Filip 2:9 - Hdi

⁹ Tsaya kəl Lazglafta ka kapanafta ka vlaŋtá glaku, ka vlaŋtá hgu ya ta malaghutá hga inda skwi demdem.

Filip 2:9 ပူးပေါင်းရင်းမြစ်များ

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Lukwa 10:22

« Inda skwiha vliha vla Da ɗa, haɗ mndu nda sna ta tsa Zwaŋ ya wa, Da yeya nda sna. Haɗ mndu nda sna ta tsa Da ya guli wa, Zwaŋ yeya nda sna nda mndu ya ta kum zwaŋ ta maranaŋta, » kaʼa.

Yuhwana 13:3

Nda sna Yesu ka ghəŋa ni kazlay: Sa daga da Lazglafta yu, dzaʼa vru da Lazglafta yu kəʼa. Nda sna guli kazlay: Fanam fa Lazglafta ta inda skwi ma dzva ni kəʼa.

Yuhwana 17:11

« Ta haɗ iʼi ma ghəŋa haɗik wa. Hahəŋ ná, tata ghəŋa haɗik həŋ. Ta dzaʼa da kagha iʼi. Da ɗa, kagha ta nzakway nda ghuɓa, ŋana ŋa ta həŋ nda mbrakwa gha. Nda mndərga tsa mbraku vliha ka ya, kada nzakwa həŋ ka mndu turtuk manda nzakwa u ka mnda turtuk ya.

Yuhwana 17:12

Ma tsa nzakwa ɗa kawadaga nda həŋ ma ghəŋa haɗik ya ná, si ta nghay yu ta həŋ nda mbrakwa gha ya vliha ka. Ŋana ŋa yu ta həŋ, haɗ ya ta zaɗavaghuta wu, ba ya ta nzakway nda fa ŋa zwaɗuta, ŋa kɗiŋtá skwi ya nda vinda ma defteri yeya ta zaɗapta.

Yuhwana 17:5

Ndanana tama Da ná, ŋliɗif ŋla da kagha manda nzatá nzakwa ɗa si ta kul zlraftá ghəŋa haɗik ya.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

Afisus 1:10

Wya tsa skwi ya: Ka nda maga fitik, dzaʼa tskana tska ta inda skwiha nda ya ta luwa tani, nda ya ta haɗik tani, ŋa nzanaghata Yesu Kristi ka mgham ta ghəŋa taŋ demdem.

Kwalus 1:18

Tsatsi ghəŋ ta ghəŋa *Igliz. Tsatsi zlrafta ni, ta nzakway ka taŋtaŋa sliʼagapta ma mtaku, ŋa nzakwa ni ka taŋtaŋa ni ma inda skwi demdem,

2Tes 1:12

Mantsa ya tama, dzaʼa mutsay hga Mghama mu Yesu Kristi ta glaku nda ma kaghuni, ŋa vlaghunata ni guli ta glaku. Nda nza tsaya ka zɗakatahuɗa Lazglafta mu nda Mghama mu Yesu Kristi.

Hebru 1:4

Mantsa ya kəl tsa Zwaŋ ya ka malaghutá duhwalha Lazglafta, manda va hgu ya vlaŋ tsi ka malaghutá ŋa taŋ ya.

Hebru 1:9

Skwiha tɗukwa tɗukwa ta zɗəgaghatá kagha, ɗva a kagha ta ghwaɗaka skwiha wa. Tsaya kəl Da gha Lazglafta ka pghaghaghatá rɗa zɗaghaftá ŋuɗuf, ka ɗvutá tsi ta kagha ka malaghutá graha gha, » kaʼa.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Hebru 2:9

Tsa mndu vragana lu ŋa fitik kwitikw mista duhwalha Lazglafta ta nzakway ka *Yesu ya nghaŋ amu. Ka vlaŋtá Lazglafta ta glaku, nda sgit ta ghəŋa vəl mtuta ni, ka ghuytá ɗaŋwa. Mantsa ya tama, ma zɗakatahuɗa Lazglafta ná, ka ŋa inda mndu ɗaŋta tsi ta mtaku.

1 Piyer 3:22

Vraghu vra Yesu Kristi ta luwa, ta nzaku nda ga zeghwa Lazglafta, ta ga mgham ta ghəŋa duhwalha Lazglafta, nda inda sanlaha ma skwiha nda mbra nda mbra.

2 Piyer 1:17

Ma fitika mutsafta ni ta sgit, nda glaku da Lazglafta ta nzakway ka Da ná, hada aŋni. Nda sna aŋni nda sləməŋa ŋni ta mnə Lazglafta ya ta hemanatá inda skwi kazlay: Nana na zwaŋa ɗa ya ɗvu yu ta zɗəgihata katakata kəʼa.

3 Yuhwana 1:7

Tsa wawaku ta wawaku həŋ ya ná, ta wawu ka maga slna *Yesu *Kristi həŋ. Haɗ sana skwi ta mutsafta həŋ da gwal kul zlghaftá Yesu wa.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 11:15

Ka vyata mandəfáŋa duhwala Lazglafta ta ŋa ni ma duli. Ka snaku sana lwiha dagala dagala daga ta luwa. Ka həŋ mantsa: « Mgham Lazglafta ŋni nda Kristani ta ga mgham ta ghəŋa haɗik ndana. Tsatsi dzaʼa ga Mgham ŋa kɗekedzeŋ, » ka həŋ.

Suna Yuhwana 19:16

« Rveri ta ghəŋa rveriha, Mgham ta ghəŋa mghamha, » ká lu vindaftá hgu ta lguta ni nda ya ta rkufa ni.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.

Suna Yuhwana 5:12

Ka həŋ nda lwi dagala dagala mantsa: « Tsa Zwaŋa Tuwak si dza lu ya kay ná, raŋra zlghafta ni ta ga Mgham, nda gadghəl, nda ɗifil, nda mbraku, nda zləzlvu, nda glaku, nda ghubu, » ka həŋ.