Danyel 9:9 - Hdi

⁹ Kuravagha kura ŋni, Mgham Lazglafta ŋni. Kulam nda tsa, ta plaŋna pla ka ta dmakwa ŋni ma tawa hiɗahiɗa gha.

Danyel 9:9 ပူးပေါင်းရင်းမြစ်များ

2Sam 24:14

Ka Dawuda nda Gat mantsa: « Nda kəɓa yu katakata. Kay, ta dər zləmbamta mu ma dzva Yawe, kabga dagala tawa hiɗahiɗa da tsi. Ama yaha yu zləmbamta ma dzva mnduha, » kaʼa.

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

Nəhemiya 9:31

Kulam nda tsa, dabga tsa tawa hiɗahiɗa ni gha katakata ya, zaɗana a ka ta həŋ wu, zlanava a ka ta həŋ wu, kabga Lazglafta ta zɗakatahuɗi nda tawa hiɗahiɗa ka.

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

Danyel 9:6

Kwalaghu kwala ŋni ta snatá gwaɗa kwalvaha gha la anabi si ta mna gwaɗa nda hga gha, ŋa mghamha ŋni, nda ya ŋa maliha ŋni, nda ya ŋa dzidzíha ŋni, nda ya ŋa hamata mnduha demdem.

Danyel 9:7

Ar Rvera ɗa, kagha ná, tɗukwa ka, ksu ksa hula ta aŋni ta kəma gha. Mantsa nzakwa ni. Ndanana ná, hbu hba hula ta inda gwal ta haɗika Yahuda, nda gwal ma Ursalima, nda inda la Israʼila, gwal ndusa ndusa, nda gwal diʼiŋ diʼiŋ tani, ma inda haɗikha ghazlam ka ta həŋ dida, dabga kwalaghuta taŋ ta ŋanatá gwaɗa gha manda ya ta raku.

Danyel 9:8

Ar Yawe! Ŋa ŋni na hula, nda mghamha ŋni tani, nda maliha ŋni tani, nda dzidzíha ŋni, kabga gaghata ŋni ta dmaku.

Yunusa 4:2

Ka mag tsi ta duʼa da Yawe, kaʼa mantsa: « Ar Yawe! Nana na a na mnə yu ma nzakwa ɗa tata haɗika ɗa ya kay rki? Tsaya si kəl yu ka kuma hwayaghuta da Tarsis, kabga nda sna yu kazlay kagha ná, Lazglafta ta maga zɗakatahuɗi ka, ta tawa hiɗahiɗa ka, haɗ ka ta ga sidi misimmisim wu kəʼa. Dagala zɗaku da kagha, ta zlaŋ zla ka ta zaɗaku si dzaʼa ka da magay.