Danyel 8:17 - Hdi

¹⁷ Ka gavadaghatá Gabriyel da tsa vli hada yu ya, ka ksaftá zləŋ ta iʼi, ka zləmbatá yu zlumbruh ta haɗik. Ama kaʼa nda iʼi mantsa: « Sna ɓa zwaŋa mndu, nda ra ka snaŋta gha kazlay na kɗavakta fitik ta mar na skwi nghaŋ ka na kəʼa, » kaʼa.

Danyel 8:17 ပူးပေါင်းရင်းမြစ်များ

Zlrafta 17:3

Ka zləmbatá Abram zlumbruh ta haɗik. Ka Lazglafta nda tsi guli mantsa:

Danyel 10:11

Ka tsa mndu ya nda iʼi mantsa: « Danyel, mamu sgita gha ta wa ira Lazglafta, fa fa ta sləməŋ ŋa snaŋtá klatá ghəŋa na gwaɗa ya ta mnə yu na. Slada slada nda slada, kabga ghunaga da kagha lu ta iʼi, » kaʼa. Tata tsa gwaɗa ya nda iʼi, ka sladatá yu. Ta ghudzaku yu gar gar gar.

Danyel 10:16

Ama ka ksaŋtá sana mndu ta gara vgha nda mnda səla ta wubisima ɗa. Ka gunglatá yu ta wi, ka gwaɗ yu ta gwaɗa. Ka yu nda tsa mndu ta sladu ta vata iʼi ya mantsa: « Rvera ɗa, ta ghudzaku yu katakata, dabga na suni na ná, ta haɗ mbraku ma iʼi wa.

Danyel 11:27

Tsa mghamha his ya ná, ta kuwa turtuk dzaʼa za həŋ ta skwa zay, ama ma ŋuɗufa taŋ ná, zba maganatá ghwaɗaka skwi ta sani skwi ta kum həŋ. Tsakalawi yeya skwi ma wa taŋ. Ka bətbət skwi ta gwaɗ həŋ guli, kabga kɗavakta ni ná, dzaʼa sagha sa ma fitik ya tsaf lu.

Danyel 11:40

Ka sagha sa tsa kɗavakta fitik ya, dzaʼa liŋ la mgham nda ga maghura guk nda vulu ta mgham nda ga mazlay. Ama ŋa valafta mgham nda ga mazlay tida nda mwataha plisa ni, nda sludziha ni ta plisha, nda ndəghata kwambaluha tani. Dzaʼa lam la nda sludziha ni da ndəghata haɗikha. Dzaʼa tsughwaɗap tsughwaɗa həŋ ta makuma manda zala ta ndəghuta.

Danyel 12:13

Kagha Danyel, ŋava ŋa ha ka sagha kɗavakta ŋa gha. Dzaʼa mutsay ka ta mbiʼa vgha. Dzaʼa sliʼagap sliʼa ka da tsuʼa nisəla gha ma kɗavakta fitik, » kaʼa.

Danyel 12:4

Kagha Danyel, ka ŋamta ka ta na gwaɗa na ma ghəŋa gha, ka ŋərzlanata ka ta na ɗelewer na ha ka sagha tsa kɗavakta fitik ya. Dzaʼa nda ndəgha gwal dzaʼa hwahwayaku lab nda ya, lab nda ya, ka zba sgavaghata ma snaŋtá skwi, » kaʼa.

Danyel 2:46

Mantsa tama, ka zləmbatá Nevuhadnetsar zlumbruh ta haɗik ta kəma Danyel ŋa vlaŋtá sgit. « Hləganaghawa hla ta mbəhuha nimaya, nda ya ka urdi, » kaʼa.

Danyel 7:16

Ka gavadaghatá yu ta vata sana mndu mataba tsa mnduha ta sladu ya, ka yu nda tsi mantsa: “Nahgani vərɗa klatá ghəŋa inda tsa skwiha ya na?” ka yu. Wya kəʼa mnihata klatá ghəŋa ni:

Danyel 8:15

Ma tsa fitika vitsay iʼi Danyel ta tsa skwi ta magaku, ka psə yu ta snaŋta klatá ghəŋa ni ya, ka sagha sana skwi manda tsatá mndu da sladata ta kəma ɗa.

Danyel 8:19

Tahula tsa, kaʼa nda iʼi mantsa: « Dzaʼa mna gha mna yu ta skwi dzaʼa magaku ma kɗavakta fitik gufatá ŋuɗufa Lazglafta, kabga mamu fitik tsaf lu ŋa kɗavakta ni.

Danyel 8:27

Ma tsa fitik ya, iʼi Danyel, rabadakw yu. Ka ksutá tsi ta iʼi ka ɗaŋwa kidaghi fitika ɗa. Manda vrakta mbrakwa ɗa, ka laghu yu maga slna ɗa ga mgham, ama ta nda kɓa yu da tsa skwi nghaŋ yu ya, kabga sna a yu ɗekɗek ta klatá ghəŋa ni wa.

Danyel 9:23

Na tsa fitika zlrafta gha ta taw da Lazglafta ya ná, ka sab gwaɗa da tsi, tsaya kəl yu ka sagha da snaghamta, kabga mamu sgita gha ta wa ira Lazglafta. Guna guna ta sləməŋ wuzlaŋ, ka sna ka ta tsa gwaɗa ta ghəŋa tsa skwi nghaŋ ka manda skwi ma suni ya.

Danyel 9:27

Ma tsa luma turtuk ya, dzaʼa hbaf hba ta dzratá wi nda mbra nda ndəghata mnduha. Ma takataka tsa luma ya, dzaʼa pyaf pya ta slna pla ghəŋ nda mbəhuha. Ma tsa vla taŋ ya, dzaʼa mamu ghwaɗaka manzakɗaway ta vla mbiɗa ha ka zaɗanata lu ta tsa mndu ta klaktá zaɗaku ya, manda ya kura lu, » kaʼa.

Mata 17:8

Kəʼa ka həŋ nghagafta ná, Yesu turtukwa ni yeya nghaŋ həŋ hada.

Suna Yuhwana 1:17

Manda nghaŋta ɗa, ka zləmbatá yu ta kəma ni manda mndu nda mta. Ka faftá tsi ta dzva zeghwa ni ta iʼi, kaʼa mantsa: « Ma zləŋ ka ta zləŋ! Iʼi taŋtaŋa ni, iʼi kɗavakta ni,

Suna Yuhwana 22:8

Iʼi Yuhwana ta snaŋta nda sləməŋa ɗa, ka nghaŋtá yu nda ira ɗa ta tsa skwiha ya. Manda snaŋta ɗa ka nghaŋtá yu, ka zləmbatá yu ta kəma tsa duhwala Lazglafta ta maray ŋa ɗa ya, ka tsəlɓu ŋa ni.