Danyel 8:13 - Hdi

¹³ Ka snaŋtá yu ta sana mndu nda ghuɓa ta gwaɗa. Ka sana mndu nda ghuɓa guli nda tsa ta gwaɗata ya mantsa: « Tsa skwiha ta maravata manda skwi ma suni ya ní, kidaghi fitik dzaʼa magata tsi na? Ŋa kulam yawu dzaʼa hərɗiŋta lu ta tsa skwa pla ghəŋ ta plə lu inda fitik ya na? Tsa ghwaɗaka slna ta zaɗanatá inda skwi ya ní, ŋa kulam yawu dzaʼa nzəɗavatá tsi na? Ŋa kulam yawu dzaʼa diŋlanapta lu ta vli ya nda ghuɓa, nda gwal vulu ta luwa tani na? » kaʼa.

Danyel 8:13 ပူးပေါင်းရင်းမြစ်များ

Danyel 11:31

Dzaʼa sliʼadagha sliʼa sludziha ni da niŋta ka dzibata vli ta vli nda ghuɓa nda matsaka huzla ni. Dzaʼa pyafta həŋ ta pla ghəŋ ta mag lu inda fitik, ka fatá ghwaɗaka manzakɗaway ta vla mbiɗa.

Danyel 12:11

Daga ta tsa fitik dzaʼa kwal mnduha pləgəltá ghəŋ inda fitik ŋa Lazglafta, ka fatá ghwaɗaka manzakɗaway ta ga mbiɗa ya ná, dzaʼa lula fitik dəmbuʼ nda his dərmək nda təmbay mbsak (1.290).

Danyel 12:8

Iʼi Danyel, nda sna yu ta tsa gwaɗa ya mndani, ama sna a yu ta klatá ghəŋa ni wa. Ka yu mantsa: « Rvera ɗa, kinawu kɗavakta nana skwiha na? » ka yu.

Danyel 4:10

Ta va tsa hana ɗa ya yu ta ghəzləŋa ɗa, ka nghəglaŋtá yu manda skwi ma suni ta zlagapta sana mndu ta saha ta luwa ta nghapta ta wa lilwa, mndu nda ghuɓa ya.

Danyel 4:13

Ka mbəɗavafta tsa ndana ni ka ŋa mndu ya, ka vlaŋta lu ta ndanu manda ŋa nimtak, ŋa nzata tsi mantsa ya ka vaku ndəfáŋ.

Danyel 4:23

Ŋa kɗiŋta tama, wya klatá ghəŋa tsa skwi mnə lu kazlay ka zlanata kuni ta dughwaŋa tsa fu ya nda slrəŋha ni tani kəʼa ya: Ta dzaʼa vraf vra ka ta ga mghama gha, baɗ da gi snaŋta gha kazlay Mnda Luwa ta nzanaghatá inda skwi kəʼa.

Danyel 7:16

Ka gavadaghatá yu ta vata sana mndu mataba tsa mnduha ta sladu ya, ka yu nda tsi mantsa: “Nahgani vərɗa klatá ghəŋa inda tsa skwiha ya na?” ka yu. Wya kəʼa mnihata klatá ghəŋa ni:

Danyel 7:23

Ka tsa mndu ta manihata klatá ghəŋa ni ya mantsa: “Tsa mafwaɗa nimtak ya ná, mafwaɗa ga mgham ta ghəŋa haɗik, klatá ghəŋa tsaya. Nda dga tsatsi nda inda sanlaha ma ga mgham. Dzaʼa zuza tsa ga mgham ya ta inda skwiha ta ghəŋa haɗik, ka diŋlanapta, ka ɓalanaptá inda skwi nda səlaha ni.

Danyel 9:27

Ma tsa luma turtuk ya, dzaʼa hbaf hba ta dzratá wi nda mbra nda ndəghata mnduha. Ma takataka tsa luma ya, dzaʼa pyaf pya ta slna pla ghəŋ nda mbəhuha. Ma tsa vla taŋ ya, dzaʼa mamu ghwaɗaka manzakɗaway ta vla mbiɗa ha ka zaɗanata lu ta tsa mndu ta klaktá zaɗaku ya, manda ya kura lu, » kaʼa.

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Mata 24:15

« Tsaya tama, ka nda ngha kuni ta sana “ghwaɗaka manzakɗaway ta vla mbiɗa” manda ya mnə anabi Danyel, fa lu ma vli nda ghuɓa ya, ɗina ka snaŋta mndu ta dzaŋay.

Markus 13:14

« Ma sana fitik dzaʼazlay, dzaʼa nda ngha kuni ta manzakɗaway ta ŋəriŋta skwa Lazglafta dzaʼa nzata ma vli má si kul raku. Ka havapta mndu nda sna ta dzaŋa. Mantsa guli, ka nda ngha gwal hadna ma Zudiya ta tsa skwi ya katsi, ka hwaya həŋ ta ghwá.

Lukwa 10:22

« Inda skwiha vliha vla Da ɗa, haɗ mndu nda sna ta tsa Zwaŋ ya wa, Da yeya nda sna. Haɗ mndu nda sna ta tsa Da ya guli wa, Zwaŋ yeya nda sna nda mndu ya ta kum zwaŋ ta maranaŋta, » kaʼa.

Lukwa 21:20

« Baɗu da nghaŋta kuni ta wanafta sludziha ta luwa Ursalima ya, ya ndusa kɗakwa gwaɗa tida nda tsa.

Lukwa 21:24

Dzaʼa psla psla lu ta həŋ nda kafay nda za, dzaʼa hlagha hla lu ta həŋ da ga vuʼa mataba mndəra sana mnduha. Dzaʼa tasiŋ tasa gwal kul snaŋtá Lazglafta ta luwa Ursalima, ha ka kɗaghuta fitika gay taŋ ta mgham. »

Yuhwana 1:18

Haɗ mndu ta kəɗ walaŋtá nghaŋtá Lazglafta wa. Tsa zwaŋ turtuktuk ya ta nzakway ka Lazglafta, ta nzaku ma ghuva Da ya, tsatsi ta mnaŋtá nzakwa Lazglafta.

Vrafta ta zlahu 33:2

Kaʼa mantsa: « Sagha sa Yawe daga ta ghwá Sinay, manda fitik sliʼafta tsi daga ta haɗika Seghir, daga ta ghwá Paraŋ, ka tsuwaɗak tsi ta vli da mnduha ni. Ka sagha tsi kawadaga nda dəmbuʼata gwal nda ghuɓa, nda ŋatá zləghakwa vu ma dzva zeghwa ni.

1Tes 3:13

Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

1 Piyer 1:12

Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

Yuda 1:14

Ka Inuk ta nzakway ka mandəfáŋa dzidzí daga ta *Adamu mnata ta ghəŋa mndərga tsa mnduha ya daga ghalya na: « Wya Mgham ta saha kawadaga nda duhwalha ni nda ndəgha ŋəɗdəm,

Suna Yuhwana 11:2

Ka zlanata ka ta gra rmakani. Yaha ka da grafta, kabga zlanaŋtá gwal kul nzakway ka la *Yahuda lu ta tsaya. Hahəŋ gwal dzaʼa diŋla luwa nda ghuɓa ka tili fwaɗ mbsak his mida.

Suna Yuhwana 6:10

Ka həŋ nda lwi dagala dagala mantsa: « Mgham Lazglafta ta mbruta, ya nda ghuɓa, ya kahwathwata. Baɗu yawu dzaʼa tsa ka ta guma ta ghəŋa na ghəŋa haɗik na, ŋa planamta gha ta həŋ ta vəl pslata taŋ ta aŋni na? » ka həŋ.

Gwal tsa guma 13:18

Ka tsa duhwala Yawe ya nda tsi mantsa: « Kabgawu ta ɗawa ka ta hga ɗa na? Mandərmimi ya, » kaʼa.