Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Danyel 9:26 - Hdi

26 Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.

အခန်းကိုကြည့်ပါ။ ကော်ပီ




Danyel 9:26
39 ပူးပေါင်းရင်းမြစ်များ  

Ka həŋ nda mgham mantsa: « Tsəhala si kumaŋ kuma tsa mndu ya ta zaɗaŋnata ya, ka payaftá tsi ta kɗaŋnata ka zaɗaŋnata ta inda kwakwara Israʼila ya,


Dzaʼa gaf ga zwana mgham nda ga mazlay ta sidi, ka tsakanatá ghuɓa gwal vulu ta ndəghuta katakata. Dzaʼa sliʼaf sliʼa həŋ da vulu, dzaʼa tsughwaɗap tsughwaɗa həŋ ta makuma manda zala ta ndəghuta nda vulu ha da matsaka huzla mgham nda ga maghura.


Tahula tsa, dzaʼa lagha la maga skwi nda inda mbrakwa ga mghama ni. Dzaʼa dzraf dzra ta wi nda mgham nda ga maghura. Dzaʼa klaf kla ta makwa ni ka vlaŋta ka marakw, nda klafta ni ma ndana ni ta zaɗanata. Ama haɗ tsa skwi ta kum tsi ta magay ya dzaʼa magata wa.


Dzaʼa faɗiŋ faɗa ta kəma ni ta sludziha ta nzakway manda mghama zala, ka huʼanaptá həŋ demdem. Mantsa ya guli nda mala mnduha dzratá wi.


Dzaʼa magay mgham ta skwi manda ya kumaŋ tsi. Dzaʼa fərtu fərta ghərɓakwa ni. Mal iʼi ka inda lazglaftaha kəʼa ta gray. Dzaʼa mnay ni ta skwi ya kul raku ka mnay ta Lazglafta ta hemanata lazglaftaha. Dzaʼa zay ta ghwa ha ka sagha maravata fitika gufata ŋuɗufa Lazglafta. Mantsa tama, ŋa magay Lazglafta ta skwi manda ya kura tsi ta magay.


Ma tsa luma turtuk ya, dzaʼa hbaf hba ta dzratá wi nda mbra nda ndəghata mnduha. Ma takataka tsa luma ya, dzaʼa pyaf pya ta slna pla ghəŋ nda mbəhuha. Ma tsa vla taŋ ya, dzaʼa mamu ghwaɗaka manzakɗaway ta vla mbiɗa ha ka zaɗanata lu ta tsa mndu ta klaktá zaɗaku ya, manda ya kura lu, » kaʼa.


« Ka guram ga mghama Lazglafta nda sana mgham ta payaftá skwa zay ma klay zwaŋa ni ta makwa.


Ka kuzlanaftá tsi ta ŋuɗuf ta mgham, ka ghunadaptá tsi ta sludziha ni zaɗanatá ta tsa gwal ta pslatá tsa mnduha ya ka driŋtá luwa taŋ.


Ndana tama, zlaghunaŋ zla lu ta həga ghuni ka kufik.


Ka Yesu nda həŋ mantsa: « Nda ngha kuni ta inda ya nzakwa ni ya kiʼe? Kahwathwata ka yu ta mnaghunata, dzaʼa tasiŋ tasa lu ta inda ni demdem. Haɗ nzugwatá pala sani ta sani, dzaʼa pɗata wa, » kaʼa.


Ka Yesu nda həŋ mantsa: « Nda ngha ka ta glakwa batá na həga na kiʼe, haɗ nzugwatá pala dər turtuk dzaʼa pɗata wa, dzaʼa tasiŋ tasa lu tesneʼ » ka Yesu nda tsi.


Dzaʼa nda sna kuni ta mna gwaɗa ta lmu ndusa nda ya diʼiŋ, yaha ŋuɗufa ghuni tɗu, kabga dzaʼa magaku tsa skwiha ya, ama kɗavakta kɗakwa ghəŋa haɗik a tsa wa.


Ka Yesu nda həŋ mantsa: « Aŋi, dzaʼa tiŋlaghu tiŋla Iliya ta saha ŋa payanatá inda skwiha. Ama kabgawu vindafta lu ta ghəŋa Zwaŋa mndu kazlay: Dzaʼa ghuyay ta ɗaŋwa katakata, ɗvəta a lu wu kəʼa?


Dzaʼa psla psla lu ta həŋ nda kafay nda za, dzaʼa hlagha hla lu ta həŋ da ga vuʼa mataba mndəra sana mnduha. Dzaʼa tasiŋ tasa gwal kul snaŋtá Lazglafta ta luwa Ursalima, ha ka kɗaghuta fitika gay taŋ ta mgham. »


« Tsəna skwi ta nghə kuni na ná, dzaʼa sagha sa fitik ŋa kwal kul nghəglaŋtá nzugwatá pala ta sani, dzaʼa tasiŋ tasa lu, » kaʼa.


Nza a tkweʼ ka ghuyay *Kristi ta tsa ɗaŋwaha ya ma kɗaku tsi ka lami da glakwa ni ra? » kaʼa nda həŋ.


Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.


Haɗ gwaɗa ta dagala ta ŋa mnaghunata ɗa wu, kabga wya tsa ghwaɗaka mghama na ghəŋa haɗik na ya ta sagha. Tsaw laviŋ a ta ŋraptá iʼi wa.


Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.


*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.


Ka ŋa tsaya hgafta lu ta kaghuni, kabga ghuy ghuya *Yesu *Kristi ta ɗaŋwa guli ta ghəŋa kaghuni. Tvi ya taghunap tsi ŋa ksay ghuni guli ta səla ni.


Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.


Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ