Gwal tsa guma 7:13 - Hdi

¹³ Manda ɓhadaghata Gidghuŋ, ka snaŋtá tsi ta rusay sana mndu ta suna ni ŋa gra ni, kaʼa nda tsi mantsa: « Mamu sana suni ta faɗighata. Sana zlambla burada urz ya nghaŋ yu ta taŋwalaktá vgha da ghuɓa la Midyaŋ. Ka lagha tsi guyanavatá tumpul, ka zləmbutá tsa tumpul ya ka mbəɗavafta ka makɗiŋilŋil, ka hwanzaɓiŋtá tsi ta tsa tumpul ya, » kaʼa.

Gwal tsa guma 7:13 ပူးပေါင်းရင်းမြစ်များ

1Kwa 1:27

Lazglafta ka ghəŋa ni ta zabaftá tsa gwal ta nghə mnduha ma ghəŋa haɗik ka rgha ya, ŋa pghanaghatá hula ta tsa gwal nda ɗifila ghəŋa haɗik ma ghəŋa taŋ ya. Tsatsi ta zabaftá gwal ka mbegi ta nghə mnduha ma ghəŋa haɗik ya ŋa pghanaghatá hula ta gwal nda mbra.

Gwal tsa guma 3:15

Ka wahu la Israʼila ta wahu da Yawe, ka zlaganaptá Yawe ta mndu ŋa hlagaptá həŋ. Ihut tsa mndu ya, zwaŋa Geraʼ, mnda la Biŋyamiŋ, ka zlaɓa. Ka ghunaftá la Israʼila ta Ihut ŋa klaŋtá mbəhuha ta Ghegluŋ, mghama Muwav.

Gwal tsa guma 3:31

Tahula Ihut guli, ka lam Samgar zwaŋa Ghanat da vla ni. Ka pslatá tsi ta la Filisti mkuʼ dərmək (600) nda dafa ngha sla, ka kataptá tsatsi guli ta la Israʼila.

Gwal tsa guma 4:21

Hərfu hərfa Sisəra katakata, meʼ dza dza hani. Ka klaftá Yaghel markwa Hever ta silika tumpul, nda nduvul, ka kɗikadaghata ta vata ni, ka dalanamtá tsa silik ya ma ghəŋ tes da haɗik, ka mtuta Sisəra.

Gwal tsa guma 4:9

Ka Debura mantsa: « Aray, ta dzaʼa yu kawadaga nda kagha, ama ta inda tvi ya dzaʼa mbaɗ ka, ŋa gha a dzaʼa nzakwa glaku wu, kabga ma dzva marakw dzaʼa vlata Yawe ta Sisəra, » kaʼa. Ka sliʼaftá Debura ka laghwi da Kedes kawadaga nda Barak.

Gwal tsa guma 6:15

Ka Gidghuŋ nda tsi mantsa: « Kdəkkdək, rvera ɗa, kinawu ka yu dzaʼa katagaptá la Israʼila na? Gwal nda hta la ini ta uʼa taŋ mataba mndəra la Mənase, zwaŋ gudzekw iʼi guli, mataba gwal ma həga ga da ɗa! » kaʼa.

Gwal tsa guma 7:12

Pgha pgha la Midyaŋ, nda la Ghamalek, nda inda la təv safa fitik ta vgha ma tsa didiŋa ya tɗik manda hiʼa maya, mbəɗava a ŋalibwaha taŋ wu, manda wutak ta wa drəf həŋ.

Gwal tsa guma 7:14

Ka tsa gra ni ya nda tsi mantsa: « Kafaya Gidghuŋ, zwaŋa Yuʼas, mnda la Israʼila tsaya. Vla vla Lazglafta ma dzva ni ta la Midyaŋ nda inda gwal ma ghuɓu mu tani! » kaʼa.

Gwal tsa guma 8:10

Waʼa i Zeva nda Tsalmuna ma Karkur kawadaga nda gwal vula taŋ, ta magay mnduha dəmbuʼ ghwaŋpəɗ hutaf (15.000), na gwal ta pɗaku ma inda gwal vula gwal nda təv safa fitik. Psla psla lu nda kafay ta mnduha dəmbuʼ dərmək nda hisambsak (120.000).