Danyel 9:11 - Hdi

¹¹ Ka ɓlanaptá inda la Israʼila ta zlaha gha, ka mbəɗatá hul, ka kwalaghutá sna skwi ta tagha skwa gha. Ka hlutá tsa ksiʼi waɗa lu daga ghalya, vindaf lu ma zlaha kwalva gha Musa ya ta aŋni kabga gagha ga ŋni ta dmaku.

Danyel 9:11 ပူးပေါင်းရင်းမြစ်များ

2Mgh 18:12

Magu maga manda tsaya kabga kwalaghuta taŋ ta snatá skwi mnaf Yawe, Lazglafta taŋ, ka ɓlanapta dzratá wa ni nda həŋ, nda ya kabga vəl kwalaghuta taŋ ta snata, dər ka magaŋtá slna nda inda skwiha mnaf Musa, kwalva Yawe.

2Mgh 22:16

Wya ka Yawe mnata: Dzaʼa kladagha kla yu ta zləmnda da tsa vli ya, nda ya ta ghəŋa mnduha ni taɓta inda gwaɗaha nda vinda ma tsa defteri dzaŋaf mghama la Yuda ya.

Danyel 9:13

Manda ya nda vinda ma zlaha Musa ná, sagha sa inda tsa zləmnda ya ta ghəŋa aŋni, kulam nda tsa, ka kwalaghutá ŋni ta taw da Yawe, Lazglafta ŋni. Kwalaghu kwala ŋni ta mbəɗanatá hul ta dmakuha ŋni, kwalaghu kwala ŋni ta fanatá sləməŋ ta kahwathwata gha.

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

Vrafta ta zlahu 8:20

Ka sna a kuni ta ŋa Yawe, Lazglafta ghuni wu katsi, dzaʼa zaɗaghuna zaɗa manda ya zaɗana tsi ta mndəra sanlaha ma mnduha ta kəma ghuni ya, » kaʼa.