Filip 2:8 - Hdi

⁸ ka hanaganatá tsi ta ghəŋa ni, ka snatá tsi ta ŋa Lazglafta, ka mtutá tsi. Tsa mtakwa ni ya ná, ta udza zləŋay mtakwa tsi.

Filip 2:8 ပူးပေါင်းရင်းမြစ်များ

Mata 17:2

Ka mbəɗavaftá Yesu ta wa ira taŋ, ka wuɗaku kuma ni manda fitik. Ka navaftá lguta ni tilil ka ŋusliŋ manda slker.

Mata 26:39

Zadaptani dawʼ ta kəma, ka zləmbatá tsi ka mbumba, ka maga duʼa. Kaʼa mantsa: « Da ɗa, ka ta magaku tsi, diʼiŋiŋ diʼiŋa ta na leghwa ghuya ɗaŋwa na nda iʼi. Nziya nza tsi ná, manda ya ta kum iʼi a wu, manda ya ta kum kagha, » kaʼa.

Mata 26:42

Ka zəgladaptá tsi dawʼ ka mahis, ka ndəɓəgəltá dzvu, kaʼa mantsa: « Da ɗa, ka va a ka ta diʼiŋaghuta na leghwa ghuya ɗaŋwa na nda iʼi wu katsi, ka nda nza tsi ŋa say ɗa ná, ka maga tsi manda ya kumaŋ ka, » kaʼa.

Lukwa 9:29

Ta mag Yesu ta duʼa, ka mbəɗavaftá kuma ni tskəm, mbəɗavafha lguta ni ka wuɗaku tilil ka ŋusliŋ.

Yuhwana 10:18

Haɗ mndu ta laviŋtá klaptá hafu ma iʼi wu, iʼi ka ghəŋa ɗa ta vlata. Laviŋ lava yu ta vlata, laviŋ lava yu ta mutsəglafta. Tsaya skwi dzaʼa ka magay ka Da ɗa nda iʼi. »

Yuhwana 14:31

Ɗina ka snaŋta mnduha ta ghəŋa haɗik kazlay: Ɗvu ɗva yu ta Da kəʼa. Inda skwiha ta mag yu guli ná, manda va ya mniha Da ta maga yu. Sliʼafwa sliʼa hadna mbaɗma, » kaʼa.

Yuhwana 15:10

Ka ta sna sna kuni ta zlaha ɗa, dzaʼa gɗava gɗa kuni ma ɗvutá mnda ɗa. Manda tsaya snata iʼi ta zlaha Da ɗa, kəl iʼi ka gɗavata ma ɗvutá mndani.

Yuhwana 4:34

Ka Yesu nda həŋ mantsa: « Maga skwi ta zɗəganatá mndu ya ta ghunigihata ka kɗinistá slna ni, skwa zaya ɗa.

Slna gwal ghunay 8:33

Ma hanaganata ni ta ghəŋa ni, ka tsanaghatá lu ta guma, ka dzata. Haɗ mndu dzaʼa kulaŋtá mndəra taŋ wu, kabga zaɗana zaɗa ta hafa ni ta ghəŋa haɗik, » kaʼa.

La Ruma 5:19

Manda va nzakwa mndu turtuk ta kwalaghutá snanatá gwaɗa Lazglafta kəl ndəghata mnduha ka nuta ka gwal dmaku ya, manda va tsaya guli ná, mndu turtuk ta snanatá gwaɗa Lazglafta kəl ndəghata mnduha ka nzakway ka tɗukwa mnduha ta wa ira Lazglafta.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

Galat 3:13

*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.

Vrafta ta zlahu 21:23

yaha mbla ni da hanay ta fu. Baɗ va tsaya dzaʼa lamta kuni, kabga nda nza tsa mndu haga lu ta fu ya ka mndu nda ksiʼa da Lazglafta. Ma niŋ kuni ka skwi ta tsaɗ lu ta haɗika ghuni ya dzaʼa vlaghuna Yawe, Lazglafta ghuni ka skwa za həga ghuni. »

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Hebru 12:4

Ma vulu ya ta vulu kuni nda dmaku ná, ta vula a kuni karaku ta ya dzaʼa kladaghunaghata ta wa hɗak wa.

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.