Gwal tsa guma 2:1 - Hdi

¹ Ka sliʼaftá duhwala Yawe ma Gilgal ka lafi da Bukim. Kaʼa mantsa: « Hlagaf hla yu ta kaghuni ma Masar, ka hlagaghunamta da haɗik ya tanaf yu ta imi ta sləməŋ ta dzidzíha ghuni. Mna mna yu kazlay na: “Kadzeŋkadzeŋ, haɗ yu dzaʼa ɓlanapta dzratá wa ɗa nda kaghuni wu kəʼa.

Gwal tsa guma 2:1 ပူးပေါင်းရင်းမြစ်များ

Zlrafta 12:7

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.

Zlrafta 16:13

Ka hgaŋtá Hagar ta Yawe ta gwaɗganata ya: « Kagha Lazglafta nda ngha ta vli, » kaʼa, kabga kaʼa ma ghəŋa ni mantsa: « Nda ngha yu ta mndu ta nghaŋtá iʼi ya ra? » kaʼa.

Zlrafta 48:16

Tsatsi ta klaptá iʼi ma ghwaɗaka skwi, ka tfanagha tfa tsi ta wi ta na zwani na, əŋkaʼa ka hahəŋ dzaʼa kəl mnduha ka gɗata ta hga hga ɗa, nda ya, nda hga dzidzíha ɗa, i Abraham nda Izak, ka yafta həŋ ŋa nzakwa taŋ tusak ta ghəŋa haɗik, » kaʼa.

Sabi 14:14

Yawe dzaʼa vulaghunatá vulu, nzata kaghuni tsəriɗ ŋa ghuni! » kaʼa.

Sabi 14:19

Ka sliʼaftá duhwala Lazglafta si ta kla ghuɓa la Israʼila ya, ka nzata ta hula taŋ. Ka sliʼafta tsa kusay sundul ya guli ka nzata ta hula taŋ guli.

Sabi 20:2

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 23:20

« Sna ɓa, wana yu ta ghunaftá duhwala ɗa ta kəma ghuni ŋa ngha kaghuni ma tvi, ŋa kladaghunaghata da vli ya payaghunaf yu.

Sabi 33:14

Ka Yawe mantsa: « Ta dzaʼa htsiŋa vərɗa iʼi kawadaga nda kagha, haɗ skwi ŋa ndanay gha ta ghəŋa ni wu, » kaʼa.

La Levi 26:42

dzaʼa havak hava yu ta dzratá wa ɗa nda Yakubu, nda Izak, nda Abraham, ŋa havapta ɗa guli ka haɗika taŋ.

La Levi 26:44

Kulam nda va tsaya, haɗ yu dzaʼa vziŋta həŋ wu, mbiɗata a yu ta həŋ ha ka zaɗanatá həŋ nekwnekw ma nzakwa taŋ ta haɗika ghumaha taŋ ya wa. Haɗ yu dzaʼa ɓlanapta dzratá wa ɗa nda həŋ wu, kabga iʼi Yawe, Lazglafta taŋ.

Mbsak 14:34

Manda tsa fitik fwaɗa mbsak za kuni ta vitsa tsa haɗik ya, mantsa ya ná, vaku turtuk ŋa da manaka fitik turtuk. Dzaʼa klay kuni ma vaku fwaɗ mbsak ta ndəgakwa krughuva ghuni. Dzaʼa nda sna kuni ta skwi dzaʼa magaku ka mbəɗaghuna mbəɗa yu ta hul.”

Vrafta ta zlahu 1:8

Nghawa ɓa, vlaghuna vla yu ta na haɗik na. Lawa ka kla kuni ŋa ŋa ghuni ta haɗik ya waɗa Yawe ta vlaŋtá dzidzíha ghuni i Abraham, nda Izak, nda Yakubu, nda ya nda zivirha taŋ tahula taŋ tani,” » kaʼa.

Vrafta ta zlahu 4:34

Ar mamu a sana lazglafta ta kaɗaŋta hlapta ŋa ŋa ni ta sana mndəra mndu mataba sana mndəra mndu, nda dzəghəha, nda mazəmzəmha, nda mandərmimiha, nda ya nda vuluha nda glakwa mbrakwa ni, nda ya nda tɗatá dzva ni, nda skwiha maga tsi dagala dagala ta ga zləŋ manda inda ya maga Yawe, Lazglafta ghuni ma Masar ta wa ira ghuni ya rki na?

Vrafta ta zlahu 7:9

Grafwa gra kazlay Yawe, Lazglafta ghuni ná, tsatsi turtukwa ni Lazglafta kəʼa. Ta ŋana ŋa dar ta dzratá wa ni nda zɗakwa ni, ŋa inda gwal ta ɗvuta, ta ŋanatá zlahuha ni, ha ka lagha ta zivir dəmbuʼ.

Yəhusuwa 3:10

Ka Yəhusuwa guli mantsa: « Dzaʼa graf gra kuni kazlay na mataba ghuni Lazglafta nda hafu mida kəʼa. Nda ya kazlay dzaʼa ghəzliŋ ghəzla ta kəma ghuni ta la Kanʼana, nda la Het, nda la Hiv, nda la Periz, nda la Girgas, nda la Amuru, nda ya nda la Yəbus kəʼa.

Gwal tsa guma 11:24

Haɗ kagha ta ŋanatá ya vlagha Kəmus, lazglafta gha, ka ŋa gha wu ra? Haɗ aŋni dzaʼa klaghuta ka ŋa ŋni guli ta ya vlaŋna Yawe, Lazglafta ŋni ta kəma ŋni, ka laviŋta ŋni ta klaghuta ŋa ŋa ŋni wu ra?

Gwal tsa guma 13:2

Mamu sana mnda la Tsurgha ta uʼa la Daŋ, Manuwa hga ni. Ka dzəghəŋ markwa taŋ, haɗ zwaŋa ni wa.

Gwal tsa guma 13:3

Ma sana fitik, ka zlagaptá duhwala Yawe da tsa marakw ya, kaʼa nda tsi mantsa: « Wana ka dzəghəŋ ka, haɗ zwaŋa gha wa. Dzaʼa zlghaf zlgha ka ta huɗi ŋa yata gha ta zwaŋa zgun.

Gwal tsa guma 2:5

Ka hgə həŋ ta tsa vli ya ka Bukim, ka planatá həŋ ta ghəŋ hada ta Yawe.

Gwal tsa guma 6:8

ka ghunanaktá Yawe ta anabi ta la Israʼila, kaʼa nda həŋ mantsa: « Ka Yawe, Lazglafta la Israʼila na: “Iʼi ta hlagaghunapta ma Masar, ka hlagaptá kaghuni ma haɗika ga vuʼa.