Gwal tsa guma 13:6 - Hdi

⁶ Ka laghu tsa marakw ya da mnanatá zəʼala taŋ: « Sagha sa mnda Lazglafta da sliɗaghata. Manda tsatá duhwala Lazglafta nzakwa ni ta vla zləŋ ŋa mndu. Ɗawaŋ a yu da tsi ta vli sliʼaf tsi wu, mniha a ta hga ni guli wa.

Gwal tsa guma 13:6 ပူးပေါင်းရင်းမြစ်များ

Zlrafta 18:2

Kəʼa Abraham klaŋtá ghəŋ ná, ka nghaŋtá tsi ta mnduha hkən ta sladu manda a ndusa nda tsi. Nghaŋta ni ta həŋ, ka sliʼaftá tsi nda hwaya daga tawa tsa həga tumpul ya, da guya həŋ, ka tsəlɓatá tsi ka dzatá ghəŋ ta haɗik.

Zlrafta 32:29

Ka tsa mndu ya mantsa: « Haɗ lu dzaʼa hgəgəltá kagha ka Yakubu wu, ama Israʼila, kabga wudaf wuda ka ta wuda nda Lazglafta nda ya nda mnduha, ka zatá kagha ta ghwa, » kaʼa.

1Mgh 17:18

Ka tsa marakw ya nda Iliya mantsa: « Nya mataba u ní, a mnda Lazglafta? Ŋa havaktá krughuva ɗa, nda ya ŋa dzatá zwaŋa ɗa sagha ka da ini ra? » kaʼa.

1Mgh 17:24

Ka tsa marakw ya nda Iliya mantsa: « Ndana tama, nda sna yu kazlay na, mnda Lazglafta ka kəʼa. Gwaɗa Yawe ta mnagapta ka ma wa gha guli ná, kahwathwata nzakwa ni, » kaʼa.

2Mgh 4:16

Ka Ilisa nda tsi mantsa: « Ta na luwa na kɗaghalam, dzaʼa mamu zwaŋ ta ghuva gha, » kaʼa. Ka tsa marakw ya mantsa: « Tsa a tsa rvera ɗa mnda Lazglafta wu, ma nanaf ka ta kurɗa gha! » kaʼa.

2Mgh 4:9

Ka tsa marakw ya nda zəʼala taŋ mantsa: « Nda sna yu kazlay na, tsa mndu ta gɗata ta sagha da amu ya ná, mndu nda ghuɓa ya, mnda Lazglafta kəʼa.

Sabi 3:2

Ka zlagaptá duhwala Yawe da tsi ma zlghakwa vu ma takataka mubuk ka teki. Ka nghaŋtá tsi ta mubuk ka vu, ama haɗ ta draku guli wu.

Sabi 3:6

Iʼi Lazglafta da gha, Lazglafta Abraham, Lazglafta Izak, Lazglafta Yakubu, » kaʼa. Gi ka bukwamtá Musa ta kuma ni, kabga ta zləŋay ta nghaŋtá Lazglafta.

Danyel 10:11

Ka tsa mndu ya nda iʼi mantsa: « Danyel, mamu sgita gha ta wa ira Lazglafta, fa fa ta sləməŋ ŋa snaŋtá klatá ghəŋa na gwaɗa ya ta mnə yu na. Slada slada nda slada, kabga ghunaga da kagha lu ta iʼi, » kaʼa. Tata tsa gwaɗa ya nda iʼi, ka sladatá yu. Ta ghudzaku yu gar gar gar.

Danyel 10:5

ka klaŋtá yu ta ghəŋ, ka nghaŋtá yu ta sana mndu nda suɗatá lguta liŋ ta vgha ni, nda hbatá ɓanava dasa Ufaz misti.

Danyel 8:17

Ka gavadaghatá Gabriyel da tsa vli hada yu ya, ka ksaftá zləŋ ta iʼi, ka zləmbatá yu zlumbruh ta haɗik. Ama kaʼa nda iʼi mantsa: « Sna ɓa zwaŋa mndu, nda ra ka snaŋta gha kazlay na kɗavakta fitik ta mar na skwi nghaŋ ka na kəʼa, » kaʼa.

Lukwa 1:19

Ka tsa duhwala Lazglafta ya zlghanaftá wi mantsa: « Iʼi Gabriyel ya, ta sladu ta kəma Lazglafta ŋa maganatá slna. Tsatsi ta ghunigihata ŋa gwaɗgaghata, ka mnaghatá tsa Lfiɗa Gwaɗa ya.

Lukwa 9:29

Ta mag Yesu ta duʼa, ka mbəɗavaftá kuma ni tskəm, mbəɗavafha lguta ni ka wuɗaku tilil ka ŋusliŋ.

Slna gwal ghunay 6:15

Ka pghaftá inda tsa gwal ma tsa həga ya ta iri ta Atiyen, ka nghay. Tata nghay nghay həŋ, ka mbəɗavaftá kuma ni manda ŋa duhwala Lazglafta.

Vrafta ta zlahu 33:1

Wya tfa wi ya tfanagha Musa, mnda Lazglafta ta la Israʼila makəɗ tsi ka mtuta.

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

Yəhusuwa 14:6

Ma sana fitik, ka lagha gwal ma mndəra la Yahuda slanaghatá Yəhusuwa ma Gilgal. Ka Kalep zwaŋa Yəfune mnda la Kənaz, nda tsi mantsa: « Nda sna ka ta gwaɗa mnana Yawe ta Musa, mnda Lazglafta ma Kadesbarnegha ta ghəŋa ɗa, nda ya ta ghəŋa kagha.

Suna Yuhwana 1:17

Manda nghaŋta ɗa, ka zləmbatá yu ta kəma ni manda mndu nda mta. Ka faftá tsi ta dzva zeghwa ni ta iʼi, kaʼa mantsa: « Ma zləŋ ka ta zləŋ! Iʼi taŋtaŋa ni, iʼi kɗavakta ni,

Gwal tsa guma 13:10

Ka hwayaftá tsi misimmisim da mnay ŋa zəʼala taŋ, kaʼa mantsa: « Wana vrakta tsa mndu si ta zlagapta da iʼi ma tsa fitik ya kay! » kaʼa.

Gwal tsa guma 13:22

Ka Manuwa nda markwa taŋ mantsa: « Nzakwa u dzaʼa rwutá na, kabga nghaŋta u ta Lazglafta! » kaʼa.

Gwal tsa guma 13:3

Ma sana fitik, ka zlagaptá duhwala Yawe da tsa marakw ya, kaʼa nda tsi mantsa: « Wana ka dzəghəŋ ka, haɗ zwaŋa gha wa. Dzaʼa zlghaf zlgha ka ta huɗi ŋa yata gha ta zwaŋa zgun.

Gwal tsa guma 13:7

Kaʼa nda iʼi na: “Dzaʼa zlghaf zlgha ka ta huɗi, ŋa yata gha ta zwaŋa zgun. Daga ndanana, ka zlanata ka ta sa ima inabi, dər skwi nda tawa. Yaha ka da za skwi ta tsaɗ lu, kabga nda fa tsa zwaŋ ya ŋa Lazglafta, ka nazir daga ma huɗa ma ni, ha mtata ni,” » kaʼa.

Gwal tsa guma 13:8

Ka mag Manuwa ta duʼa da Yawe, kaʼa mantsa: « Kdəkkdək, rvera ɗa, ka səglagha sa tsa mnda Lazglafta ghunagagha ka ya guli slaŋnaghata, ka taghaŋnafta tsi ta skwi ŋa magay ŋni ŋa tsa zwaŋ ya yagar lu! » kaʼa.

Gwal tsa guma 6:11

Ka lagha duhwala Yawe da nzata mista halalaya fu ma Ghufra ta nzakway ka ŋa Yuʼas, sana mndu ta uʼa la Avighezer. Ta ɗga alkama zwaŋa ni Gidghuŋ, ma tsuʼaŋa ɗitsa yakwa inabi, ŋa ɗifanata yaha la Midyaŋ nghaŋta.

1Sam 2:27

Ka lagha sana mnda Lazglafta da Iliya. Kaʼa nda tsi mantsa: « Wya ka Yawe: “Marava a yu da dzidzíha gha, ma fitika nzakwa taŋ ma Masar, ka vuʼa Firʼawna wu ra?

1Sam 9:6

Ka tsa kwalva ya nda tsi mantsa: « Mamu sana mnda Lazglafta ma na luwa na! Mndu kulaŋ lu ya. Skwi ta mnata tsi ná, haɗ ta dɗaku ta haɗik wa. Mbaɗa da tsi, ka waya kəʼa dzaʼa mnuʼuwa mna ta tvi ŋa ksay u, » kaʼa.