Filip 2:17 - Hdi

¹⁷ Tsa zlghay zlghaf kuni ta Yesu ya ná, nda nza manda planatá ghəŋ ta Lazglafta. Kawayaka skwi dzaʼa dza dza həŋ ta iʼi, dzaʼa nzakway usa ɗa ka skwi dzaʼa tɗanaghata yu ta ghəŋa ŋa ghuni. Ka mantsa tsi katsi, dzaʼa mamu yu nda rfu, dzaʼa rfay yu ta rfu kawadaga nda kaghuni.

Filip 2:17 ပူးပေါင်းရင်းမြစ်များ

Mbsak 28:6

Nda nza ka skwa pla ghəŋ ŋa dray tsuh tsuh inda fitik manda ya tsaf lu ta ghwá Sinay, ka skwa pla ghəŋ ŋa dray ta vu zɗəgana həlata ni ta Yawe.

Mbsak 28:7

Ka litər turtuk skwi ŋa slranata ŋa inda slaɓalakwa maŋazak. Ma həga nda ghuɓa dzaʼa slranata lu ŋa Yawe ta ima inabi nda tawa.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

Slna gwal ghunay 21:13

Ka Pwal nda aŋni mantsa: « Ta ghəŋa wu ta tawa kuni ta taw. Ta kumay kuni ta giɗiftá zləŋ ra? Iʼi taɗa ná, ŋa habaftá iʼi yeya a wu, dər má ŋa dzatá iʼi ma Ursalima ta ghəŋa hga Mgham *Yesu tsi, nda fa vgha ɗa, » kaʼa.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

La Ruma 15:16

ka faftá iʼi ka kwalva *Yesu *Kristi mataba gwal kul nzakway ka la *Yahuda. Ka faghutá tsi ta iʼi ŋa mna Lfiɗa Gwaɗa ni, ŋa nuta gwal kul nzakway ka la Yahuda ka skwi vlaŋ lu ta zɗəganatá Lazglafta. Sulkum nda ghuɓa ta nanaftá tsa skwi ya vla lu ya ka skwi ta raŋta Lazglafta.

2Kwa 12:15

Iʼi ná, nda rfu dzaʼa vlaghunata yu ta inda skwa ɗa nda ghəŋa ɗa tani ŋa kata kaghuni. Dzaʼa htanaghuta nda hta kaghuni ta ɗvutá iʼi kabga ɗvuta ɗa ta kaghuni ra?

2Kwa 4:12

Mantsa ya ná, nzaku ta wa hɗak ŋa aŋni, nzakwa ghuni nda hafu ŋa kaghuni.

2Kwa 6:10

Ma skwi má ŋa ɓasay ŋni ta ŋuɗuf ya ná, rfu ŋa aŋni ta rfay. Ka pɗu həŋ, ka lu nda aŋni, tsaw nda ndəgha mnduha ta nanaftá aŋni ka gadghəl. Mamu skwa taŋ ra, ka lu nda aŋni, tsaw ŋa ŋni inda skwi demdem.

2Kwa 7:4

Haɗ yu nda mahulhula ndanu ta ghəŋa kaghuni wa. Ta ghərɓaku yu ta kaghuni. Dər má ghuy ghuya yu ta ɗaŋwa ná, nda lɓa ŋuɗufa ɗa, ta rfu yu.

Filip 1:20

Skwi ya ma ŋuɗufa ɗa faf iʼi ta ghəŋa ɗa tida ná, haɗ yu dzaʼa walaŋta magatá skwi dzaʼa pghiɗaghatá hula wa. Má vlihata skwi ta mbrakwa suʼay yeya katsi. Skwi kumaf maya ɗa ndanana, dər má yawu tsi, ka dər ta ndiri yu, ka dər mtaku a ta slaɗighata, ka zləzlva mnduha ta Yesu Kristi nda ma nzakwa ɗa, ŋa ɗa.

Filip 2:18

Kaghuni guli ka nzata kuni nda rfu. Ka rfa kuni ta rfu kawadaga nda iʼi.

Filip 2:30

Pərɗa ka mtuta ta ghəŋa slna Kristi, fa fa ta ghəŋa ni ŋa katá iʼi da manaka kaghuni.

Filip 4:18

Zlghaf zlgha yu ta tsa zɗakatahuɗa ghuni tsghaf kuni ta Yufratis ya. Haɗ skwi ta pəɗəgəlta yu wu, hwaslu hwasla katakata. Tsa skwi vla kuni ya ná, manda skwi dranaf lu ta Lazglafta ta zɗəganata katakata ya nzakwa ni.

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

1Tes 2:8

Ma tsa fatá ghəŋa ŋni ŋa ghuni ya ná, mnaghunatá Lfiɗa Gwaɗa ta sabi da Lazglafta kweŋkweŋ yeya a mnaghuna ŋni wa. Kumaŋ kuma ŋni ta vlaghunata nda hafa ŋni tani, kabga lam la kuni da ŋuɗufa ŋni kahwathwata.

2Tim 4:6

Iʼi, nda maga fitika ɗa, taghwaŋ a yu ka mtaku wa. Ndusak ndusa fitika sliʼa ɗa.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Yuhwana 3:16

Wya tvi kəl amu ka snaŋtá skwi ta hgə lu ka ɗva mndu: Ɗvu ɗva *Yesu *Kristi ta amu, ka saha tsi vlatá ghəŋa ni ma vla amu. Amu guli ná, vlama vla amu ta ghəŋa mu guli ma vla zwana ma mu.