Filip 2:14 - Hdi

¹⁴ Ma inda skwi ta mag kuni ya, ma ruruŋwaku kuni ta ruruŋwaku, ma zlərɗ kuni ta wi.

Filip 2:14 ပူးပေါင်းရင်းမြစ်များ

Mbsak 14:27

« Ha ŋa yawu dzaʼa zlanata yu ta guyatá ghəŋa na mnduha ka ghwaɗak ta ruruŋwaku nda iʼi na na? Sniɗigha sna na ruruŋwakwa la Israʼila ta ghəŋa ɗa.

Mata 20:11

Ta zlghə həŋ ya, ta dzaʼa nda ŋuŋuraku həŋ ta ghəŋa tsa daŋahəga ni həga ya.

Markus 14:5

Ta skwi má ŋa klafta ka skwapta ŋa mutsaftá sulay hkən dərmək, ka daganaftá gwal pɗu ná, » ka həŋ ka ɓasanavatá ŋuɗuf ta tsa marakw ya, ka davay.

Markus 9:14

Manda vradaghata i *Yesu ta vata tsa duhwalha ni si zlana həŋ ya, ka nghaŋtá həŋ ta tskata mnduha ta wanaftá tsa duhwalha ya nda gwal tagha zlahu ŋa mnduha ta zlərɗutawi nda həŋ.

Lukwa 5:30

Ka ruruŋwaku la *Farisa nda mnduha taŋ ta tagha zlahu ŋa mnduha ta ruruŋwaku. Ka həŋ mantsa: « Kabgawu ta kəl kuni ka za skwi nda sa skwi kawadaga nda gwal tska dzumna nda sanlaha ma ghwaɗaka mnduha na? » ka həŋ nda duhwalha Yesu.

Slna gwal ghunay 15:2

Zɗəgana a tsa tagha skwa taŋ ya ta i Pwal nda Branabas wa. Ka zlərɗ həŋ ta wi nda həŋ ta ghəŋa ni ka ŋɗaŋɗa. Ka lu tama mantsa: Ka la i Pwal nda Barnabas nda sanlaha mataba mu da Ursalima slanaghatá gwal ghunay, nda la galata mndu, ka tsiŋta həŋ ta gwaɗa ta ghəŋa ni, ka həŋ.

Slna gwal ghunay 15:39

Ka zlərɗanaftá həŋ katakata, ka dgatá həŋ ta vgha. Ka klaghatá Barnabas ta Markus mista ni, ka ŋlaftá həŋ ta kwambalu ka laghwi ta haɗika Kiprus.

Slna gwal ghunay 15:7

Ka gwaɗanaghatá həŋ ta gwaɗa katakata ta ghəŋa ni. Ka sliʼaftá *Piyer, kaʼa mantsa: « Zwana ma, nda sna kuni manda ghalya kazlay: Mataba ghuni zbapta Lazglafta ta iʼi ŋa mnanaŋtá *Lfiɗa Gwaɗa ta gwal kul nzakway ka la Yahuda, kada snaŋta həŋ ŋa zlghafta taŋ kəʼa.

Slna gwal ghunay 6:1

Ma tsa fitik ya, ta sgaku nda sga gwal ta zlghafta. Ka ŋaɗ la *Grek ta ghəŋ ta ghəŋa la *Hebru, kabga inda fitika dga skwa zay, ta zazanap za za lu ta wadgaha taŋ.

La Ruma 12:18

Ka ta magaku tsi ŋa nzata nda zɗaku nda inda mndu ná, magawa maga ta kɗavakta mbrakwa ghuni.

La Ruma 14:1

Tsuʼawatsuʼa ta mndu ya nda hta mbrakwa ni ma zlghay nda ŋuɗuf, ma vzə kuni ta rutsak ta skwi ya ta ndanu tsi.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

1Kwa 10:10

Ma ruruŋwaku kuni ta ruruŋwaku manda ya mag sanlaha mataba taŋ, kəl duhwalha Lazglafta ya ta rwa mndu ka zaɗanatá həŋ ya.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

Galat 5:15

Ama ka si ta hihiʼiduvtá vgha, ka kwahuvustá vgha kuni mataba ghuni manda ŋa nimtak katsi ná, ɗaswa ká kuni da zaɗanata kuni ta ghəŋa ghuni.

Galat 5:26

Ma glə mu ta ghəŋ! Ma zbə mu ta gwaɗa da mndu, ma drə mu ta draku guli.

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

1Tes 5:13

Vlawa glaku ŋa taŋ dar ka ɗvuta kuni ta həŋ katakata ta ghəŋa slna taŋ. Nzuvuswanza nda zɗaku mataba ghuni, nda ya nda sanlaha guli.

1Tes 5:15

Ɗaswa ka kuni, da vranamtá mndu ta ŋaslu ta mndu nda ŋaslu. Ŋavawa ŋa katək, ka maga skwi ya ɗina mataba ghuni, nda ya ŋa hamata sanlaha tani.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

Yakubu 1:20

kabga haɗ mndu ta ɓasa ŋuɗuf ta maga skwi ya ɗina ta zɗəganatá Lazglafta wa.

Yakubu 3:14

Ama ka ndughundughwa ŋuɗufa ghuni nda draku, nda ya nda ɗva ghəŋ katsi, ma ghərɓə kuni ta ghərɓaku ka bətbət, ma tsakalana kuni ta wi ta kahwathwata.

Yakubu 5:9

Zwana ma ɗa, ma ŋaɗə kuni ta ghəŋ ta ghəŋa sani nda sani kada kwala lu tsaghunaghatá guma. Ya wya mnda tsa guma ta wa tgha.

1 Piyer 3:11

Zlaŋta ni ta maga ghwaɗaka skwi, ka maga skwi ɗina. Zbay ni ta zɗaku ka ŋavata mista ni.

1 Piyer 4:9

Ma ruruŋwaku kuni ta ruruŋwaku ta tsuʼa mayəm ta lagha da kaghuni.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.