Filip 2:13 - Hdi

¹³ Lazglafta ka ghəŋa ni ta maga slna ni ma kaghuni, dzaʼa kəl kuni ka ɗvaftá skwi ya ta zɗəganata ŋa magay ghuni ta slna nda tsi guli.

Filip 2:13 ပူးပေါင်းရင်းမြစ်များ

1Mgh 8:58

Ka mbəɗana mbəɗa tsi ta ŋuɗufa mu nda təv tsatsi, kada mbaɗa mu ta mbaɗa ta inda tviha ni, ka snata mu ta zlahuha ni, nda tva skwi ŋa magay ya mnanaf tsi ta dzidzíha mu!

2Rus 30:12

Ma Yuda guli, ka vlaŋtá Lazglafta ta ŋuɗuf ka skwa turtuk ta həŋ ŋa nzata taŋ nda dzratá ghəŋ, ka snatá gwaɗa mgham, nda ŋa maliha, manda ya mna gwaɗa Yawe.

Izra 1:1

Ta taŋtaŋa vakwa gay Sirus mghama Persiya ta mgham ta ghəŋa Babila, ka sliʼanaftá Yawe ta ŋuɗufa Sirus mghama Persiya, ŋa mnaŋta baŋluwa, nda ya nda vindi, ma inda vli ta gə tsi ta mgham, kada hɗamta gwaɗa Yawe ta mnigiŋta nda ma wa anabi Yirməya. Kaʼa mnata mantsa:

Izra 1:5

Mantsa tama, ka sliʼaftá maliha mataba mndəra la Yahuda, nda la Biŋyamiŋ, nda gwal ta dra skwi ma həga Lazglafta, nda la Levi, inda tsa gwal vlaŋ Lazglafta ta mahizl ŋa dzaʼa ba həga Yawe ma Ursalima ya.

Izra 7:27

Ka Izra mantsa: « Kagha Yawe, Lazglafta dzidzíha ŋni ŋa zləzləvay, kabga kagha ta famta ma ŋuɗufa mgham ta tva vlaŋtá sgit ta həga Yawe ma Ursalima.

Nəhemiya 2:4

Ka mgham nda iʼi mantsa: « Nu ta ɗaw ka da iʼi tama ɓa? » kaʼa. Ka gi mag yu tsa duʼa da Lazglafta ta luwa.

Lukwa 12:32

« Ma zləŋ kuni ta zləŋ kaghuni gwal ta nzakway ka ŋa ɗa manda zwaŋa bra. Zɗəgana zɗa ta Da ghuni Lazglafta na vlaghunata ni ta ga mghama ni.

Lukwa 2:14

« Glaku ŋa Lazglafta ta luwa, zɗaku ta ghəŋa haɗik mataba mnduha ɗvu tsi. »

Yuhwana 3:27

Ka Yuhwana mantsa: « Haɗ mndu dzaʼa mutsaftá sana skwi ka Lazglafta a ta vlaŋta wa.

Yuhwana 6:45

Wya skwi vindaf la anabi: “Dzaʼa taghanaf tagha Lazglafta ta skwiha ta həŋ.” Dər wa ta snay, ka zlghaftá tsa skwi ta tagh Lazglafta ya, dzaʼa sagha sa tsa mndu ya da iʼi.

Yuhwana 6:65

Ka Yesu sganaghata mantsa: « Tsaya kəl yu ka mnay ŋa ghuni kazlay: Haɗ mndu dzaʼa laviŋtá sagha da iʼi, ka ghunak a Da wu kəʼa ya, » kaʼa.

Slna gwal ghunay 11:21

Kawadaga mbrakwa Mgham Yesu nda həŋ, kəl ndəghata mnduha ka zlghafta, ka mbəɗaghutá vgha təv Mgham Yesu.

La Ruma 12:3

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

La Ruma 9:11

Makəɗ lu ka yatá tsa zwani ya, ka Lazglafta nda Rebeka mantsa: « Mali dzaʼa ndəɓa dzvu da sagəŋ, » kaʼa. Ta la a tsa zwani ya saha ta haɗik, ka snaŋta taŋ ta skwi ɗina nda ya kul ɗinaku nda tsa ta luta tsa gwaɗa ya wa. Nza nza tsa skwi ya mantsa kada nzakwa skwi ta kum Lazglafta manda ya tha tsi. Tsa zbaf lu ya ná, ŋa nzakwa ni manda ya ta kum Lazglafta hgafta lu, ta vəl magata ni ta slna a wa.

La Ruma 9:16

Tsaya tama, ka zbaf zba Lazglafta ta mndu ná, ta vəl kumafta maya tsa mndu ya a wu, ta vəl magata ni ta slna a guli wa. Lazglafta tani ta ɗvafta maganatá skwi ɗina, kaʼa.

1Kwa 12:6

Ta traku tva magay mnduha ta slnaha kavghakavgha, ama va tsa Lazglafta turtuk ta maga inda ni ma inda mndu.

1Kwa 15:10

Nda zɗakatahuɗa Lazglafta ná, nda nza yu manda va na nzakwa ɗa na. Nza a tsa zɗakatahuɗa ni ŋa ɗa ya ka skwi bətbət wa. Katək ná, mal iʼi ta magatá slna ka hahəŋ demdem. Nziya nza tsi, iʼi a ta magata wu, tsa zɗakatahuɗa Lazglafta ma iʼi ya ta magata.

2Kwa 3:5

Nda sna aŋni kazlay: Slaghu a aŋni ka ghəŋa ŋni ka maga tsa slna ya wu kəʼa. Lazglafta ta vlaŋnatá mbrakwa magay.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:5

Ɗvu ɗva ta amu daga manda ghalya, ka psaptá tsi ta amu ka nimista ka zwana ni nda ma Yesu Kristi. Manda tsaya ɗvuta tsi ma zɗakwa ni.

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Afisus 2:8

Zɗakatahuɗa ni tani kəl Lazglafta ka mbaghunafta nda ma zlghafta ghuni ta Kristi. Mbaghunaf a ta ghəŋa vəl magata ghuni ta skwiha ɗina ɗina wu, ka mbalay mbaghunafta tsi.

2Tes 1:11

Tsaya ta kəl ŋni ka gɗata ta maga duʼa da Lazglafta ta ghəŋa ghuni, kada nzata kuni ka guram nda skwi ya hgaf tsi ta kaghuni, ka zlghaftá kuni ya. Ka katá tsi ta kaghuni nda mbrakwa ni, ŋa magay ghuni ta skwi ɗina ɗina, nda ya ŋa yifanaftani ta zlghay nda ŋuɗufa ghuni.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,