Danyel 9:20 - Hdi

²⁰ Ka gɗavatá yu ta maga duʼa, ka mnigiŋtá dmakwa ɗa, nda dmakwa mnduha ɗa la Israʼila, ka vla tawa ɗa ŋa Yawe, Lazglafta ɗa ta ghəŋa ghwá ni nda ghuɓa.

Danyel 9:20 ပူးပေါင်းရင်းမြစ်များ

Izra 10:1

Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

Nəhemiya 1:6

Wya dzvu, fa fa ta sləməŋ, guna guna ta ira gha, ŋa sna duʼa kwalva gha ta mag yu ta kəma gha ndanana, nda fitik tani nda rviɗik tani, ŋa kwalvaha gha la Israʼila, nda mnigiŋtá dmaku la Israʼila, ya maga gha ŋni. Nda iʼi tani, nda gwal ga da ɗa tani, gaga ŋni ta dmaku.

Danyel 10:12

Kaʼa nda iʼi guli mantsa: « Danyel, ma zləŋ ka ta zləŋ, kabga daga ka yawu fata gha ta ŋuɗufa gha ŋa snaŋtá skwi ta magaku, ka hanaganatá ghəŋa gha ta kəma Lazglafta gha, ka snaŋtá tsi ta tawa gha, dabga tsaya kəl yu ka sagha.

Danyel 10:2

Ma tsa fitik ya, ka magatá iʼi Danyel ta luma hkən rəŋ rəŋ ta taw,

Danyel 11:45

Dzaʼa dzagwa dzagwa ta həga tumpulha mamgham mghama ni, ma takataka drəf nda ghwá nda ghuɓa ma haɗik ya ta ɗinuta. Ama hada dzaʼa kɗuta hafa ni kul haɗ mndu dzaʼa kataŋta. »

Danyel 9:16

Mghama ɗa, daga manda ghalya ka ta gɗata ta maraŋnatá nzakwa gha ka tɗukwa. Mantsa ya tama, kdəkkdək zlana zla ta tsa gufatá ŋuɗufa gha katakata ta ghəŋa Ursalima luwa gha, ghwá gha nda ghuɓa ya. Mantsa nzakwa ni, ta ghəŋa dmaku ga ŋni, nda krughuva dzidzíha ŋni, ta ghuɓasay inda gwal ta waŋnafta ta Ursalima nda mnduha gha.

Slna gwal ghunay 4:31

Manda kɗakwa taŋ ta ndəɓatá tsa dzvu ya, ka ghudzavaftá tsa vli tskava həŋ ya. Ka ndəghaftá həŋ demdem nda Sulkum nda ghuɓa, ka mnə həŋ ta gwaɗa Lazglafta nda tatá us ta iri.

La Ruma 3:23

Inda taŋ gaga həŋ ta dmaku trap tra həŋ ma snaŋtá sgita Lazglafta.

Yakubu 3:2

Inda amu ná, dagala krughuvi kavghakavgha ta gə mu. Ka haɗ mndu ta guvtá krughuvi ma gwaɗa wu ná, ŋərma mndu tsaya ta laviŋta nghaftá vgha ni demdem.

Suna Yuhwana 21:10

Ka klaghatá tsi ta iʼi kay guli ma Sulkum ta sana ghwá dagala nda slra. Ka marihatá tsi ta luwa dagala nda ya nda ghuɓa ta nzakway ka Ursalima ta saha ta luwa daga da Lazglafta.

Suna Yuhwana 21:2

Ka gi nghaŋtá yu ta saha luwa dagala nda ghuɓa, ta nzakway ka luwa Ursalima ta luwa daga da Lazglafta. Nda rka rka ni manda makwa ta dzaʼa da zəʼal.