Gwal tsa guma 7:14 - Hdi

¹⁴ Ka tsa gra ni ya nda tsi mantsa: « Kafaya Gidghuŋ, zwaŋa Yuʼas, mnda la Israʼila tsaya. Vla vla Lazglafta ma dzva ni ta la Midyaŋ nda inda gwal ma ghuɓu mu tani! » kaʼa.

Gwal tsa guma 7:14 ပူးပေါင်းရင်းမြစ်များ

Mbsak 22:38

Ka Bilgham nda Balak mantsa: « Mantsa nzakwa ni, sagha sa yu da kagha, ndanana dzaʼa laviŋ lava yu ta mna dər nahgani tsi ra? Gwaɗa dzaʼa fiɗimta Lazglafta ma wa ɗa, dzaʼa mnə yu, » kaʼa.

Mbsak 23:20

Tfanagha tfa ta wi ka lu nda iʼi. Tfanagha tfa ta wi, vrəglanakta a iʼi wa.

Mbsak 23:5

Mantsa tama, ka fanamtá Yawe ta gwaɗa ma wi ta Bilgham. Kaʼa nda tsi mantsa: « Vra da Balak, ka mnanata ka ta gwaɗa mna gha yu, » kaʼa.

Yəhusuwa 2:24

Ka həŋ nda Yəhusuwa mantsa: « Kahwathwata na, vlama vla Yawe ma dzva mu ta inda tsa haɗik ya. Dər gwal ma tsa haɗik ya guli ná, nda ghudza həŋ da zləŋ, ŋaŋta a həŋ da amu wu, » ka həŋ.

Yəhusuwa 2:9

Kaʼa nda həŋ mantsa: « Nda sna yu kazlay na vlaghuna vla Yawe ta na haɗik na kəʼa. Nda ksa ŋni da zləŋ katakata, nda ghudza inda mnduha ta na haɗik na dabga kaghuni,

Yəhusuwa 5:1

Ka snaŋtá inda mghamha la Amuru ta sana ɓla Yardeŋ nda təv dɗakwa fitik, nda inda mghamha la Kanʼana ta wa drəf Dagala kazlay ghwaliŋ ghwala Yawe ta ima Yardeŋ ŋa mutsafta la Israʼila ta tsughwaɗapta kəʼa, tsaya tama, bur ŋuɗufa taŋ, rabadakw vgha taŋ ŋa ŋaŋta da la Israʼila.

Gwal tsa guma 3:28

Kaʼa nda həŋ mantsa: « Mbaɗwa mista ɗa, kabga vla vla Yawe ta la Muwav, ghumaha ghuni ma dzva ghuni, » kaʼa. Ka valagatá həŋ mista ni. Ka ŋaghutá həŋ ta tvi ta ksə la Muwav ŋa dzaʼa tsughwaɗa Yardeŋ. Zlana a həŋ ta mndu dər turtuk ŋa tsughwaɗadaptá tsa zala ya wa.

Gwal tsa guma 7:13

Manda ɓhadaghata Gidghuŋ, ka snaŋtá tsi ta rusay sana mndu ta suna ni ŋa gra ni, kaʼa nda tsi mantsa: « Mamu sana suni ta faɗighata. Sana zlambla burada urz ya nghaŋ yu ta taŋwalaktá vgha da ghuɓa la Midyaŋ. Ka lagha tsi guyanavatá tumpul, ka zləmbutá tsa tumpul ya ka mbəɗavafta ka makɗiŋilŋil, ka hwanzaɓiŋtá tsi ta tsa tumpul ya, » kaʼa.

Gwal tsa guma 7:15

Na snaŋta Gidghuŋ ta rusa tsa suni ya, nda tsa klatá ghəŋa ni ya, ka zləmbatá tsi ta haɗik ka rfanaghatá Lazglafta. Ka vragaghutá tsi da ghuɓa la Israʼila, kaʼa mantsa: « Sliʼafwa sliʼa, kabga vla vla Yawe ma dzva ghuni ta ghuɓa la Midyaŋ, » kaʼa.

1Sam 14:12

Ka zgwana ma tsa baku ya nda Yunataŋ, nda ya nda tsa mnda klanatá huzla vulu ya mantsa: « Safwa sa da aŋni, ka zgun kuni, » ka həŋ. Ka Yunataŋ nda tsa duhwal ta klanatá huzla vulu ya mantsa: « Ŋla mista ɗa, vla vla Yawe ta həŋ ma dzva la Israʼila, » kaʼa.