Danyel 8:23 - Hdi

²³ Lagha tsa ga mghamha taŋ ya ta kɗavakta fitika taŋ, kɗanakha tsa gwal ta maga bisibisi ya ta inda dmakwa taŋ ya, dzaʼa səglapa sa sana mgham kul haɗ ta tawa hiɗahiɗa ɗekɗek, viɗviɗ ka nanaghatá mnduha nda slna ni.

Danyel 8:23 ပူးပေါင်းရင်းမြစ်များ

Zlrafta 15:16

Ta mafwaɗa zivir dzaʼa vrakta zivirha gha da hadna, kabga ta ndəghaf a dmakwa la Amuru karaku wu, » kaʼa.

Danyel 10:14

Sagha sa yu da snaghamta klatá ghəŋa skwi dzaʼa magaku nda mnduha gha ma kɗavakta fitik, kabga ta takeʼa sana skwi manda skwi ma suni ta nghanatá tsa fitik ya. »

Danyel 11:21

Dzaʼa lam la sana falaya mndu da vla ni, sana mndu ya dzaʼa kwal lu walaŋtá vlaŋta sgita mamgham mgham. Manda gatsuwa dzaʼa lama tsi ka klaghutá ga mgham ma fitika nzakwa haɗik ta ɗughwana ɗughwana.

Danyel 11:24

Ma fitik mamu zɗaku, dzaʼa lama tsi da vliha ya fərtu gadghəla ma kwakwar. Dzaʼa magay ta skwiha ya si kul walaŋta dadaha ni nda dzidzíha ni ta magata. Dzaʼa dgay ta skwi gadghəl ya ŋatsaf tsi ma zləɗu ŋa gwal ta kataŋta. Dzaʼa ndanay ta liŋtá ghumaha ni ma luwaha ma matsaka huzlu, ama ŋa fitik kiʼa.

Danyel 7:11

Ka va gɗavatá yu tama ka nzata ka nghay, kabga dagala ya wa tsa zwaŋa duli ya, ta mna gwaɗa tsuʼaslaŋslaŋa. Tata nghay nghay yu, ka dzatá lu ta tsa mafwaɗa nimtak ya, ka vzaghatá mbla ni da vu ghandand ŋa zaɗanata.

Danyel 7:20

Nahgani klatá ghəŋa na duliha ghwaŋ ta ghəŋa ni na na? Nahgani klatá ghəŋa na duli ta ɗyaku nda ɗya, ta zlambiŋtá tsaha hkən ya guli? Wana mamu iriha ni, mamu wubisima ni ta mna gwaɗaha tsuʼaslaŋslaŋa dzeʼdzeʼ, mal tsatsi ka sanlaha ka yu ta nghay.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

Danyel 7:8

Ka nzatá yu ka ngha tsa duliha ya, gi ka zlagaptá sana duli ka lfiɗ, kiʼa nzakwa ni ta ɗyagapta ma takataka tsa sanlaha ya. Ka zlaɗiŋtá lu ta tsa duliha hkən taŋtaŋ ya ŋa ɗyagafta tsa kiʼa ya. Mamu iriha tsa duli ya manda ŋa mnda səla. Mamu wubisima ni ta mna gwaɗa gla ghəŋ dzeʼdzeʼ. »

Danyel 8:22

Ma ɓluta tsa duli ya, ka ɗayagaptá sanlaha fwaɗ ma vla ni. Tsaha ya ga mghamha fwaɗ dzaʼa sabi mataba mndəra mndu da manaka tsa taŋtaŋ ya, ama mutsafta a həŋ ta mbraku ta lafi ta ŋa ni wa.

Danyel 8:24

Dzaʼa sgaku mbrakwa ni, ama ŋa vərɗa tsatsi a tsa mbraku ya wa. Dzaʼa hwanzaɓiŋ hwanzaɓa ta inda skwi nda mbraku ya ŋa ndraʼuwa nda ndraʼuwa. Dzaʼa zay ta ghwa ma inda skwi dzaʼa tsi magay. Dzaʼa psla psla ta gwal nda mbra nda mbra, nda mnduha nda ghuɓa ka ŋa Lazglafta.

Danyel 8:25

Ma tsa viɗakwa ni ya dzaʼa katsafta tsi nanaghatá sanlaha. Ma ndana ni ná, dzaʼa glanaf gla ta ghəŋa ni, ŋa zaɗanata ni ta ndəghata mnduha gwal ta ndanay kazlay na nda katá aŋni kəʼa. Dzaʼa liŋ la ta mgham ta ghəŋa mghamha. Ama dzaʼa zaɗana zaɗa lu ta tsatsi, haɗ dzva mndu dzaʼa ksaŋta wa.

Mbsak 24:24

Dzaʼa sliʼap sliʼa kwambaluha ma Kitim, dzaʼa ghuyanap ghuya ta ɗaŋwa ta la Asur, nda la Ghever, dzaʼa zaɗana zaɗa lu guli ta tsatsi ŋa ɗekɗek, » kaʼa.

Mata 23:32

Ɗina tsa, lawa ta kəma ta kəma nda maga tsa ghwaɗaka slna zlraf dzidzíha ghuni ya!

Vrafta ta zlahu 28:50

mndəra mndu nda ŋrus ma kəma taŋ kul vla glaku ŋa halata mndu, kul haɗ ta tawa hiɗahiɗa ta zwani.

1Tes 2:16

Ta kumay həŋ ta pyaftá aŋni ta mna gwaɗa Lazglafta ŋa gwal kul nzakway ka la Yahuda, yaha həŋ da mbafta. Ndanana, hɗanam hɗa həŋ ta dmakwa taŋ, ka kɗavakta tsi nda ɓasafta Lazglafta ta ŋuɗuf ta ghəŋa taŋ.

1Tim 4:1

Tsaliŋ tsala Sulkum nda ghuɓa kazlay: Ma kɗavakta fitik ná, dzaʼa zlanava zla sanlaha ta zlghay nda ŋuɗufa taŋ, ka laghu da sna ŋa sulkumha ta nana mndu, nda tagha skwi ya ta klagapta ghwaɗaka sulkumha kəʼa.

Suna Yuhwana 19:20

Ka gi ksuta lu ta tsa nimtak ya kawadaga nda tsa ghwaɗaka anabi si ta magatá mazəmzəmha ta kəma tsa nimtak ya. Nda tsa mazəmzəmha maga tsi ya nanaghata tsi ta gwal ta tsuʼaftá ŋizla tsa nimtak ya ka tsəlɓu ŋa skwa wuyay ni ya. Ka pghaghatá lu ta həŋ his his ta ndiri ta ndiri da duda vu ghandand.