Gwal tsa guma 7:16 - Hdi

¹⁶ Ka daganaptá Gidghuŋ ta tsa mnduha hkən dərmək (300) ya ka baku hkən. Ka valaŋtá tsi ta inda taŋ ta duli nda hulamha kul haɗ skwi mida, nda pinata vu ma tsa hulamha ya.

Gwal tsa guma 7:16 ပူးပေါင်းရင်းမြစ်များ

Zlrafta 14:15

Ka dagaptá tsi ta ŋwa mnduha ni kabga ŋa valanaghatá həŋ girviɗik. Tsatsi nda kwalvaha ni, ka zatá həŋ ta tsa ghumaha ya, ka liŋtá həŋ ta həŋ, ha da Huba nda təv mazlaya Damas.

2Sam 18:2

Ka daganaptá Dawuda ta gwal vulu ka bakuha hkən, ka fatá tsi ta Yuʼav zwaŋa Tseruya ka mali ta ghəŋa baku turtuk. Faha ta Avisay zwaŋama ni ma Yuʼav ka mali ta ghəŋa mahisa baku. Faha ta Itay mnda la Gat ka mali ta ghəŋa mahkəna baku. Ka mgham nda gwal vulu tama mantsa: « Ta dzaʼa yu kawadaga nda kaghuni, » kaʼa.

2Kwa 4:7

Bəzleghwa tsaf lu nda rɓisl aŋni, ta kla tsa ŋərma skwa gadghəl ya. Kəl tsi ka nzakway mantsa ya ná, Lazglafta ta mbranaghatá maga inda skwi, aŋni a wa.

Gwal tsa guma 7:15

Na snaŋta Gidghuŋ ta rusa tsa suni ya, nda tsa klatá ghəŋa ni ya, ka zləmbatá tsi ta haɗik ka rfanaghatá Lazglafta. Ka vragaghutá tsi da ghuɓa la Israʼila, kaʼa mantsa: « Sliʼafwa sliʼa, kabga vla vla Yawe ma dzva ghuni ta ghuɓa la Midyaŋ, » kaʼa.

Gwal tsa guma 7:17

Kaʼa nda həŋ mantsa: « Ka ngha kuni ta iʼi, ka maga kuni manda va ŋa ɗa! Na lagha ɗa ta wa ghuɓu ya, ka maga kuni ta skwi dzaʼa yu da magay.

1Sam 11:11

Ga mahtsima ni, ka dagaptá Sawulu ta mnduha ka zlərma hkən. Ka sliʼamtá həŋ da ghuɓa ghumaha taŋ ma kɗaku vli tsaɗaku. Ka pslə həŋ ta la Ghamuŋ ha ka lafa fitik da ghəŋ. Ka siskata gwal ta ndiri ta vgha, haɗ mndu ta nzata ka guyavata his wa.