Galat 5:3 - Hdi

³ Ka yu tata mnəgəlta ŋa inda mndu ta kuma tsanata lu ná, nda fa vgha ni ŋa maga inda skwi ta kum zlahu guli nda tsa.

Galat 5:3 ပူးပေါင်းရင်းမြစ်များ

Nəhemiya 9:34

Ksa a mghamha ŋni, nda maliha ŋni, nda gwal ta draŋnatá skwi ŋa Lazglafta, nda dzidzíha ŋni ta slna nda tagha skwa gha wa. Fa a həŋ ta vgha taŋ ka maga slna nda zlahuha gha, nda ya nda dvu ya ta dvanaghata ka ta həŋ wa.

Mata 23:16

« Ɗaŋwa ŋa ghuni gwal nda ghulpa ta kla gwal nda ghulpa. Ka kuni ta mnay tazlay na: “Ka waɗa waɗa mndu ta waɗu nda həga Lazglafta ná, bla a tsaya wa. Ama ka waɗa waɗa mndu ta waɗu nda dasu ma həga Lazglafta katsi ná, nda nza tkweʼ ka magata ni ta skwi waɗa tsi ŋa magay ya, ka kuni.”

Mata 23:18

Ka kuni guli ná, “ka waɗa waɗa mndu ta waɗu nda gwir ná, bla a tsaya wa. Ama ka waɗa waɗa mndu ta waɗu nda skwi ya vlaŋ tsi ta Lazglafta ta gwir ná, nda nza tkweʼ ka magata ni ta tsa skwi waɗa tsi ŋa magay ya,” ka kuni.

Lukwa 16:28

kabga ta mamu zwana ma ɗa hutaf. Ka dzaʼa tsi da snanamtá həŋ, da sagha hahəŋ guli da ghuya ɗaŋwa ma na vla ghuya ɗaŋwa na,” ka tsa mnda gadghəl ya.

Slna gwal ghunay 15:1

Mamu sana mnduha ta sliʼafta ta haɗika Zudiya, ka lagha da Aŋtakiya da taghay ŋa zwana ma kazlay: « Ka tsa a kuni ta fafaɗa ghuni manda ya mna zlaha Musa wu katsi ná, mbaf a kuni wa » kəʼa.

Slna gwal ghunay 2:40

Ndaɗaʼa sanlaha ma gwaɗaha manaŋ Piyer, ka vla hiɗaku nda mbraku ŋa taŋ wa. « Tsuʼafwatsuʼa ta mbaku ka sliʼapta kuni mataba gwal nda zaɗa, » kaʼa nda həŋ.

Slna gwal ghunay 20:21

Ka gvalaŋtá yu ta la Yahuda nda la *Grek, ŋa mbəɗavata təv Lazglafta ŋa zlghafta taŋ ta Mghama mu Yesu *Kristi.

La Ruma 2:25

Mantsa nzakwa ni, ka ta magay kuni ta skwi ta kum zlahu katsi, ta tva ni tsa tsatá fafaɗa ghuni ya. Ala ka si nda tsa fafaɗa gha, ta maga a ka ta skwi ta kum zlahu wu katsi, nda nza ka manda mndu kul tsaku fafaɗa ni.

Galat 3:10

Inda gwal ta faftá ghəŋa taŋ ta maga skwi mna zlahu ná, nda ksiʼa həŋ. Mantsa ya ná, nda vinda ma deftera Lazglafta kazlay: Nda ksiʼa inda mndu kul kɗanaftá inda skwiha ya nda vinda ma deftera zlahu kəʼa.

Galat 5:2

Ka iʼi Pwal ta mnaghunata ná, ka tsaŋnatá fafaɗ ta kum ŋni ka kuni katsi ná, haɗ sana skwi ghəzlaghuna Kristi nda tsaya tama wa.

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Afisus 4:17

Wya skwi ta mnaghunata yu. Ka ŋɗaŋɗa ta mnaghunata yu guli ma hga Mgham. Yaha kuni nzakugəltá nzaku manda gwal kul snaŋtá Lazglafta, ta ndana skwi dzaʼa kwal kul kataŋtá həŋ ya.

Vrafta ta zlahu 27:26

“Nda ksiʼa mndu ta kwal kul maga slna nda gwaɗaha tsa zlahu ya.” “Ka nza tsi mantsa!” ka inda mnduha dzaʼa zlghaftá wa ni. »

Vrafta ta zlahu 31:21

Ka dɗanagha dɗa ɓadzaku nda ghuya ɗaŋwaha kavghakavgha ta həŋ, dzaʼa nzakway na laha na ka masləmtsək ta ghəŋa taŋ, kabga haɗ zivirha taŋ dzaʼa zanapta ka zlaŋtá fay wa. Daga ndanana, nda sna yu ta tsatá ŋuɗufa taŋ, ma kɗaku yu hladamtá həŋ da haɗik waɗa yu ta vlaŋtá həŋ, » kaʼa.

Vrafta ta zlahu 8:19

Ka zanap za kuni ta Yawe, Lazglafta ghuni, ka laghu mista sanlaha ma lazglaftaha ka maganata slna ta həŋ, ka tsəlɓu ŋa taŋ katsi, ka iʼi ta mnaghuna ŋəɗaŋəɗa gita ná, dzaʼa zaɗaku kuni kahwathwata.

1Tes 4:6

Ma tsa skwiha ya tama ná, ma tsaghu sani ta sani ka nənɓapta, kabga dzaʼa ghuzlanap ghuzla Lazglafta ta iri ta gwal ta maga mndərga tsaya, manda ya ghada ŋni ta mnuta ya.

1 Yuhwana 4:14

Ghunaga ghuna Lazglafta ta zwaŋa ni ta nzakway ka mnda mba mndu ta ghəŋa haɗik, ka nghaŋtá aŋni nda ira ŋni, tsaya ta mnə aŋni ŋa mnduha.