Gwal tsa guma 17:2 - Hdi

² kaʼa nda ma ni mantsa: « Tsa sulay dəmbuʼ nda dərmək (1.100) klugudughus lu, ka ksiʼi ka ta tsa ghali ya ta snay sləməŋa vərɗa iʼi ya kay ná, da iʼi tsa tsedi ya, iʼi ta klafta! » kaʼa. Ka ma ni mantsa: « Ka tfanagha tfa Yawe ta wi ta zwaŋa ɗa! » kaʼa.

Gwal tsa guma 17:2 ပူးပေါင်းရင်းမြစ်များ

Zlrafta 14:19

Ka tfanaghatá tsi ta wi ta Abram, kaʼa nda tsi mantsa: « Ka tfanagha tfa Lazglafta Dagala, ya ta zlagigiŋtá luwa nda haɗik ta wi ta Abram.

Nəhemiya 13:25

Ka davə yu ta həŋ, ka ksiʼa həŋ. Ka dzə yu ta sanlaha mataba taŋ, ka kwitsa swidi ma ghəŋa taŋ. Ka mblaftá yu ta həŋ ŋa waɗata nda hga Lazglafta kazlay na, yaha həŋ da vla kwagha taŋ ŋa mndəra sana mndu, yaha hahəŋ guli da hla kwagha mndəra sana mndu ŋa miʼa taŋ dər ŋa zwana taŋ.

Sabi 20:7

Ma hgaŋ ka ta hga Yawe, Lazglafta gha ka bətbət. Iʼi Yawe ná, haɗ yu dzaʼa zlanata tsanaghatá guma ta mndu ta hga hga ɗa ka bətbət wa.

Mata 26:74

« Kusekw! » ka Piyer ka waɗay. « Ka ksiʼaf ksiʼa Lazglafta ta iʼi ka tsakalawa ɗa tsi. Sna a yu ta na mndu na wu, » kaʼa. Gi ka wahatá vazak.

La Ruma 9:3

ta ghəŋa zwana ma ɗa ta nzakway ka mndəra ini. Ta dər ma Ksiʼafta Lazglafta ta iʼi, ka dgihata nda Kristi, ta mbanaftá tsi ta hahəŋ, ka yu.

1Kwa 16:22

Inda mndu kul ɗva Mgham Yesu ná, ka nza tsi ka mndu nda ksiʼa. Maranata! (Mghama ŋni ta sagha!)

Vrafta ta zlahu 27:16

“Nda ksiʼa mndu ta hərtəta da ni ka ma ni a tsi.” “Ka nza tsi mantsa!” ka inda mnduha dzaʼa zlghaftá wa ni.

2 Yuhwana 1:11

Ka « huɗukhuɗuk » ká mndu ganaghatá zgu katsi ná, nda gwa wa tsa mndu ya ma tsa ghwaɗaka slna ni ya.

Gwal tsa guma 17:1

Mamu sana mndu ta kwakwar ta ghwá la Ifrayim ta hgu lu ka Mika,

Gwal tsa guma 17:3

Ka vranavatá tsi tama ta tsa sulay dəmbuʼ nda dərmək (1.100) ya ta ma ni. Ka ma ni mantsa: « Fana fa yu ta Yawe ta na tsedi na nda ŋuɗuf turtuk, ka vlaŋta nda dzva ɗa ta zwaŋa ɗa, ŋa tsatsafta ni ta skwa wuyay nda sana fwatu ka kfur nwap lu. Mantsa ya ta vravaghata yu, » kaʼa.

Gwal tsa guma 5:23

Ka duhwala Yawe mantsa: “Ksiʼawa ksiʼa ta luwa Meruz, ksiʼawa ksiʼa, ksiʼawa ksiʼa ta mnduha ni, kabga sagha a həŋ da kataŋtá Yawe wu, da kataŋtá Yawe mataba gwal bikwira vulu wu,” kaʼa.

Rut 3:10

Ka Bughaz mantsa: « Ka tfaghagha tfa Yawe ta wi makwa ɗa! Nana skwi maga ka na ná, maraŋ mara ta zɗaku ma kagha ka malaghutá ya taŋtaŋ, kabga ndinis a ka ta duhwalha dər má ka pɗu həŋ, dər má ka gadghəl a həŋ.

1Sam 14:24

Ka nzakw tsa vaghu ya ka vagha hərfakwa la Israʼila, kabga habana haba Sawulu ta mnduha nda ma waɗu kazlay na: « Nda ksiʼa mndu ta zaŋtá skwi ma kɗaku hawu, ta kul planamtá yu ta ghumaha ɗa, » kaʼa. Haɗ mndu ta ɗaŋtá skwa zay wa.

1Sam 14:28

Ka sani mataba tsa mnduha ya nda tsi mantsa: « Pgham pgha da gha ta sludziha ma waɗu ka ŋəɗaŋəɗa kazlay na: “Nda ksiʼa mndu dzaʼa fadamtá skwa zay da wi gita,” kaʼa. Tsaya kəl mnduha ka hərfuta, » kaʼa.

1Sam 15:13

Ka lagha Samuyel slanaghatá Sawulu. Ka Sawulu nda tsi mantsa: « Ka tfaghagha tfa Yawe ta wi! Maga maga yu ta slna nda gwaɗa Yawe, » kaʼa.

1Sam 23:21

Ka Sawulu mantsa: « Ka tfaghunagha tfa Yawe ta wi, kaghuni gwal ta tawa hiɗahiɗa ta iʼi ya!

1Sam 26:19

Ndanana, kdəkkdək, ka fa fa mgham rvera ɗa ta sləməŋ ka sna gwaɗa kwalva ni. Ka Yawe ta famtá kagha ŋa ŋawa iʼi katsi, ka tsuʼaf tsuʼa tsi ta mbəha urdi! Ama ka mnduha tsi katsi, ka nza həŋ nda ksiʼa ta kəma Yawe. Ta ghəzla iʼi həŋ gita ŋa bəghiɗta ma za həga Yawe nda mnay kazlay na: “La da maganatá slna ta sana lazglaftaha!” kəʼa.