Izra 1:2 - Hdi

² « Wya skwi mna Sirus mghama Persiya: Inda vli ta gə lu ta mgham ta haɗik ná, vliha vla Yawe, Lazglafta ta luwa ma dzva ɗa. Vərɗa tsatsi ta zbaptá iʼi kazlay: “Biɗifba ta həga ma Ursalima ta haɗika Yuda” kaʼa.

Izra 1:2 ပူးပေါင်းရင်းမြစ်များ

1Mgh 8:27

Ama kahwathwata ná, dzaʼa nzay Lazglafta ta haɗik ra? Dər luwa ta luwa ta ghəŋa luwa ná, laviŋ a ta ŋaftá kagha wu! Nana həga baf yu na yeya rki!

2Rus 2:12

Wya yu ta gi ghunədaghapta ndanana ta Huramʼabi, masəm ta pərɗaftá slna ni ya.

Izra 1:5

Mantsa tama, ka sliʼaftá maliha mataba mndəra la Yahuda, nda la Biŋyamiŋ, nda gwal ta dra skwi ma həga Lazglafta, nda la Levi, inda tsa gwal vlaŋ Lazglafta ta mahizl ŋa dzaʼa ba həga Yawe ma Ursalima ya.

Izra 3:7

Ka zlraftá həŋ guli ta vla tsedi ŋa gwal ta ratsa pala nda ya ŋa gwal ta fiɗa udzu nda mbra nda mbra. Ka vlə həŋ ta skwa zay nda skwa say, nda rɗi ŋa la Tsiduŋ nda la Tir, ŋa tsghəganapta tsaha ya nda ta drəf ta udza sedra daga ma Ləvanuŋ ŋa sagha da Yafu. Ka mag həŋ mantsa ya nda vlata mgham Sirus ma Persiya ta tvi.

Izra 4:3

Ama ka i Zərubavel nda Yəhusuwa nda pɗakwa maliha mataba mndəra Israʼila nda həŋ mantsa: « Haɗ skwi ta guyaŋnafta nda kaghuni ŋa bay mu ta həga Lazglafta ŋni kawadaga wa. Aŋni nda ghəŋa ŋni dzaʼa baftá həga Yawe, Lazglafta la Israʼila manda va ya mnaŋna Sirus mghama Persiya, » ka həŋ.

Izra 5:15

Nda mnanata kazlay na: Hla ta na huzla na, ka dzaʼa ka da pghamta ma həga Lazglafta ma Ursalima. Nda baftá tsa həga ya guli ta vla ni kəʼa.

Izra 6:10

Mantsa tama, ŋa laviŋta taŋ ta dra skwa pla ghəŋ həlhəla ŋa Lazglafta ta luwa, ŋa ɗawa pla dmaku. Ŋa magay taŋ ta duʼa ta ghəŋa nzakwa i mgham nda zwana ni tani.

Izra 6:3

« Ma taŋtaŋa vakwa mgham Sirus ta pala, wya kaʼa mnata: Tsa həga Lazglafta ma Ursalima ya ná, bəglafta ŋa nzakwa ni ka vla vla skwi ŋa pla ghəŋ. Ka vrəglanafta lu ta va tsa tughwa ni ŋa ghalya ya. Mkuʼ mbsak ta flugwi lafa ni ta luwa, mkuʼ mbsak ta flugwi bughwata ni guli.

Izra 7:12

« Iʼi Artahsasta, mgham ta ghəŋa mghamha ta vinday ŋa Izra, mnda dra skwi ŋa Lazglafta, mnda tagha zlahuha, ta sutá zlaha Lazglafta ta luwa guli ya, ta gaghagha ga yu ta zgu.

Nəhemiya 1:4

Na snaŋta ɗa ta tsa gwaɗa ya, ka nzata yu, ka taw yu ta taw, kidaghi fitika ɗa ma taw, ka sumə yu ta suma, ka mag yu ta duʼa ta kəma Lazglafta ta luwa,

Nəhemiya 1:5

ka yu mantsa: « Kdəkkdək, Yawe, Lazglafta ta luwa, Lazglafta dagala, ta malaghutá mbraku, ta ŋanatá dzratá wi, ta maga zɗaku ŋa gwal ta ɗvuta kagha, gwal ta ŋanata zlahuha gha!

Danyel 1:21

Ka nzatá Danyel hada ka ksanatá slna ta Nevuhadnetsar, ha ka lagha ta fitika nzakwa Sirus ka mgham ma Babila.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 2:28

Ama mamu sana Lazglafta ta luwa ta marigiŋtá skwiha nda ɗifa. Tsatsi ta snanamtá mgham Nevuhadnetsar ta skwiha dzaʼa magaku ma fitikha ta sagha. Tsa skwiha maraghaŋ Lazglafta ma suni ta han ka ta hani ta ghəzləŋa gha ya ná, wya tsi:

Danyel 4:25

Ka slanaghatá inda tsa skwiha ya ta mgham Nevuhadnetsar.

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Danyel 5:23

Mbaɗa ka ka pgha ghəŋ nda Mgham ta luwa. “Hlagiɗighawa hla ta leghwaha ni si ma həga ni ya,” ka ka nda kwalvaha. Ka sə kuni ta ghuzu tida, nda kagha tani, nda mnduha gha dagala dagala tani, nda miʼa gha tani, nda miʼa sanaghaha gha tani. Ta ghəŋa tsa guli ná, ka fə kuni ta laha ka zləzləva lazglaftaha ya tsaf lu nda kfura tseda, nda ya nda dasu, nda ya nda ghuva tili, nda ya nda kfur, nda ya nda udzu, nda ya nda pala tani. Tsa lazglaftaha ya ná, ngha a həŋ ta vli wu, sna a həŋ ta sləməŋ wu, sna a həŋ ta skwi ɗekɗek guli wa. Lazglafta ta ŋanatá hafa gha ma dzva ni, nda inda tva nzakwa gha tani ya ná, vlaŋ a ka ta glaku wa.

Danyel 6:25

Ka mgham mnafta mantsa: « Kasagaghawa kasa ta tsa mnduha ta tsanavatá gwaɗa ta Danyel ya, » kaʼa. Ka kasagaghatá lu ta həŋ, nda hahəŋ tani, nda miʼa taŋ tani, nda zwana taŋ tani, ka pghadamta da ghuruma rveriha. Na tsa pghadamta lu ta həŋ ya, gi ta luwa ta luwa ka rveriha tsaʼuwaghutá həŋ, ka ɓalanaptá ghudzifa taŋ, ka dəghaɗutá həŋ, dɗada a həŋ ta haɗik wa.

Yunusa 1:9

Kaʼa nda həŋ mantsa: « Mnda la Hebru yu, Yawe, Lazglafta ta luwa ta zləŋ yu. Tsatsi ta magaftá drəf nda haɗik, » kaʼa.