristi.

Kwalus 1:28 ပူးပေါင်းရင်းမြစ်များ

Izra 7:25

Ama kagha Izra, manda ya vlagha Lazglafta ta ɗifila ni ya, ka pghamta ka ta gwal tsa guma, nda gwal dganatá gwaɗa. Ŋa tsa guma mataba inda gwal nda ta ɓla ghwa təv dɗakwa fitik ya, nda sna ta zlaha Lazglafta gha ya. Gwal kul snaŋtá tsa zlahu ya ná, ka taghanafta ka ta həŋ.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Mata 3:7

Nghay Yuhwana ta ndəghadaghata la *Farisa nda la *Sadukiya ta sliʼadaghata da tsi, ŋa maganaftani ta batem ta həŋ ná, kaʼa nda həŋ mantsa: « Mndəra la mupuhwa! Wa ya ta mnaghunatá hwayapta ma tsa ɓasatá ŋuɗufa Lazglafta dzaʼa sagha ya na?

Mata 5:48

Nzawa nza ka vərɗa mndu manda va nzakwa Da ghuni ta luwa ka vərɗa mndu ya. »

Markus 6:34

Manda ɓhadaghata Yesu, ka sab tsi ma kwambalu. Kəʼa kəʼa ná, tizlik tskata mnduha, ka ksaŋtá həŋ katakata ta Yesu ka hiɗahiɗa, kabga nda nza həŋ manda tuwakha kul haɗ mnda ngha həŋ, ka gi nzatá tsi ka tagha skwiha ŋa taŋ.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

Slna gwal ghunay 10:36

Ghunaf ghuna Lazglafta ta gwaɗa ni ŋa zwana la Israʼila ma mnanaŋtá *Lfiɗa Gwaɗa ta nzaku nda ma *Yesu *Kristi, ta nzakway ka Mghama inda mnduha, ta həŋ.

Slna gwal ghunay 11:20

Mbaɗa sanlaha ma gwal zlghay nda ŋuɗuf ta nzakway ka mnduha la Kiprus nda la Sireŋ, ka sliʼafta ka laghu da luwa Aŋtakiya, təv la *Grek. Ka mnə həŋ guli ta *Lfiɗa Gwaɗa Mgham Yesu ŋa taŋ.

Slna gwal ghunay 13:38

Mantsa tama zwana ma, ɗina ka snaŋta ghuni kazlay: Əŋkaʼ a ka tsa Yesu ya kəl lu ka mnaghunaŋta nda pla dmakwa ghuni kəʼa. Trap tra zlaha Musa ta klaptá kaghuni ma tsa dmakwa ghuni ya.

Slna gwal ghunay 17:18

Mamu gwal ta tagha dzaŋa tva mbaɗa gwaɗa ta hgə lu ka la Ipikuri, nda Situyikiya ta mbaɗa gwaɗa nda tsi guli. « Nu ta yə na mndu na katək na? » ka sanlaha. « Gwaɗa ta sana Lazglafta kul haɗ hadna ta gwaɗ tsi. » Ka sanlaha, kabga snay taŋ ta mnay Pwal ta gwaɗa ta *Yesu nda sliʼagapta ya sliʼagap tsi mataba gwal nda rwa.

Slna gwal ghunay 17:3

Ka paslay ŋa taŋ, ka mnay kazlay: Dzaʼa ghuy ghuya *Kristi ta ɗaŋwa, dzaʼa sliʼagap sliʼa nda hafu mataba gwal nda rwa kəʼa. « Tsəna *Yesu ta mnə yu ŋa ghuni na ná, tsaya tsa Kristi ya, » kaʼa.

Slna gwal ghunay 20:31

Ka nzata kuni hzleŋa. Havapwa hava kazlay: Hkən vakwa ɗa ta ŋavata nda ima taw ta iri, nda rviɗik tani, nda fitik tani, ta vla hiɗaku ŋa inda kaghuni kəʼa.

Slna gwal ghunay 3:20

Mantsa ya dzaʼa kəl Lazglafta ka vlaghunatá fitika hlaptá hafu, ŋa ghunəgaghunatani ta Yesu, ta nzakway ka Kristi zbaghunap tsi daga manda ghalya ya.

Slna gwal ghunay 5:42

Inda fitik tama, zlana a həŋ ta tagha skwi ŋa mnduha, nda mna gwaɗa ta ghəŋa *Lfiɗa Gwaɗa ta ghəŋa Yesu *Kristi ma həga Lazglafta nda ya ma həga ga mnduha wa.

Slna gwal ghunay 8:35

Ka zlraftá Filip ta gwaɗa ta ghəŋa tsa vli dzaŋaf tsi ya, ka mnanaŋtá tsi ta *Lfiɗa Gwaɗa ta ghəŋa *Yesu.

Slna gwal ghunay 8:5

Ka laha Filip da luwa Samari, ka mnə tsi ta gwaɗa ta *Kristi ŋa mnduha hada.

Slna gwal ghunay 9:20

Ka gi sliʼaftá tsi ka mnay ma həga tagha skwa la *Yahuda, kaʼa mantsa: « Yesu ná, Zwaŋa Lazglafta ya, » kaʼa.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

1Kwa 1:23

Aŋni, gwaɗa ta zləŋatá *Yesu Kristi ta udza zləŋay ŋa aŋni ta mnay. Ka zaɗiŋtá tsa gwaɗa ya ta la Yahuda. Tsaɓaku tsa gwaɗa ya ka hamata gwal kul nzakway ka la Yahuda guli ta mnay.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

1Kwa 12:8

Mbrakwa gwaɗa nda ɗifil vlaŋ Sulkum ta sani. Midala gwaɗa vlaŋ va tsa Sulkum ya ta sani.

1Kwa 15:12

Ka si ta mnay lu kazlay: Sliʼagap sliʼa *Kristi kəʼa ya ní, kabgawu ta kəl sanlaha mataba ghuni ka mnay kazlay: Haɗ sliʼagapta ma mtaku wu kəʼa na?

1Kwa 2:15

Mndu nda Sulkuma Lazglafta ma tsatsi ná, laviŋ lava ta gala inda skwi. Tsatsi ya tama, haɗ sana mnduha dzaʼa laviŋta galaptá tsatsi wa.

1Kwa 2:6

Ta mnə ŋni ta gwaɗa ŋa gwal nda sifa ma zlghay nda ŋuɗuf ná, vərɗa ɗifil taghə ŋni, hiɗakwa gwal dagala dagala ma na ghəŋa haɗik ta dzaʼa zwaɗuta na a wa.

1Kwa 4:14

Ŋa pghaghunaghatá hula a ta vindaghunafta yu ta na skwi na wu, ŋa hurzlaghunaptá sləməŋ ta vindaghunafta yu, kabga zwana ta ɗvu yu kuni.

2Kwa 10:14

Ma laba ŋni da kaghuni ná, tsughwaɗaghu a ŋni ta kuraghuta tsa vliha kuraŋna tsi ya wa. Tiŋəl aŋni ta klədaghunaghatá gwaɗa Kristi.

2Kwa 11:2

Ta draku yu ta ghəŋa kaghuni manda ŋa Lazglafta. *Kristi zəʼala dzugwa ghuni, ka yu ka vlaghunata. Ta kumay yu tama ta nzata ghuni nda ghuɓa, ŋa vlata ɗa ta kaghuni manda ya ta vlə lu ta makwa ta patsapatsa ŋa zəʼal dzugwani ya.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Afisus 5:27

Ta kumay ta fatá Igliz ka makwa ta rka ta wa ira ni. Va a ta nzata ni nda rɗak wu, va a ta razu tida wu, va a ta dər wati ma bədzaku tida wa. Ta kumay ta nzakwa ni ɗina kul haɗ sana skwi tida.

Vrafta ta zlahu 4:5

Nghawa, taghaghunaf tagha yu ta zlahuha, nda tva skwiha ŋa magay manda ya mnaɗif Yawe, Lazglafta ɗa. Lama ghuni da tsa haɗik ŋa ŋa ghuni ya, ka ŋanata kuni ta tsa zlahuha nda tva skwiha ŋa magay ya.

Kwalus 1:22

Ndana, slərɓapslərɓa Lazglafta ta zughu nda kaghuni, nda ma mtakwa zwaŋa ni ya ta ghuyaptá ɗaŋwa ma sluʼuvgha. Mantsa ya magata tsi ŋa ghuɓaghunata hezleʼ, ŋa hladaghunaghata ta kəma Lazglafta, kul haɗ sana rutsak, nda ghwaɗaka skwi ta kaghuni.

Kwalus 2:10

Nda ndiʼa vgha kaghuni guli dardar nda Kristi, tsatsi ta nzakway ka Mghama mbraku ta ghəŋa inda mbrakuha nda gwal ta nza nzanaghata mnduha ya.

Kwalus 2:3

Inda gadghəla ɗifil nda ghunislak ná, ma *Yesu Kristi ɗifaghuta həŋ.

Kwalus 3:16

Ka nzam nza gwaɗa Kristi mataba ghuni gerger. Mnuvuswa mna ta gwaɗa mataba ghuni, vluvuswavla ta hiɗaku sani ŋa sani nda kɗavakta hiɗaku. Fawa laha ŋa Lazglafta ma hya hya ŋuɗufa ghuni nda rfu, ka zləzlva kuni, ka ghuba kuni nda inda laha ta vlaghunata Sulkum.

Kwalus 4:12

Ta ga zgu Ipafras ta nzakway ka mnda ghuni ya, ŋa ghuni guli. Kwalva Yesu Kristi ya. Haɗ ta zlaŋtá maga duʼa da Lazglafta ta ghəŋa kaghuni wa. Ta magay ta duʼa ŋa dihavata ghuni, ŋa sifaghunafta ta tva Lazglafta.

1Tes 4:6

Ma tsa skwiha ya tama ná, ma tsaghu sani ta sani ka nənɓapta, kabga dzaʼa ghuzlanap ghuzla Lazglafta ta iri ta gwal ta maga mndərga tsaya, manda ya ghada ŋni ta mnuta ya.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

1Tim 3:2

Ɗina ka nzakwa mali ta ghəŋa Igliz, ka mndu kul haɗ rutsak tida, turtuk ka markwa ni, zlahafzlaha katsi ta ghəŋa ni, ta ndanay katsi ta ndanu tɗukwa, ɗina ka nzakwa ni, ta tsuʼay katsi ta mayəm ga taŋ, nda sna katsi ta taghanaftá skwi ta mndu,

Hebru 10:14

Ma tsa vlata ni ta ghəŋa ni turtuktuk ya, ka nanaftá tsi ka gwal tɗukwa ŋa ɗekɗek ta wa ira Lazglafta, ta gwal ta ghuɓiŋta tsi ta dmakwa taŋ.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!

2 Piyer 3:15

Havakwahava kazlay: Skwi ya kəl Mgham Yesu ka gərɗaku ná, kabga ŋa mutsafta mnduha ta mbəɗanaftá nzakwa taŋ, ŋa mbanafta ni ta həŋ ya kəʼa. Manda va tsaya vindaghunafta zwaŋama mu Pwal ya ta ɗvu mu guli nda ɗifil ya vlaŋ Lazglafta.