Hebru 11:34 - Hdi

³⁴ Ka niŋtá həŋ ta zlghakwa vu ləmtək. Ma sliʼa mnduha pslata həŋ nda kafay, ka ndaptá həŋ mida. Haɗ mbraku ma həŋ wu, ama ka nuta həŋ ka gwal nda mbra. Ma fitika vulu, ka nuta həŋ ka bigwala, ka ŋawaftá həŋ ta sludza haɗikha kavghakavgha.

Hebru 11:34 ပူးပေါင်းရင်းမြစ်များ

1Mgh 19:1

Ka rusanaftá Ahav ta Izabel ta inda skwi ya maga Iliya, nda ya kəʼa pslatá inda anabiha nda kafay.

1Mgh 19:3

Ka ksaftá zləŋ ta Iliya, ka sliʼaftá tsi ka hwayaghuta ŋa kata hafa ni. Ka ɓhadaghatá tsi da Bəʼerseva luwa ma dzva la Yuda, ka zlanatá tsi ta duhwala ni hada.

2Mgh 6:1

Ka guyatá ghəŋa anabiha nda Ilisa mantsa: « Nda hta na vli ta nzata ŋni ta kəma gha na katakata ka ŋa ŋni.

2Mgh 6:32

Ta nzaku Ilisa mintgha ni, kawadaga la galata mndu nda tsi. Ka ghunaftá mgham ta ya turtuk ma kwalvaha ni. Ama makəɗ tsa mndu ghunaf lu ya ka ɓhadaghata, ka Ilisa nda la galata mndu mantsa: « Nda ngha kuni ra? Waʼa ghunafta tsa mnda dzatá mndu ya ta mndu ŋa tsaghuta ghəŋa ɗa. Snawa sna! Ka sagha sa tsa mnda ghunay ya, ka hunusta kuni ta wa tgha, ka tiŋwidiŋta kuni dzibil. Sna a kuni ta ghudzaga səla daŋahəga ni nda hula ni wu ra? » kaʼa.

Sabi 18:4

Hga tsa sani ya guli ná, Ilighezer ya, kabga kaʼa si mnata na: « Lazglafta da ɗa ta katihata, ka zluʼagaptá iʼi da kafaya Firʼawna, » kaʼa.

Lukwa 21:24

Dzaʼa psla psla lu ta həŋ nda kafay nda za, dzaʼa hlagha hla lu ta həŋ da ga vuʼa mataba mndəra sana mnduha. Dzaʼa tasiŋ tasa gwal kul snaŋtá Lazglafta ta luwa Ursalima, ha ka kɗaghuta fitika gay taŋ ta mgham. »

1 Piyer 4:12

Zwana ma ɗa gwal ta ɗvu yu, yaha kuni da ndərmima ghuya ɗaŋwaha ya ta fwaghunata da nzaku tsi ka skwa madukwa da kaghuni.

Gwal tsa guma 15:8

Ka valanaghatá tsi ta həŋ, ka rwanatá həŋ katakata. Ka sliʼaftá tsi ka laghwi da nzata ma galigha ta pyam ma Ghetam.

1Sam 18:11

Ka slradaptá Sawulu ta gupa ni, kaʼa mantsa: « Dzaʼa sliglanavatá Dawuda yu ta vata həga! » kaʼa. Ama his səla Dawuda ta warata.

1Sam 19:10

Ka kum Sawulu ta slratá Dawuda ta vata həga nda gupa ni, ama ka waratá Dawuda, ka laghu gupa Sawulu tes da vata həga. Ka hwayaftá Dawuda ka ndapta ta tsa rviɗik ya.

1Sam 20:1

Ka hwayaftá Dawuda ma Nayut, ma Rama, ka lagha da mnay ta kəma Yunataŋ: « Nahgani maga yu? Nahgani krughuva ɗa? Nahgani dmakwa ɗa magana yu ta da gha? Nu ta kəl tsi ka zba hafa ɗa? » kaʼa.