Filip 1:18 - Hdi

¹⁸ Kuzliha a tsaya ta iʼi wa! Dər makləw makləw ta mna həŋ, mna mna həŋ ta gwaɗa Kristi, ta rfu yu ta ghəŋa ni taɗa. Manda va tsaya, ta kəma ta kəma ta dzaʼa iʼi nda rfay.

Filip 1:18 ပူးပေါင်းရင်းမြစ်များ

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Markus 12:40

Hahəŋ gwal ta dghwaɗguduŋtá skwa la wadgu. Zɗəgana zɗa slriŋtá maga duʼa ta həŋ ta kəma mnduha ŋa ghubaŋtá həŋ. Dzaʼa tsanagha tsa lu ta guma ta həŋ katakata, » kaʼa.

Lukwa 9:45

Sna a tsa duhwalha ya ta tsa gwaɗa ya wa, tsala a tsa gwaɗa ya da həŋ wa. Nda ɗifa klatá ghəŋa tsa gwaɗa ya da həŋ, kabga ŋa kwala taŋ kul snaŋta. Ta zləŋay həŋ ta ɗawaŋtá tsa gwaɗa ya guli da tsi.

Lukwa 9:50

« Ŋaw! Ma pyə kuni! Ka haɗ gwaɗa mndu nda kaghuni wu, mista ghuni tsa mndu ya, » ka *Yesu nda tsi.

La Ruma 3:9

Kinawu nzakwa ni tama! Malaghu mala amu la *Yahuda ka hamata gwal kul nzakway ka la Yahuda rki? Malaghu a amu wa. Ka yu mnata kay ná, nda la Yahuda tani, nda la *Grek tani, hahəŋ demdem nzanagha nza dmaku ta həŋ.

La Ruma 6:15

Kinawu nzakwa ni tama! Ka maga mu ta dmaku kabga kwala mu ta kul haɗ mista zlahu, laghu la mu dista zɗakatahuɗa Lazglafta rki? Mantsa a ɗekɗek wa!

1Kwa 10:19

Nu ta kum yu ta mnay? Ta kumay yu ta mnay sana skwi tsa sluʼi plana lu ta ghəŋ ta skwa wuyay ya kəʼa ra? Ari sana skwi a na tsa skwa wuyay ya na? Sana skwi a ɗekɗek wa.

1Kwa 14:15

Kinawu ka yu dzaʼa magay tama? Dzaʼa magay yu ta duʼa ma sulkuma vgha ɗa, dzaʼa ndəɓay yu nduk ma ghunislaka ɗa guli. Dzaʼa fay yu ta laha ma sulkuma ɗa, dzaʼa fay yu nduk ma sulkuma ɗa guli.

1Kwa 15:11

Tsaya tama, dər má iʼi tsi, dər má hahəŋ a tsi ná, tsaya skwi ta mnə ŋni, tsaya skwi zlghaf kaghuni guli.

Filip 1:19

Nda sna iʼi kazlay: Dzaʼa mbaku yu ma tsa ghuya ɗaŋwaha ya, kabga duʼa ghuni. Ta katay Sulkum nda ghuɓa ma Yesu Kristi ya ta iʼi guli kəʼa.