Kwalus 1:12 - Hdi

¹² Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

Kwalus 1:12 ပူးပေါင်းရင်းမြစ်များ

1Mgh 6:7

Ta bə lu ta tsa həga ya ná, palaha ghada lu ta fifiɗata ta hlə lu, snava a ghudzaga nduvul dər slpaɗa dər ka kiʼa wu, dər sana skwi ka kfur a tsi ma tsa həga ta bə lu ya wa.

1Rus 29:20

Tahula tsa, ka Dawuda nda inda guyatá ghəŋ mantsa: « Kdəkwakdək! Rfanaghawa rfa ta Yawe, Lazglafta ghuni, » kaʼa. Ka rfanaghata inda guyatá ghəŋ ta Yawe, Lazglafta dzidzíha taŋ. Ka dzadzatá həŋ ta ghəŋ, ka tsətsəlɓata ta kəma Yawe, nda ya ta kəma mgham.

Danyel 2:23

Ari Lazglafta dzidzíha ɗa, ta rfay yu ta kagha katakata, ta zləzləvay yu ta kagha, kabga vliha vla ka ta ɗifil, nda mbraku. Ndanana, ka sniɗimtá ka ta skwi ya ɗawaŋ ŋni da kagha, ka snaŋnamtá ka ta suna mgham, » kaʼa.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 20:17

« Ma ŋiha ka, ta laf a yu da Da ɗa karaku wu, la da mnay ŋa zwana ma ɗa kazlay: Ta dzaʼa da Da ɗa ta nzakway ka Da ghuni yu, da Lazglafta ta nzakway ka Lazglafta ghuni ya yu guli, » ka Yesu nda tsi.

Yuhwana 4:23

Dzaʼa sagha sa fitik, nda maga va ni ndanana. Ma Sulkum nda ya ma kahwathwata dzaʼa kəl mnduha ka maga duʼa, ŋa tsəɓay taŋ ta tsəlɓu ŋa Da, kabga mndərga tsa mnduha ta tsəlɓa tsa tsəlɓu ya ta zbə Da.

Slna gwal ghunay 20:32

« Ndana tama, ma dzva Lazglafta nda gwaɗa ta zɗakatahuɗa ni tani ta famta yu ta kaghuni. Tsa gwaɗa ya dzaʼa ŋla kaghuni, ŋa zay ghuni ta həga kawadaga nda inda gwal nda ghuɓa.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

La Ruma 11:17

Ka ɗatsanaghutá lu ta zligamaha fwa zaytuŋ ya ta hvə lu nda hva, ka tsaktá ya ma mtak ndiʼafta tida. Kagha mndu kul nzakway ka la Yahuda ná, manda fwa zaytuŋ ma mtak ka. Kagha tsa ndiʼaf lu ta dughwaŋa ni ta nzakway ka la Yahuda ya. Ndanana tama ná, ima slrəŋa tsa fu ya ta mutsə kagha.

La Ruma 15:27

Hahəŋ ka ghəŋa taŋ ta kurata kataŋtá həŋ. Aŋ mndani, ka dməŋ nzakwa ni má ta həŋ kabga kataŋ kata la *Yahuda ta gwal kul nzakway ka la Yahuda nda mutsaftá tfa wi ma Sulkuma Lazglafta. Mantsa ya guli ná, nda ra ka kataŋta gwal kul nzakway ka la Yahuda ta hahəŋ nda skwiha ma ghəŋa haɗik ta htaghuta da həŋ.

La Ruma 8:17

Ka si nda nza mu ka zwana ni, dzaʼa mutsay mu ta skwi ya payamaf tsi. Nda amu tani, nda Yesu Kristi tani, kawadaga mu dzaʼa mutsa tsa skwi payamaf tsi ya, kabga kawadaga mu ta ghuya ɗaŋwa, kawadaga mu guli nda tsi dzaʼa mutsa tsa glaku ya.

La Ruma 9:23

Mantsa ya kumaŋta Lazglafta ta snaŋta mnduha ta glakwa sgita ni ŋa gwal tawa tsi ta hiɗahiɗa ta həŋ, tsa gwal ya thanaf tsi ŋa lami da sgita ni ya.

1Kwa 8:6

Dər ma mantsa tsi, ŋa amu ná, turtuktuk Lazglafta ta nzakway ka Da mu, ta zlaganapta inda skwi ma ghəŋa haɗik. Ŋa ni amu guli. Turtuktuk mghama mu guli, tsaya *Yesu *Kristi zlaganap Lazglafta ta inda skwiha nda ma tsatsi ya, ma tsatsi nzata amu nda hafu guli.

1Kwa 9:23

Kada dzaʼa Lfiɗa Gwaɗa ta kəma ta kəma, nda ya ŋa nzakwa iʼi tekw mida guli, ka yu ta kəl yu ka maga tsa skwiha ya.

2Kwa 11:14

Skwa ndərmimay a tsaya wa! Halaway ka ghəŋa ni guli ná, ta klaf kla ta ghəŋa ni ka niŋta manda duhwala Lazglafta ta wuɗaku.

2Kwa 5:5

Lazglafta ka ghəŋa ni ta payaftá amu ŋa mbəɗamafta mantsa ya. Vlama vla ta Sulkuma ni guli ŋa gramaftá skwiha dzaʼa tsi magay ta kəma.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Afisus 2:18

Əŋkaʼ a ka Kristi kəl amu demdem, kaghuni nda aŋni tani, ka laviŋta ndusanavatá Lazglafta ta nzakway ka Da, nda ma tsa Sulkum nda ghuɓa turtuk ya.

Afisus 3:6

Wya tsa skwa Lazglafta ta ɗifanata ya: Dzaʼa zay gwal kul haɗ ka mndəra la Yahuda ta zlghafta ta za mgham ta vəl Lazglafta kawadaga nda mndəra la Yahuda gwal ta zlghafta. Nda kaghuni tani, nda vərɗa la Yahuda tani, nda na kuni ka mndəra mndu turtuk. Tsa imi tanaf Lazglafta ta sləməŋ ta gwal ta ndiʼaftá vgha nda Yesu Kristi ya ná, dzaʼa vlama vla, ka *Lfiɗa Gwaɗa ta mnay.

Afisus 4:6

Turtuktuk Lazglafta ta nzakway ka da ni ma inda mndu, ta ga mgham ta ghəŋa inda mndu, ta ksa slna nda inda mndu, ta nzaku ma inda mndu.

Afisus 5:11

Ma fam kuni ta ghəŋa ghuni da ghwaɗaka skwiha ta mag gwal ma grusl, haɗ ghəzliwa ni wa. « Na skwi ta mag kuni na ná, » ɗina a wu, ka kuni mnanaŋtá həŋ baŋluwa katək.

Afisus 5:20

Rfawa rfa ta Lazglafta ta nzakway ka Da inda fitik ta ghəŋa inda skwi ta magaghunata tsi nda ma Yesu Kristi.

Afisus 5:4

Ra a guli ka saba skwa hula, nda tsaɓaku, nda ɓla vgha ma wa ghuni wa. Skwi ta raku ka sabi ma wa ghuni ná, rfay ghuni ta Lazglafta ta ghəŋa inda skwiha magaghuna tsi.

Afisus 5:8

Si ma grusl nzatá nzakwa ghuni ghalya. Ndana tama, nda ndiʼa kuni nda Mgham *Yesu, ma tsuwaɗak nzatá nzakwa ghuni, nzawa nza tama ta nzakwa ghuni manda gwal ta nzaku ma tsuwaɗak.

Kwalus 2:2

Ta kumay yu ta nzata taŋ nda hbatá ŋuɗuf, ka nzəvuvusta həŋ ta vgha ma ɗvu, ka ndəghafta həŋ nda vərɗa hiɗaku ŋa snaŋta ɗifatá skwa Lazglafta, ta nzakway ka snaŋtá Kristi ya.

Kwalus 3:15

Ka pgha zɗakwa Kristi ta ŋuɗufa ghuni. Guyaghuna guya Lazglafta ka vgha turtuk ŋa nzakwa ghuni ma tsa zɗaku ya. Rfawa rfa.

Kwalus 3:17

Dər nahgani ta mag kuni, dər nahgani ta mnə kuni, magawa maga ma hga Mghama mu *Yesu, ka rfa kuni ta Lazglafta Da mu nda ma tsatsi.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 12:23

Gavadagha ta vata guyatá vgha mnduha Lazglafta ta nzakway ka zumaliha vindam lu ta hga taŋ ma defteri ta luwa kuni. Gavadagha ta vata mnda tsa guma ta ghəŋa inda mnduha demdem ta nzakway ka Lazglafta kuni, nda ya ta vata sulkuma mnduha tɗukwa, gwal ta kɗanakta ya kuni.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

Hebru 3:14

Amu ná, graha *Yesu *Kristi mu ka ŋana ŋa mu his his dzvu ta kahwathwata fatá ghəŋ ya mutsaf mu daga taŋtaŋ ya.

Yakubu 3:9

Nda tsi ta zləzlva mu ta Mghama mu ta nzakway ka Da mu, nda tsi guli ta ksiʼa amu ta mnduha magaf lu ta gara vgha nda Lazglafta.

1 Piyer 5:1

Ndanana tama, wya ka yu ta mnanatá la galata mndu ta ngha *Igliz mataba ghuni. Iʼi guli ná, glata mndu yu manda va hahəŋ. Masləmtsəka ghuya ta ɗaŋwa ghuy Kristi yu, dzaʼa mutsay iʼi guli ta mayaka ɗa ma glakwa Kristi ya dzaʼa maraŋta Lazglafta.

1 Yuhwana 1:3

Tsa skwi nghaŋ ŋni nda ya snaŋ ŋni ya, tsaya ta mnaghunata aŋni kada nzakwa kuni nda guya nda aŋni. Ka nda guya ghəŋa mu katsi, nda guya ghəŋa mu kawadaga nda Lazglafta Da, nda ya nda zwaŋa ni *Yesu *Kristi.

Suna Yuhwana 21:23

Zba a tsa luwa ya dər fitik, dər tili ŋa tsuwaɗaka vli mida wa. Glakwa Lazglafta ta tsuwaɗaka vli mida. Zwaŋa Tuwak pitirla tsa luwa ya.

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.

Suna Yuhwana 22:5

Haɗ ta a rviɗik ɗekɗek wa. Zbəgəlta a həŋ dər pitirla, dər tsuwaɗaka fitik wu, kabga Mgham Lazglafta dzaʼa tsuwaɗaka həŋ ŋa gay taŋ ta mgham ha ŋa kɗekedzeŋ.