Gwal tsa guma 4:16 - Hdi

¹⁶ Ka hwayiŋtá Barak ta mwata plisha, nda gwal vulu ha da Harusetʼguyim. Ka rwanatá lu ta inda gwal vula Sisəra nda kafay, haɗ mndu ta pɗata dər turtuk wa.

Gwal tsa guma 4:16 ပူးပေါင်းရင်းမြစ်များ

Sabi 14:28

Ka vraftá drəf, ka zanamtá mwata plisha, nda sludziha Firʼawna ta plis, nda inda sanlaha ma sludziha si ta hwayiŋtá la Israʼila da tsa drəf ya, haɗ ya ta pɗata dər turtuk wa.

La Ruma 2:12

Inda gwal ta maga dmaku kul haɗ zlaha Musa da həŋ, dzaʼa rwaku həŋ dər má haɗ tsa zlahu ya da həŋ. Inda gwal ta maga dmaku, mamu tsa zlahu ya da həŋ guli, nda tsa zlahu ya dzaʼa tsanaghata lu ta guma ta həŋ.

Yakubu 2:13

Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

Yəhusuwa 10:10

Ka zlaɓanaftá Yawe ta la Amuru ta kəma la Israʼila. Ka dzaɓatá tsi ta həŋ ma Givghuŋ, ka hwayiŋtá tsi ta həŋ ta ŋla vli ma Betʼhuruŋ, ka ɗəgaghatá həŋ tsəlak da Ghazeka nda Makkeda.

Yəhusuwa 11:8

Ka zlanaŋtá Yawe ta həŋ ma dzva la Israʼila, ka pslatá həŋ, ka ŋawaftá həŋ ga mazlay tsəlak da Tsiduŋ luwa dagala, tsəlak da Misrefutmayim, tsəlak da didiŋa Mitspe nda ta tva safa fitik. Ka pslatá həŋ ta həŋ, haɗ ya ta ndapta dər turtuk nda hafu wa.

Gwal tsa guma 4:17

Ka hwayaghutá Sisəra nda səla da ɗifaghuta ma tumpula Yaghel, markwa Hever mnda la Keŋ, kabga mamu zɗaku mataba i Yaviŋ, mghama Hatsur, nda la ga Hever mnda la Keŋ.

Gwal tsa guma 4:2

Ka vlata Yawe ta həŋ ma dzva Yaviŋ, mghama Kanʼana ta ga mgham ma Hatsur. Hga mala gwal vula ni ná, tsaya Sisəra, ta nzakw ma Harusetʼguyim.