Gwal tsa guma 2:12 - Hdi

¹² Ka zlanavatá həŋ ta Yawe, Lazglafta dzidzíha taŋ ta hlagaptá həŋ ma haɗika Masar, ka laghu həŋ mista sanlaha ma lazglaftaha, mataba lazglaftaha mndəra sana mnduha ta wanaftá həŋ. Ka tsəlɓu həŋ ta tsəlɓu ta kəma taŋ, ka ganaftá həŋ ta ɓasa ŋuɗuf ta Yawe.

Gwal tsa guma 2:12 ပူးပေါင်းရင်းမြစ်များ

Sabi 13:14

Ka ɗawaghuna ɗawa zwana ghuni ta kəma dazlay, kabgawu ta kəl kuni ka magay na ka həŋ ya, ka kuni dzaʼazlay nda həŋ na: “Nda mbrakwa dzva ni hlagamapta Yawe ma ga vuʼa ma Masar.

Sabi 13:16

Dzaʼa nzakway ka ŋizla ta dzva ghuni, ka skwa havu ta bizlbizla kuma ghuni, ŋa havamakta kazlay na Yawe ta hlagamapta nda mbrakwa dzva ni ma Masar, » kaʼa.

Sabi 13:3

Ka Musa nda mnduha mantsa: « Havapwa hava ka na fitik ya sliʼagap kuni ma ga vuʼa ma Masar na. Nda mbrakwa dzva ni hlagaghunapta Yawe. Ta havə kuni ta na skalu na, yaha kuni da za buradi nda is mida.

Sabi 13:9

Dzaʼa nzakway ka ŋizla ta dzva ghuni, ka skwa havu ta bizlbizla kuma ghuni ŋa nzakwa zlaha Yawe ma wa ghuni. Tsatsi ta hlagaghunapta ma Masar nda mbrakwa dzva ni.

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Vrafta ta zlahu 13:5

Mista Yawe, Lazglafta ghuni turtukwa ni dzaʼa kuni. Tsatsi dzaʼa kuni zləŋay, ka ŋanata zlahuha ni ya mnaghunaf tsi, lwa ni dzaʼa kuni da snay. Tsatsi dzaʼa tsəlɓu kuni ŋa ni, ta tsatsi dzaʼa ndiʼafta kuni ta vgha.

Vrafta ta zlahu 29:18

Tahula snaŋta mndu ta na gwaɗaha waɗu na, yaha mndu mataba ghuni da ghuba ghəŋa ni, ka mnay kazlay: “Dzaʼa mutsay yu ta zɗaku, dər má kɗaŋ kɗa yu ta maga skwi ta kum yu” kəʼa. Dzaʼa zaɗiŋ zaɗa tsaya ta gwal kul haɗ dmakwa taŋ nda vərɗa tsatsi tani.

Vrafta ta zlahu 29:25

Ka laghu həŋ da maganatá slna ta sanlaha ma lazglaftaha ka tsəlɓu ta kəma taŋ, lazglaftaha si kul snaŋtá həŋ, ya kul vlaŋtá Yawe ta həŋ.

Vrafta ta zlahu 32:15

Ka zutá Israʼila ka baghafta, ka uwaslaftá Yəsuruŋ, ka gaftá tsi ta sidi. Uwaslafta ni gdəɓəsl, haɗ ŋəzleɓ tida wu, kuɗetehw. Ka zlaŋtá tsi ta Lazglafta ta magafta, ka hərtətatá tsi ta kutumba mbakwa ni.

Vrafta ta zlahu 33:17

Sgit ŋa Yusufu! Nda mbra manda lghəŋ, manda dula sladra duliha ni. Nda tsi ta dza tsi ta mnduha, ha ta kɗavakta slrəŋa luwa. Sani ma tsa duliha ya dəmbuʼ dəmbuʼata la Ifrayim, sani ya dəmbuʼata la Mənase.

Vrafta ta zlahu 4:25

Ma yayata ghuni ta zwani nda zighiha, nzəɗavar kuni dazlay ma tsa haɗik ya, yaha kuni da klamtá ghəŋa ghuni da dmaku nda ma tsaftá skwa wuyay ka gray nda dər wati ma skwi. Tsaya ná, maga ghwaɗaka skwi ya ta wa ira Yawe, Lazglafta ghuni ŋa gufanaftá ŋuɗuf.

Vrafta ta zlahu 5:9

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Vrafta ta zlahu 6:12

Ɗasuwa ka kuni, dá zanaptá kuni ta Yawe ta hlagaghunapta ma Masar ma ga vuʼa ya.

Gwal tsa guma 10:11

Ka Yawe nda la Israʼila mantsa: « Ma gay la Masar, nda la Amuru, nda la Ghamuŋ, nda la Filisti tiri ŋa ghuni ná, si katagaghunap a yu ra?

Gwal tsa guma 5:8

Ka zbaptá la Israʼila ta sana lazglaftaha ka lfiɗ, gi ta wa tghaha luwa na vulu. Ngha a lu ta dər zalam, dər gupa, da mnduha dəmbuʼ fwaɗ mbsak (40.000) ma Israʼila wa.

Gwal tsa guma 8:33

Ama tahula mtuta Gidghuŋ, ka zlrəglaftá la Israʼila ta maga sliʼiŋsliʼiŋ nda ma tsəlɓu ŋa Baghalha. Ka klaftá həŋ ta Baghalʼbərit ka lazglafta taŋ.