Gwal tsa guma 1:1 - Hdi

¹ Tahula mtuta Yəhusuwa, ka ɗawaŋtá la Israʼila da Yawe, ka həŋ mantsa: « Tiŋəl la wa mataba ŋni dzaʼa lafi da gəmata nda vulu nda la Kanʼana na? » ka həŋ.

Gwal tsa guma 1:1 ပူးပေါင်းရင်းမြစ်များ

1Mgh 22:5

Ama ka Yəhusafat sganaghatá mghama la Israʼila mantsa: « Kdəkkdək, snana sna tama ndanana ta gwaɗa da Yawe karaku, » kaʼa.

Sabi 18:15

Ka Musa nda dzidza ni mantsa: « Ta kəl yu ka magay mantsa ná, kabga ta sagha sa mnduha da iʼi da sna skwi ta kum Lazglafta.

Sabi 28:30

Kagha Musa, ka pghamta ka ma tsa zliba ghuva ta dga guma ya ta Urim nda Tumim ŋa klay Haruna ta ghuva ni ta lam tsi ta kəma Yawe. Mantsa, ta lam tsi ta kəma Yawe ya ná, ŋa gɗata ni ta klay ta ghuva ni ta tsa skwiha ta dga guma ŋa la Israʼila ya.

Mbsak 27:21

Ka sladata tsi ta kəma Ilghazar mnda dra skwi ŋa Lazglafta, ya dzaʼa ɗawafta ŋa ni ta tsata guma Urim ta kəma Yawe. Dzaʼa sna sna i Yəhusuwa nda inda guyatá ghəŋa la Israʼila ta skwiha dzaʼa mnafta tsi dər yawu tsi, » kaʼa.

Gwal tsa guma 1:27

Ka traptá la Mənase ta ghəzlaftá la Betseʼaŋ, nda la Taghnak, nda la Dur, nda la Yivlegham, nda la Məgidu, nda luwaha ya ta wawanaftá həŋ. Ka nzata la Kanʼana ka mbraku ma tsa haɗik ya.

Gwal tsa guma 2:21

haɗ yu dzaʼa ghəzləgliŋta ta kəma taŋ ta ya dər turtuk mataba tsa mndəra mnduha trap Yəhusuwa ta ghəzlafta ma kɗaku tsi ka mtuta ya wa.

Gwal tsa guma 2:8

Yəhusuwa zwaŋa Nuŋ, kwalva Yawe ná, dərmək nda ghwaŋ (110) ima ni ta mtaku tsi.

Gwal tsa guma 2:9

Ka lamtá lu ta kwakwara za həga ni vlaŋ lu ma Timnatʼheres, ta kwakwar ta ghwá Ifrayim nda təv mazlay ta ghwá Gaghas.

Gwal tsa guma 20:18

Ka sliʼaftá la Israʼila ka laghwi da Betel da ɗawaŋta da Lazglafta, ka həŋ mantsa: « Tiŋəl wa mataba ŋni dzaʼa lafi da vulu nda la Biŋyamiŋ na? » ka həŋ. Ka Yawe mantsa: « Tiŋəl mndəra la Yuda dzaʼa lafi, » kaʼa.

Gwal tsa guma 20:23

Ka laf la Israʼila da taw ta kəma Yawe ha ga hawu, ka ɗawglaŋtá həŋ ta Yawe, ka həŋ mantsa: « Ka vulugəlta ŋni ta na vulu na nda mndəra la Biŋyamiŋ, zwaŋama ŋni ra? » ka həŋ. Ka Yawe mantsa: « Lafwa la da vulay! » kaʼa.

Gwal tsa guma 20:27

Ka ɗawaŋtá la Israʼila da Yawe. Ma tsa fitik ya hada akwata dzratá wa Lazglafta.

Gwal tsa guma 20:28

Pinhas, zwaŋa Ilghazar, zigha Haruna ta maga slna ta kəma Lazglafta ma tsa fitik ya guli. Ka həŋ mantsa: « Ka ləglapa ŋni da vula na vulu na nda mndəra la Biŋyamiŋ, zwaŋama ŋni re, ari ka zlanata ŋni a na? » kaʼa. Ka Yawe mantsa: « Lafwa la da vulay, kabga mahtsim, dzaʼa vla vla yu ta həŋ ma dzva ghuni, » kaʼa.

1Sam 10:22

Ka ɗawuglaŋtá lu da Yawe: « Sagha sa tsa mndu ya da hadna ra? » ka lu. Ka Yawe mantsa: « Wya tsi ta ɗifaghuta mataba huzla, » kaʼa.