Filip 4:19 - Hdi

¹⁹ Ma inda skwi htaghu kuni ya ná, Lazglafta ɗa dzaʼa hɗaghunamta, dzaʼa magay nda glakwa gadghəla ni ma Yesu Kristi.

Filip 4:19 ပူးပေါင်းရင်းမြစ်များ

Zlrafta 48:15

Wya kəʼa tfanaghatá wi ta Yusufu: « Lazglafta ya mbaɗ dzidzíha ɗa i Abraham nda Izak, ta mbaɗa ta kəma ni, tsa Lazglafta ta ngha iʼi manda mnda ngha rini ya, ta nghagaptá iʼi ka yawu nzakwa ɗa ha ka sab ta gita.

2Sam 22:7

Ma ɓəɓəlakwa ɗa, ka hgaŋtá yu ta Yawe, Lazglafta ɗa hgaŋ yu. Daga ma həga ni, ka snaŋtá tsi ta lwa ɗa, ka slramtá waha ɗa da sləməŋa ni.

2Rus 18:13

Ama ka Mihayhu nda tsi mantsa: « Ta waɗagha waɗa yu nda hga Yawe nda hafu mida, dzaʼa mnay yu ta skwi dzaʼa mnata Lazglafta ɗa! » kaʼa.

2Rus 31:8

Ka lagha i Hizkiya nda maliha da naghanatá tsa bguha ya, ka rfu həŋ ta Yawe nda mnduha ni, la Israʼila.

Nəhemiya 5:19

Lazglafta ɗa, havap hava ka inda skwi ya magana yu ta na mnduha na, ka magihata ka ta zaɗaku.

Nəhemiya 9:15

Ka vləganatá ka ta həŋ daga ta luwa ta skwa zay ŋa ghəzla maya taŋ. Ka mbəzəganaptá ka ta imi ma kutumba ta həŋ ŋa ghəzla ndala taŋ. Ka ghunaftá ka ta həŋ da zatá haɗik ya tanaf ka ta imi ta sləməŋ nda waɗu ta həŋ, ŋa vlaŋtá həŋ.

Danyel 6:22

Ka Danyel nda mgham mantsa: « Rvera ɗa, ta mblam ka hafa gha.

Mata 6:32

Inda tsaha ya ná, gwal kul snaŋtá Lazglafta ta psay. Nda sna Da ghuni ta luwa ta skwiha ta raku ka ŋa ghuni.

Yuhwana 20:17

« Ma ŋiha ka, ta laf a yu da Da ɗa karaku wu, la da mnay ŋa zwana ma ɗa kazlay: Ta dzaʼa da Da ɗa ta nzakway ka Da ghuni yu, da Lazglafta ta nzakway ka Lazglafta ghuni ya yu guli, » ka Yesu nda tsi.

Yuhwana 20:27

« Wya dzvuha ɗa ksaŋ ksa nda ndəfiŋa gha, wya ŋwazliɓa ɗa guli, ksaŋ ksa nda dzva gha, ka zlaŋta ka ta dga ghəŋ, ka zlghafta ka nda ŋuɗuf, » kaʼa nda Tuma.

La Ruma 1:8

Karaku ná, ta rfanagha rfa yu ta Lazglafta ɗa nda ma *Yesu *Kristi ta ghəŋa kaghuni demdem, kabga ta kulay lu ta zlghay nda ŋuɗufa ghuni ma inda vli ta ghəŋa haɗik.

La Ruma 11:33

Diʼiŋ gwaɗa ta Lazglafta! La ta ɗifila ni nda snaŋtá skwa ni ná, laviŋ a lu ta sliŋta wa. Wa dzaʼa laviŋtá tsislaptá skwi ya kura Lazglafta na? Malaghu mala skwi ya ta mag tsi ta mbraku. Ka deftera Lazglafta ta mnay na:

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

La Ruma 8:18

Graf gra yu kazlay: Nana ghuya ɗaŋwa ta ghuy mu na ná, haɗ lu dzaʼa walaŋta gray nda tsa glaku dzaʼa maramaŋta Lazglafta ya wu kəʼa.

La Ruma 9:23

Mantsa ya kumaŋta Lazglafta ta snaŋta mnduha ta glakwa sgita ni ŋa gwal tawa tsi ta hiɗahiɗa ta həŋ, tsa gwal ya thanaf tsi ŋa lami da sgita ni ya.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Afisus 1:7

Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Afisus 2:7

Mantsa ya maramaŋta tsi ta zɗakatahuɗa ni nda ma Yesu Kristi, ŋa nghaŋta mnduha dzaʼa yay lu ta kəma ta nzakwa glakwa tsa zɗakatahuɗa ni ta malaghutá inda skwi ya.

Afisus 3:16

Tsaya ta kəl yu ka ndəɓa dzvu da tsi ka ksa tsi ta slna nda tsa mbrakwa ni dagala ya ma ŋuɗufa ghuni, ka vlaghunata tsi ta mbraku kahwathwata nda ma Sulkuma ni.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Filip 4:7

Ka mantsa ya ka kuni magay katsi, dzaʼa vlaghuna vla Lazglafta ta zɗaku, zɗaku ya ta malaghutá mbrakwa mnda səla, ŋa ksaghunamtani ta ŋuɗufa ghuni nda ndana ghuni guli ma Yesu *Kristi.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Kwalus 3:16

Ka nzam nza gwaɗa Kristi mataba ghuni gerger. Mnuvuswa mna ta gwaɗa mataba ghuni, vluvuswavla ta hiɗaku sani ŋa sani nda kɗavakta hiɗaku. Fawa laha ŋa Lazglafta ma hya hya ŋuɗufa ghuni nda rfu, ka zləzlva kuni, ka ghuba kuni nda inda laha ta vlaghunata Sulkum.

1Tes 2:12

ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.

1Tim 6:17

Mnana mna ta gwal ka gadghəl ma na ghəŋa haɗik na, yaha həŋ da ghərɓaku, yaha həŋ da laghu da faftá ghəŋa taŋ ta gadghəla taŋ ya dzaʼa kwal kul nzəɗavata. Ta Lazglafta ya ta vlamatá inda skwi ka haslay ŋa nzakwa mu nda rfu ka həŋ faftá ghəŋa taŋ.

Filimuŋ 1:4

Inda fitika magay ɗa ta duʼa, ta kulay yu ta hga gha, ka rfa Lazglafta ta ghəŋa kagha,

1 Piyer 5:1

Ndanana tama, wya ka yu ta mnanatá la galata mndu ta ngha *Igliz mataba ghuni. Iʼi guli ná, glata mndu yu manda va hahəŋ. Masləmtsəka ghuya ta ɗaŋwa ghuy Kristi yu, dzaʼa mutsay iʼi guli ta mayaka ɗa ma glakwa Kristi ya dzaʼa maraŋta Lazglafta.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.