Danyel 8:22 - Hdi

²² Ma ɓluta tsa duli ya, ka ɗayagaptá sanlaha fwaɗ ma vla ni. Tsaha ya ga mghamha fwaɗ dzaʼa sabi mataba mndəra mndu da manaka tsa taŋtaŋ ya, ama mutsafta a həŋ ta mbraku ta lafi ta ŋa ni wa.

Danyel 8:22 ပူးပေါင်းရင်းမြစ်များ

Danyel 11:4

Tahula dihata ni, dzaʼa pslu psla tsa ga mghama ni ya, ka dagavapta ni fwaɗ ta slərpa luwa fwaɗ ta ghəŋa haɗik. Zivira ni a dzaʼa da zay wu, dzaʼa tɗiŋ tɗa lu ta tsa ga mghama ni ya ka daganaftá sanlaha ma mnduha, ama haɗ tsaha ya dzaʼa ɓhiŋtá tsa si ŋa ni ma mbraku ya guli wa.

Danyel 7:6

Tahula tsa, kəʼa ka yu ná, gi ka nghaŋtá yu ta sana nimtak manda maspata, fwaɗ zlambakha ta hula ni manda ŋa zarak. Fwaɗ ghəŋa tsa nimtak ya, ka vlaŋtá lu ta mbrakwa mbranaghatá ghəŋa haɗik.

Danyel 7:7

Tahula tsa, tata nghay nghay yu manda skwi ma suni girviɗik, gi ka nghaŋtá yu ta sana mafwaɗa nimtak. Ta ga zləŋ katakata, ghwaɗak ya, mbru mbra katakata. Dagulaʼ dagulaʼ sliʼiŋha ni ka kfur. Ta zuza ka ɓalanaptá inda skwi ta slanaghata tsi. Ya kul zə tsi ya guli, diŋlanapta ni nda səlaha ni. Nda dga tsatsi nda tsa sanlaha ma nimtakha taŋtaŋ ya. Ghwaŋ duli ta ghəŋa ni.

Danyel 8:21

Tsa dugzum ka swidi zbək ya ná, tsaya mghama la Gres. Tsa duli dagala ta ɗyagapta ma takataka iriha ni ya guli ná, tsaya taŋtaŋa mgham.

Danyel 8:23

Lagha tsa ga mghamha taŋ ya ta kɗavakta fitika taŋ, kɗanakha tsa gwal ta maga bisibisi ya ta inda dmakwa taŋ ya, dzaʼa səglapa sa sana mgham kul haɗ ta tawa hiɗahiɗa ɗekɗek, viɗviɗ ka nanaghatá mnduha nda slna ni.

Danyel 8:3

Kəʼa ka yu klaŋtá ghəŋ ná, ka nghaŋtá yu ta maŋazak ta wa tsa zala ya. Ghəzləŋəɗ ghəzləŋəɗ his duliha ni, ka malaghutá slrakwa tsa sani ta ɗyafta nda hul nda hul ya ta tsa ta ɗyafta taŋtaŋ ya.

Danyel 8:8

Ka sgavaghatá mbrakwa tsa dugzum ya katakata. Ama manda sgavaghata mbrakwa ni, ka ɓlutá tsa dula ni ka mali ya, gi ka ɗayagaftá duliha fwaɗ ka skwa ndraʼuway ma vla ni griŋ griŋ, mbaɗata həŋ təv slrəŋa luwa fwaɗ.