Filip 1:14 - Hdi

¹⁴ Sana skwi guli ná, nana nzakwa tsatá iʼi ma gamak na ná, zəghər gwal sganagha tsi ta mbrakwa faftá ghəŋ ta Mgham *Yesu na həŋ mataba gwal zlghay nda ŋuɗuf. Nda ta us tira taŋ ka dzaʼa ta kəma ta kəma ma mna gwaɗa Lazglafta ŋa mnduha.

Filip 1:14 ပူးပေါင်းရင်းမြစ်များ

Markus 3:3

« Sliʼaf sliʼa gra, ka sagha ka sladata ta kəma mnduha, » ka Yesu nda tsa mndu nda mta dzva ni ya.

Lukwa 1:74

“Dzaʼa mbaghunaf mba yu ma dzva ghuma ghuni, kada laviŋta kuni ta ksanatá slna kul haɗ zləŋ,

2Kwa 3:12

Haɗ sana skwi dzaʼa ŋni ɗifay ma tsa gwaɗaha ya wu, kabga nda sna aŋni kazlay: Manda tsaya nzakwa tsa skwiha ya kəʼa.

2Kwa 7:4

Haɗ yu nda mahulhula ndanu ta ghəŋa kaghuni wa. Ta ghərɓaku yu ta kaghuni. Dər má ghuy ghuya yu ta ɗaŋwa ná, nda lɓa ŋuɗufa ɗa, ta rfu yu.

Afisus 3:13

Tsaya tama ta kəl yu ka ndəɓa dzvu ŋa ghuni, ma rwaghuna tsi ta vgha, kabga snaŋta ghuni ta ghuya ɗaŋwa ɗa ta ghəŋa vəl mnaghunata ɗa ta Lfiɗa Gwaɗa. Ka ufa tsa ghuya ɗaŋwa ɗa ta ghəŋa ghuni ya, ta vgha ŋa ghuni.

Filip 1:20

Skwi ya ma ŋuɗufa ɗa faf iʼi ta ghəŋa ɗa tida ná, haɗ yu dzaʼa walaŋta magatá skwi dzaʼa pghiɗaghatá hula wa. Má vlihata skwi ta mbrakwa suʼay yeya katsi. Skwi kumaf maya ɗa ndanana, dər má yawu tsi, ka dər ta ndiri yu, ka dər mtaku a ta slaɗighata, ka zləzlva mnduha ta Yesu Kristi nda ma nzakwa ɗa, ŋa ɗa.

Filip 1:7

Tsa ndanu ta ndanu yu ta ghəŋa ghuni ya ná, tɗukwa nzakwa ni, graf gra yu, kabga laghu la kuni da ŋuɗufa ɗa. Kaghuni demdem kawadaga kuni nda iʼi. Nda guya mu ma zɗakatahuɗa Lazglafta, ma na nzakwa ɗa ma gamak ná, nda ya ma ŋavata ta ŋavata yu ka mnigiŋtá gwaɗa Lazglafta kahwathwata ka dihavata ka zlərɗatá *Lfiɗa Gwaɗa.

Filip 4:1

Zwana ma ɗa gwal ɗvu yu nda ŋuɗufa ɗa, mamaya ghuni ta ksihata, ta kumay yu ta nghəglaŋtá kaghuni. Ta kaghuni ta ghərɓa yu ta ghərɓaku, ta kaghuni ta rka yu ta rka. Ka si mantsa tsi tama zwana ma, nzafwanza ta Mgham manda va ya taghaghunaf yu.

Kwalus 4:4

Magawa duʼa ta ghəŋa ɗa ŋa laviŋta ɗa ta mnaŋta gwaɗa ta ghəŋa ni dardar manda ya ta raku.

Kwalus 4:7

Tisik ta nzakway ka zwaŋama, ham ha ta ghəŋa ni ma slna Kristi. Kawadaga ŋni nda tsi ta ksa slna Mgham Yesu. Dzaʼa mnaghuna mna ta gwaɗa ta ghəŋa ɗa.

1Tes 2:2

Nda sna kaghuni guli ka ŋni ghuytá ɗaŋwa ma luwa Filipiya, nda ya ká həŋ razaŋnata. Ama ka taftá ŋni ta us ta iri nda mbrakwa Lazglafta ka mnaghunatá *Lfiɗa Gwaɗa ta sagha da Lazglafta mataba ndəghata ghuya ɗaŋwa.

2Tim 2:9

Ta ghəŋa tsa Lfiɗa Gwaɗa ya ta ghuya yu ta ɗaŋwaha ka tsamtá iʼi ma gamak manda mndu ta magatá ghwaɗaka skwi. Ama dər má mantsa tsi, hbam a lu ta gwaɗa Lazglafta wa.