Gwal tsa guma 17:3 - Hdi

³ Ka vranavatá tsi tama ta tsa sulay dəmbuʼ nda dərmək (1.100) ya ta ma ni. Ka ma ni mantsa: « Fana fa yu ta Yawe ta na tsedi na nda ŋuɗuf turtuk, ka vlaŋta nda dzva ɗa ta zwaŋa ɗa, ŋa tsatsafta ni ta skwa wuyay nda sana fwatu ka kfur nwap lu. Mantsa ya ta vravaghata yu, » kaʼa.

Gwal tsa guma 17:3 ပူးပေါင်းရင်းမြစ်များ

2Rus 33:7

Ka famtá tsi ta fwata skwa wuyay ya tsaf tsi ma həga Lazglafta. Tsaw ka Lazglafta si mnanatá Dawuda nda ya nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek ya.

Sabi 20:23

Ma tsatsaf kuni ŋa ghəŋa ghuni ta sana lazglaftaha ka kfura tsedi nda ya ka dasu, ma magaɗiva kuni.

Sabi 20:4

Ma tsaf ka ŋa ghəŋa gha ta skwa wuyay dər ka wu ka wu tsi ta gara vgha nda skwiha nda gaftək ta luwa, nda ya ndakalandala ta haɗik, nda ya ma imi mista haɗik.

Sabi 34:17

Ma tsatsaf kuni ŋa ghəŋa ghuni ta lazglaftaha nda kfur nwap lu.

La Levi 19:4

Yaha kuni da mbəɗaghutá vgha təv skwa wuyayha kul haɗ hayhaya taŋ. Ma tsatsaf kuni ŋa ghəŋa ghuni ta lazglaftaha nda kfur nwap lu. Iʼi Yawe, Lazglafta ghuni.

Yuhwana 16:2

Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Vrafta ta zlahu 12:3

Ka zlazliŋta kuni ta gwirha taŋ, pasliŋta kuni ta dzagwatá palaha skwa wuyay taŋ, dariŋ kuni nda vu ta udzuha Asera skwa wuyay taŋ, dzaɓiŋha kuni ta tsatsatá lazglaftaha taŋ. Mantsa ya dzaʼa zaɗanata kuni ta hga tsa skwiha ya ma tsa vliha ya.

Vrafta ta zlahu 27:15

“Nda ksiʼa mndu ta tsaftá skwa wuyay ya tsaf lu dgum, ka ya nda kfur nwap lu nda nwa a tsi ta nzakway ka slna gwal vivɗa, ka fata ma vli nda ɗifa. Nda nza tsaya ka manzakɗaway da Yawe.” “Ka nza tsi mantsa!” ka inda mnduha dzaʼa zlghaftá wa ni.

Gwal tsa guma 17:13

Ka Mika tama mantsa: « Ndanana, nda sna yu kazlay na dzaʼa magiha maga Yawe ta zɗaku kəʼa, kabga wana na mnda la Levi na ga ini, ka mnda dra skwi ŋa Lazglafta, » kaʼa.

Gwal tsa guma 17:2

kaʼa nda ma ni mantsa: « Tsa sulay dəmbuʼ nda dərmək (1.100) klugudughus lu, ka ksiʼi ka ta tsa ghali ya ta snay sləməŋa vərɗa iʼi ya kay ná, da iʼi tsa tsedi ya, iʼi ta klafta! » kaʼa. Ka ma ni mantsa: « Ka tfanagha tfa Yawe ta wi ta zwaŋa ɗa! » kaʼa.

Gwal tsa guma 17:4

Ka vranavatá tsi tama ta tsa tsedi ya ta ma ni. Ka klaftá ma ni ta sulay his dərmək, ka vlaŋtá mnda nwaptá kfur. Ka tsatsaftá tsaya ta skwa wuyay nda sana fwatu ka kfur nwap lu, ka pghata ma həga ga Mika.

Gwal tsa guma 18:30

Ka dzugwatá la Daŋ ta tsa fwatu ka kfur nwap lu ya, ŋa maga slna vərɗa hahəŋ. Ka nzakw Yunataŋ, zwaŋa Gersum, zigha Musa, nda zivira ni tani, ka mnda dra skwi ŋa Lazglafta ŋa mndəra la Daŋ, ha ta fitika hlaghata ka vuʼa ta gwal ma tsa haɗik ya.

Gwal tsa guma 18:5

Ka həŋ nda tsi mantsa: « Kdəkkdək ɗawaŋ ɗawa da Lazglafta kada snaŋta ŋni kazlay na dzaʼa ŋwaku na mbaɗa ŋni na, » kəʼa, ka həŋ.