Danyel 8:8 - Hdi

⁸ Ka sgavaghatá mbrakwa tsa dugzum ya katakata. Ama manda sgavaghata mbrakwa ni, ka ɓlutá tsa dula ni ka mali ya, gi ka ɗayagaftá duliha fwaɗ ka skwa ndraʼuway ma vla ni griŋ griŋ, mbaɗata həŋ təv slrəŋa luwa fwaɗ.

Danyel 8:8 ပူးပေါင်းရင်းမြစ်များ

2Rus 26:16

Ama manda mutsafta Ghuziya ta mbraku, ka zlraftá tsi ta gla ghəŋ, ka zlrugwaftá tsi ta skwi ŋa zaɗiŋtá htsiŋa ni. Ka maganatá tsi ta ghwaɗaka skwi ta Yawe, Lazglafta ni, nda ma lami da həga Yawe da dra urdi ŋa dray nda dra ta gwira dra urdi.

Asta 9:4

Tsaw, ka mndu dagala nzakwa Murduhay ma həga ga mgham, tutá hga ni ma inda haɗikha, kabga ta ŋəlaku nda ŋəla Murduhay.

Danyel 11:4

Tahula dihata ni, dzaʼa pslu psla tsa ga mghama ni ya, ka dagavapta ni fwaɗ ta slərpa luwa fwaɗ ta ghəŋa haɗik. Zivira ni a dzaʼa da zay wu, dzaʼa tɗiŋ tɗa lu ta tsa ga mghama ni ya ka daganaftá sanlaha ma mnduha, ama haɗ tsaha ya dzaʼa ɓhiŋtá tsa si ŋa ni ma mbraku ya guli wa.

Danyel 4:31

Tahula luta tsa vaku ndəfáŋ ya tama, ka Nevuhadnetsar mantsa: « Ka kapaŋtá yu ta ghəŋ ka nghadafta nda ta luwa, ka vrəglaktá mahizl da ghəŋa ɗa. Ka rfu yu ta Lazglafta Dagala. Ka fə yu ta laha, ka va zləzləvay. Ka ghubu yu ta Lazglafta ŋa kɗekedzeŋ: Dzaʼa gay ta mghama ni ta inda zamanaha, mbrakwa ni guli ná, dzaʼa nza nza ŋa inda zamanaha.

Danyel 5:20

Ama ka nutá tsi ka mndu ta gla ghəŋ. Ka təŋanaftá tsa gla ghəŋa ni ya ta ŋuɗufa ni, ka sliŋwigiŋtá lu ta dughurukwa ga mghama ni, ka kliŋtá sgita ni.

Danyel 7:2

« Iʼi Danyel, skwi ya nghaŋ yu manda skwi ma suni girviɗik ná, ka nghaŋtá yu ta falak ta slərpəha luwa fwaɗ ta gigiɗanaftá drəf dagala.

Danyel 7:6

Tahula tsa, kəʼa ka yu ná, gi ka nghaŋtá yu ta sana nimtak manda maspata, fwaɗ zlambakha ta hula ni manda ŋa zarak. Fwaɗ ghəŋa tsa nimtak ya, ka vlaŋtá lu ta mbrakwa mbranaghatá ghəŋa haɗik.

Danyel 8:22

Ma ɓluta tsa duli ya, ka ɗayagaptá sanlaha fwaɗ ma vla ni. Tsaha ya ga mghamha fwaɗ dzaʼa sabi mataba mndəra mndu da manaka tsa taŋtaŋ ya, ama mutsafta a həŋ ta mbraku ta lafi ta ŋa ni wa.

Danyel 8:5

Tata ndanay ndanay yu ta tsa skwi ta nghə yu ya, gi ka sagha sana dugzum nda ta tva dɗakwa fitik, ta ra inda vli ta ghəŋa haɗik kul ksaŋtá səla ni ta haɗik. Tsa dugzum ya ná, mamu sana duli ta ndraʼuwa mndu ta ɗyagapta ma takataka iriha ni.

Danyel 8:7

Ka nghə yu ta ɓhadaghata ni ta vata tsa maŋazak ya. Ka gaftá tsi ta sidi, ka dza tsa maŋazak ya nda mbraku, ka ɓalinistá duliha ni his his. Ŋaŋ a tsa maŋazak ya da tsi wa. Mantsa tama, ka klaftá tsa dugzum ya ka slanata ta haɗik, ka diŋlay nda səla. Haɗ mndu ta laviŋta zluʼaptá tsa maŋazak ya da tsi wa.

Mata 24:31

Ŋa ghunafta ni ta duhwalha Lazglafta ŋa vyata taŋ ta duli ta taw katakata, ŋa tsakakta taŋ ta gwal ya ɗagap tsi ta slərpa luwa fwaɗ, sliʼafta ni ta mndəra luwa dikw dista luwa. »

Markus 13:27

Ghwanafha ta duhwalha Lazglafta, ŋa sliʼa taŋ ta kɗavakta ghəŋa haɗik tender, kulam ta slrəŋa luwa, ŋa tsakaktá mnduha ni ɗagab tsi.

Vrafta ta zlahu 31:20

Hladamta ɗa ta na mnduha na da tsa haɗik ta mbəzaku uʼa nda zuɗum mida, ya waɗana yu ta dzidzíha taŋ ya, dzaʼa zay həŋ ta skwa zay ka baghaku, ka uwaslafta. Tahula tsa, ŋa mbəɗaghuta taŋ ta vgha təv sanlaha ma lazglaftaha ka maganatá slna ta həŋ, ka hərtətihata, ka ɓliŋta dzratá wa ɗa.

Suna Yuhwana 7:1

Tahula tsa, ka nghaŋtá yu ta duhwalha Lazglafta fwaɗ ta sladu ta slərpuha haɗik fwaɗ. Ka ŋaghuta həŋ ta falakha fwaɗ, kada kwala həŋ ta vyaku ta haɗik dər ta drəf, dər ta fuha.