Filip 3:19 - Hdi

¹⁹ Kɗavakta ni ná, dzaʼa zwaɗu zwaɗa həŋ, kabga fa fa həŋ ta huɗa taŋ ka Lazglafta taŋ. Dər skwa hula ta mag həŋ ná, rfa taŋ ŋa taŋ. Ta ghəŋa skwa ghəŋa haɗik yeya ŋa taŋ ta ndanay.

Filip 3:19 ပူးပေါင်းရင်းမြစ်များ

Mata 16:23

« Laghu la gha ta vata iʼi, halaway na. Tuthun ta fə ka ŋa ɗa. Manda ŋa Lazglafta a ta ndana ka ta ndanu wu, manda ŋa mnda səla ta ndana ka, » ka Yesu mbəɗavata nda Piyer.

Mata 25:41

« Tahula tsa, kaʼa dzaʼazlay nda tsa gwal nda ga zlaɓa ni ya mantsa: “Laghwala ta vata iʼi, kaghuni gwal ksiʼaf Lazglafta. Lawa la da həga vu ya ŋa kɗekedzeŋ, payaf lu ŋa i halaway nda duhwalha ni.

Lukwa 12:19

Wana mamu skwi dər ŋa vaku kidaghi tsi. Mbiʼa ta vgha gha, za, sa, rfa ta rfu tama, ka yu dzaʼazlay nda vgha ɗa,” kaʼa.

Lukwa 16:19

« Mamu sana mndu ghalya ka gadghəl, lgut kulefeɗfeɗa nda bla dzva ni ta suɗə tsi ta vgha. Inda fitik, skwi zɗa zɗa ta zə lu ga taŋ.

Lukwa 18:4

Nda kɗa fitika kwalaghuta ni ta tsanatá tsa guma ni ya. Tahula tsa, kaʼa ma ghəŋa ni mantsa: “Dər ma zləŋa a yu ta Lazglafta wu, haɗ ghuya ɗa nda mnda səla guli wu,

La Ruma 16:18

Mndərga tsa mnduha ya ná, maganatá slna ta *Kristi Mghama mu a ta mag həŋ ɗekɗek wu, ŋa huɗa taŋ ta maga həŋ ta slna. Hlemem ka həŋ ta magaku. Ta gatutawi, ka nana gwal kul snaŋtá dgata skwi ɗina nda ya kul ɗinaku həŋ.

La Ruma 6:21

Slənawu tsa maga kuni tama? Wya ka skwa hula tsa skwiha ya ndana, kabga mtaku kɗavakta tsa skwiha ya.

1Kwa 3:3

kabga manda nzakwa mnduha ma ghəŋa haɗik tata nzakwa kuni ta nzaku. Ka si tata draku kuni, tata zlərɗa wi kuni mataba ghuni katsi ya ní, nzaku manda ŋa mnduha ma ghəŋa haɗik a ta nzaku kuni nda tsa ra? Manda ŋa taŋ tata nzakwa kuni.

1Kwa 5:2

Ma ŋa dzata ghuni ta ghəŋ ka taw, ka ghəzliŋtá tsa mndu ya mataba ghuni ná, ghərɓaku ŋa ghuni ta ghərɓay ta ghəŋa tsa.

1Kwa 5:6

Ngha a iʼi ta skwi ŋa ghərɓay kaghuni ta ghərɓaku wa. Sna a kuni kazlay: Kuseta ta is ná, ta ŋlanaf ŋla ta inda hwaɗatá hpwa buradi kəʼa ra?

2Kwa 11:12

Manda va na kwala ɗa kul tsuʼaftá skwi da kaghuni na ná, manda va tsaya dzaʼa kɗaŋta yu, kabga yaha tsa ghwaɗaka gwal ghunay ya da mutsaftá ghurum ŋa ghərɓaku kazlay: Manda va ŋa ŋni ta maga tsi ta slna kəʼa.

2Kwa 11:15

Skwa ndərmimay a klafta tsa gwal ta maganatá slna ya ta ghəŋa taŋ ka niŋta manda gwal ta tagha vərɗa skwi ŋa mnduha wa. Ma kɗavakta ni ná, dzaʼa mutsay həŋ ta nisəla taŋ ka gragra nda slna taŋ ya maga həŋ.

Galat 6:13

Vərɗa tsa gwal nda ɗatsa fafaɗa taŋ ya ná, haɗ həŋ ta maga skwi ta kum zlahu wa. Ta kumay həŋ ta ɗatsata ghuni ta fafaɗ, ŋa ghubay taŋ ta ghubakwa taŋ ta ghəŋa ɗatsatá fafaɗa ghuni.

Filip 2:21

Inda hamata sanlaha ná, skwi ta zɗəganatá ghəŋa taŋ yeya ta ndanu həŋ, haɗ həŋ ta ndana skwi ta zɗəganatá Yesu *Kristi wa.

Kwalus 3:2

Ta luwa ká fatá ghəŋa ghuni, ma nza tsi ta haɗik,

2Tes 1:9

Tsa ghuzla iri dzaʼa ghuzlanapta lu ta həŋ ya ná, tsaya zaɗanatá həŋ dzaʼa zaɗanata lu diʼiŋ nda wa ira Mgham Yesu, nda glakwa mbrakwa ni tani.

2Tes 2:12

kada tsanaghata Lazglafta ta guma ta inda tsa gwal ta kwalaghuta zlghaftá kahwathwata, zɗəgana maga ghwaɗaka skwi ta həŋ ya.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

1Tim 6:5

nda zlərɗutawi kul kɗavakta mataba gwal kul haɗ ghunislak ma ghəŋa taŋ. Snəgla a həŋ ta kahwathwata wa. Dina ná, skwi ŋa mutsa gadghəl ya ka hahəŋ ta ndanay.

2Tim 3:4

Dzaʼa nzakway həŋ ka gwal ta dzawaptá mndu, ka gwal ta valafta ta mndu, ka gwal ta ghərbuta ma vəl gla ghəŋ. Mal skwi ta zɗəganatá həŋ ɗvu həŋ ka Lazglafta.

Yakubu 4:16

Ama ndanana ná, ta ghərɓaku kuni ma ndana ghuni, ka gla ghəŋ. Ghwaɗaka skwi na mndərga tsa gla ghəŋ ya.

2 Piyer 2:1

Ghalya, zlagap zlaga ghwaɗaka anabiha mataba mnduha Lazglafta, mantsa ya guli dzaʼa zlagapta ghwaɗaka gwal tagha skwi mataba ghuni. Dzaʼa kladam kla həŋ ta ghwaɗaka tagha skwi ŋa zaɗiŋtá mnduha, ŋa vziŋta taŋ ta *Yesu *Kristi ta nzakway ka mnda tagha skwi ta mbanaftá həŋ ya. Mantsa ya gi dzaʼa tɗakta həŋ ta zaɗaku ta ghəŋa taŋ.

2 Piyer 2:13

Nda ghuya ɗaŋwa dzaʼa vranamta Lazglafta ta həŋ. Manda ya ghuyanap hahəŋ ta ɗaŋwa ta sanlaha ya. Ka skwa zɗanaftá vgha ta həŋ ka həŋ klaftá sasaku, nda maga sliʼiŋsliʼiŋ dər nda fitik ma ghəŋ tsi. Ka skwa hula nzamta taŋ mataba ghuni, ta kuzlaku ta ŋuɗuf guli. Ta zay həŋ ta say həŋ kawadaga nda kaghuni, ama mbəɗata taŋ ta hul ná, skwi ta kum maya taŋ ta mag həŋ.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.

Yuda 1:10

Hahəŋ ta taŋ, raraza skwi kul snaŋtá həŋ yeya ŋa taŋ. Manda nimtak magakwa taŋ, ghəŋa zaɗaku ta kala həŋ.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.

Suna Yuhwana 18:7

Taɓ ta tsa glakwa ni nda zatá mghama ni ya ka kuni dzaʼa ganaptá iri ka niŋta ka skwa hiɗahiɗa. Kaʼa ta ndanay ma ghəŋa ni na: “Nda nza nzakwa ɗa ka mgham, nza a yu ka wadgu wu, walaŋta a yu ta nzata ka skwa hiɗahiɗa wu,” kaʼa.

Suna Yuhwana 19:20

Ka gi ksuta lu ta tsa nimtak ya kawadaga nda tsa ghwaɗaka anabi si ta magatá mazəmzəmha ta kəma tsa nimtak ya. Nda tsa mazəmzəmha maga tsi ya nanaghata tsi ta gwal ta tsuʼaftá ŋizla tsa nimtak ya ka tsəlɓu ŋa skwa wuyay ni ya. Ka pghaghatá lu ta həŋ his his ta ndiri ta ndiri da duda vu ghandand.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.

1Sam 2:29

Kabgawu ta kəl kuni ka kfariŋtá skwa pla ghəŋ ta vlata lu ŋa ɗa, nda mbəhuha mnaf yu ŋa magay ma həga nzakwa ɗa na? Kinawu kəʼa magaku kəl ka ka malaghuta vlaŋtá glaku ta zwana gha ka iʼi na? Kabgawu ta kəl kuni ka laghwi da nuʼa vgha ghuni nda skwiha ɗina ɗina ta hlagaghata mnduha ɗa la Israʼila ŋa mbəha iʼi na?”