Filip 3:1 - Hdi

¹ Kɗavakta gwaɗa ɗa zwana ma ná, rfawa rfa ta rfu kabga ndiʼatá vgha ghuni nda Mgham *Yesu. Va tsa gwaɗa si vindaghunaf yu ya tata vrafta yu tida, hərfava a yu ma vəl vindgəlta wu, ɗina tsaya ŋa haghunamta ma ghəŋ ŋa kata kaghuni.

Filip 3:1 ပူးပေါင်းရင်းမြစ်များ

1Rus 15:28

Inda la Israʼila, ka kladaftá həŋ ta tsa akwata dzratá wa Yawe, ka dzaʼa nda hayayi, nda vya duli, nda vya talakwa, ghudza ndeŋndeŋ, nda dza htimbil, nda dza kəzliŋkəzliŋ.

1Rus 16:10

Ghərɓawa ta ghərɓaku ma hga ni nda ghuɓa, rfu da kaghuni, kaghuni gwal ta zba Yawe.

1Rus 29:22

Baɗ tsaya, ka zutá həŋ, ka sutá həŋ nda rfu dagala ta skwi ta kəma Yawe. Ka mahis, ka mnəglaŋtá həŋ ta nzakwa Salumuŋ zwaŋa Dawuda ka mgham. Ka pghəganatá həŋ ta rɗi ma ghəŋ ŋa famta da mgham ta kəma Yawe. Mantsa ya guli ŋa Tsaduk ka mali ta ghəŋa gwal dra skwi ŋa Lazglafta.

Nəhemiya 8:10

Kaʼa nda həŋ mantsa: « Lawa la dzagha ka za kuni ta skwa zay zɗa, ka sa kuni ta skwa say gun guna. Tsatsanaf kuni ta gwal kul haɗ tsi da həŋ, kabga nda fa na fitik gita u na ka ŋa Mghama mu. Ma nza kuni zuzuʼuva! Nda nza rfu ta sagha da Yawe ka mbrakwa ghuni! » kaʼa.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Lukwa 1:47

Ta taku ŋuɗufa ɗa da rfu ta ghəŋa tsatsi mnda mba iʼi,

La Ruma 5:11

Tsaya kweŋkweŋ yeya a wu, ta ghərɓaku mu ta Lazglafta nda ma Yesu Kristi ta slərɓaptá zughu ndanana mataba mu nda Lazglafta ya.

2Kwa 13:11

Zwana ma ɗa, ɗughwana ka kuni nzata, ka nzata kuni nda rfu, zbawa zba ta nzata tsiɗiɗ, brusuvuswa vgha ghuni, nda dzratá wi ka kuni nzata, nzawa nza nda zɗaku mataba ghuni. Mantsa ya ná, dzaʼa nza nza Lazglafta ya ta ɗvutá mnduha, ta vla zɗaku ŋa mnduha nda kaghuni.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

Vrafta ta zlahu 12:18

Ta kəma Yawe, Lazglafta ghuni kweŋkweŋ dzaʼa za kuni, ma vli ya dzaʼa zbap Yawe, Lazglafta ghuni. Ka za kuni kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda mnda la Levi ma luwaha ghuni. Ka rfa kuni ta rfu ta kəma Yawe, Lazglafta ghuni ta ghəŋa inda slna maga kuni nda dzva ghuni.

Vrafta ta zlahu 16:11

Ka rfa kuni ta rfu ta kəma Yawe, Lazglafta ghuni ma vli ya dzaʼa zbapta Yawe, Lazglafta ghuni ŋa nzakwa hga ni hada, kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda la Levi ta nzakw ma luwaha ghuni, nda matbayha ta nzakw ma səla ghuni, nda tawakriha, nda wadguha mataba ghuni.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.

1Tes 5:16

Nda rfu ka kuni nzakwa ghuni.

Yakubu 1:2

Zwana ma ɗa, ka slaghunagha sla dər mndərga wati ma ghuya ɗaŋwa tsi katsi, nghawa ngha manda skwa rfu.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

1 Piyer 4:13

Rfawa rfa ta rfu katək, nda nzakwa ghuni kawadaga nda *Kristi ma ghuya ɗaŋwa, kada ndəghafta ŋuɗufa ghuni nda rfu baɗu dzaʼa maraŋta tsi ta glakwa ni ŋa inda mndu.

2 Piyer 3:1

Graha ɗa ya ta ɗvu yu, mahisa ɗelewera ɗa nana vindaghunaf yu na. Ma tsəna ɗelewerha ɗa his vindaghunaf yu na ná, vraftá ya ta vrafta yu ta skwiha ya ghada kuni ta snaŋta, ŋa ndanay ghuni ta ndanu nda tva ni ta ghəŋa taŋ.

1Sam 2:1

Ka magatá Hana ta duʼa, kaʼa mantsa: « Ndəghiɗif ndəgha Yawe ta ŋuɗufa ɗa nda rfu, manda ghwá kapaɗifta Yawe. Nda guna wa ɗa ŋa ghuɓasa ghumaha ɗa, kabga ta rfu yu nda mbaɗifta gha.