Filip 3:9 - Hdi

⁹ ŋa nzakwa ɗa ɗekɗek ka ŋa ni. Walglaŋta a iʼi ta mnay kazlay: Tɗukwa mndu yu kəʼa ta kəma Lazglafta, kabga snata ɗa ta zlaha la Yahuda wa. Skwi ta niɗifta ka mndu tɗukwa ta kəma ni ná, vəl zlghafta ɗa ta Yesu Kristi ya. Lazglafta ta niɗifta ka mndu tɗukwa, kabga zlghafta ɗa.

Filip 3:9 ပူးပေါင်းရင်းမြစ်များ

Zlrafta 7:23

Mantsa ká Lazglafta zaɗanatá inda skwiha demdem ta ghəŋa haɗik. Nda mnda səla tani, nda rini nda nimtak tani, nda skwiha ta mbaɗa nda huɗi tani, nda ɗyakha nda zarakha ta ndaraku ta luwa tani, ka zaɗanatá Lazglafta tendərzleleʼ ta haɗik. I Nuhu kweŋkweŋ ta pɗata, nda skwiha ma kwambalu kawadaga nda tsi.

1Mgh 8:46

Ka lagha taŋ ka gaghatá dmaku, kabga haɗ mndu kul ga dmaku wu, ka gufaftá ŋuɗufa gha ta ghəŋa taŋ, ka vlatá ka ta həŋ ma dzva ghuma dzaʼa hlaghatá həŋ ta haɗika ghuma diʼiŋ, ka ndusa a tsi,

2Rus 32:25

Ama dabga laghu la gla ghəŋ suh da ŋuɗufa Hizkiya, rfanagha a ta Yawe ta ghəŋa tsa zɗaku magana tsi ya wu. Ka dɗanaghata gufatá ŋuɗufa Yawe, nda ya ta ghəŋa la Yuda, nda la Ursalima.

2Rus 32:31

Ama ma fitika ghunadaghata maliha ma Babila ta gwal ghunay, ŋa snanatá tsa mandərmimi ta maguta ma haɗika ni ya, ka zlanavatá Lazglafta ŋa dzəghay, ŋa snaŋtá inda skwi ma ŋuɗufa ni.

Danyel 9:24

Tsanaf tsa Lazglafta ta luma ndəfáŋ mbsak ta mnduha gha, nda ya ŋa luwa gha nda ghuɓa. Ɗina tsa fitik ya, ŋa hluta ghwaɗaka skwi, ŋa kwala dmaku kul haɗ, ŋa slərɓaptá zughu ma krughuvi ŋa klaktá nzaku tɗukwa ŋa ɗekɗek, ŋa ŋərzlanatá tsa skwi manda skwi ma suni, nda gwaɗa ya mna la anabi ya, ŋa fəglaghutá nda ma pghanaghatá rɗi ta tsa vli ta ghuɓuta ya.

Mata 9:13

Lawa tsatsa klatá ghəŋa gwaɗa ya mnə Lazglafta kazlay: Tawa hiɗahiɗa skwi ta zɗəgihata pla ghəŋ nda rini a wu kəʼa ya. Sagha a yu haga gwal tɗukwa tɗukwa wa, gwal dmaku ŋa iʼi ta sagha da hagay, » kaʼa.

La Ruma 1:17

Tsa Lfiɗa Gwaɗa ya ta maray kinawu ká Lazglafta ta nanaftá mnduha ka gwal tɗukwa tawa ira ni zlghafər həŋ. Haɗ sana tvi wu, ta ghəŋa tsa zlghay nda ŋuɗuf ya kweŋkweŋ. Nda nza manda ya nda vinda ma deftera kazlay: Mndu ta zlghafta Lazglafta ná, tsaya mndu tɗukwa tawa ira Lazglafta, tsa mndu ya guli dzaʼa nzata nda hafu kəʼa.

La Ruma 10:10

Ma zlghafta nda ŋuɗuf ta nuta lu ka mndu tɗukwa ta wa ira Lazglafta. Ma mnigiŋta nda ma wubisim guli ta mutsafta lu ta mbaku.

La Ruma 16:7

Ka ganaghata kuni ta zgu ta i Adranikus nda Zuniyas, ta nzakway ka la ini. Si kawadaga ŋni nda həŋ ma gamak. Mal tsa hahəŋ ya snaŋ lu mataba gwal ghunay. Tiŋəl hahəŋ ta zlghaftá Kristi ka iʼi.

La Ruma 5:21

Manda va nzakwa gay dmaku ta mgham nda ma mtaku ya ná, manda va tsaya ta ga zɗakatahuɗa Lazglafta ta mgham nda ma nzaku tɗukwa ŋa mutsa hafu ŋa kɗekedzeŋ nda ma Yesu Kristi Mghama mu.

La Ruma 8:1

Ndanana tama, tsanaghata a Lazglafta ta guma ta gwal nda ndiʼa vgha taŋ nda *Yesu *Kristi wu,

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

2Kwa 5:17

Tsaya tama, ka si nda ndiʼa vgha mndu nda Kristi katsi, nda nza ka lfiɗa mndu. Lula tva nzaku ya si ta nzaku tsi ghalya, mbəɗavaf mbəɗa ka lfiɗa ni.

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

Galat 2:16

Dər má mantsa tsi, nda sna amu kazlay: Mndu ya ta nzakway tɗukwa ta wa ira Lazglafta ná, tsaya mndu ta zlghaftá *Yesu *Kristi, mndu ta maga skwi ta kum zlaha Musa a wu kəʼa. Tsaya tama kəl aŋni ka zlghaftá Yesu Kristi ŋa nzakwa ŋni ka gwal tɗukwa ta wa ira Lazglafta. Ta ghəŋa vəl magay ŋni ta skwi ta kum zlaha Musa a wu, kabga haɗ mndu dzaʼa nzata ka mndu tɗukwa ta wa ira Lazglafta ma magay ni ta skwi ta kum zlaha Musa wa.

Vrafta ta zlahu 27:26

“Nda ksiʼa mndu ta kwal kul maga slna nda gwaɗaha tsa zlahu ya.” “Ka nza tsi mantsa!” ka inda mnduha dzaʼa zlghaftá wa ni. »

Filip 3:6

His his dzvu ŋanata yu ta tva nzakwa la Yahuda ha ka ghuyay ɗa ta ɗaŋwa ŋa gwal zlghay nda ŋuɗuf. Haɗ zlaha la Yahuda zlanaghu yu dər turtuk wa. Haɗ sana skwi dzaʼa tsaɗivata lu wa.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

Titus 3:5

ka mbamaftá tsi. Vəl magata mu ta skwiha tɗukwa a wu, hiɗahiɗa tawa tsi ta amu, ka ghuɓimistá mbrakwa Sulkum nda ghuɓa, kəl mu ka mutsaftá lfiɗa yaku.

Hebru 6:18

Mantsa ya ná, his skwiha ya dzaʼa kwal lu kul laviŋtá mbəɗanafta. Skwiha ya tanaf tsi ta imi ta sləməŋ ta mndu nda waɗu ya waɗa tsi nda tsi. Haɗ dzaʼa walaŋtá tsakalatawi mida wa. Mantsa ya guli ná, ta vlama vla ta mbraku ta amu gwal ta hwayamta da ghuva Lazglafta, ŋa ŋavata mu nda fatá ghəŋ ta skwi ya tamaf Lazglafta ta imi ta sləməŋ ya.

Yakubu 3:2

Inda amu ná, dagala krughuvi kavghakavgha ta gə mu. Ka haɗ mndu ta guvtá krughuvi ma gwaɗa wu ná, ŋərma mndu tsaya ta laviŋta nghaftá vgha ni demdem.

2 Piyer 1:1

Iʼi Simuŋ *Piyer ta nzakway ka kwalva nda ya ka ghunatá mnda *Yesu *Kristi ta vinda na ɗelewer ná, ŋa gwal ta mutsaftá zlghay nda ŋuɗuf ka guram nda va ŋa ŋni, nda ma zɗakwa Lazglafta nda Yesu Kristi.

1 Yuhwana 3:4

Ka ta gɗa gɗa mndu ta maga dmaku katsi ná, sna a tsa mndu ya ta zlaha Lazglafta wa. Dmaku ná, kwal kul sna zlaha Lazglafta ya.