Filimuŋ 1:16 - Hdi

¹⁶ Ndanana ná, ta ka vuʼa a nzakwa ni wu, mal tsatsi ka vuʼa, nda nza ka zwaŋama mu tegeɗ tegeɗ. Ɗvu ɗva iʼi, kagha yeya dzaʼa kwal kul ɗvafta rki. Mnda səla ya, zwaŋama gha ya guli ma Kristi.

Filimuŋ 1:16 ပူးပေါင်းရင်းမြစ်များ

Mata 23:8

Ama kaghuni ya, ma ɗvaf kuni ta hga kaghuni ka maləm. Turtuktuk Maləma ghuni. Kaghuni ná, la zwana ma kuni.

Slna gwal ghunay 9:17

Ka sliʼaftá Hananiya tama ka laghu. Ka lam tsi da tsa həga ya. Ka fanaghatá tsi ta dzvu ta Sawul. Kaʼa nda tsi mantsa: « Sawul! Zwaŋama ɗa ka. Tsa Mgham Yesu ta maraghaŋtá ghəŋa ni ta tvi ya, ta ghunɗikta ŋa nghəglaŋta gha ta vli, nda ya ŋa ndəghaghafta nda Sulkum nda ghuɓa, » kaʼa.

1Kwa 7:22

Ka dər ka vuʼa mndu ta hgafta mgham Lazglafta katsi, nda pla vgha tsa mndu ya da Mgham Lazglafta. Manda tsaya, mndu kul haɗ ka vuʼa ta hgafta Lazglafta ná, ka vuʼa *Kristi tsatsi guli.

Kwalus 3:22

Kwalvaha, snawa gwaɗa ma inda skwi da daŋahəga ni həga ghuni ta na ghəŋa haɗik na. Ta wa ira taŋ yeya a dzaʼa maga kuni ta skwi ɗina manda skwi ŋa zɗəganata ghuni ta həŋ wa. Magawa maga ŋa taŋ nda vərɗa ŋuɗufa ghuni, kabga zləŋafta ghuni ta Mgham Yesu.

1Tim 6:2

Ka gwal zlghay nda ŋuɗuf na daŋahəgaha taŋ katsi, yaha həŋ da kwal kul sna gwaɗa da həŋ, kabga nzakwa taŋ ka zwana ma ma zlghay nda ŋuɗuf. Ka ŋava ŋa həŋ katək ka maganatá slna taŋ nda tva ni, kabga tsa daŋahəgaha taŋ ta maganata həŋ ta slna ya ná, gwal zlghay nda ŋuɗuf ta ɗvu Lazglafta həŋ. Tsaya skwiha ŋa taghay gha ŋa mnduha. Ka vla ka ta mbraku ŋa taŋ.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

1 Yuhwana 5:1

Dər wati ma mndu ta zlghaftá mnay kazlay: *Yesu ná, *Kristi ya kəʼa, tsa mndu ya ná, nda na ka Zwaŋa Lazglafta. Ka ɗvu ɗva tsa mndu ya ta Da ni Lazglafta katsi ná, dzaʼa ɗvu ɗva guli ta zwana Lazglafta.