Danyel 8:11 - Hdi

¹¹ Ka lagha tsa duli ya da liŋtá mali mataba gwal vulu ta luwa. Ka hlanatá tsi ta tsa pla ghəŋ ta plə lu inda fitik ŋa Lazglafta ya, ka dmanaftá tsi ta vli ni nda ghuɓa.

Danyel 8:11 ပူးပေါင်းရင်းမြစ်များ

Danyel 11:22

Dzaʼa faɗiŋ faɗa ta kəma ni ta sludziha ta nzakway manda mghama zala, ka huʼanaptá həŋ demdem. Mantsa ya guli nda mala mnduha dzratá wi.

Danyel 11:31

Dzaʼa sliʼadagha sliʼa sludziha ni da niŋta ka dzibata vli ta vli nda ghuɓa nda matsaka huzla ni. Dzaʼa pyafta həŋ ta pla ghəŋ ta mag lu inda fitik, ka fatá ghwaɗaka manzakɗaway ta vla mbiɗa.

Danyel 12:11

Daga ta tsa fitik dzaʼa kwal mnduha pləgəltá ghəŋ inda fitik ŋa Lazglafta, ka fatá ghwaɗaka manzakɗaway ta ga mbiɗa ya ná, dzaʼa lula fitik dəmbuʼ nda his dərmək nda təmbay mbsak (1.290).

Danyel 5:23

Mbaɗa ka ka pgha ghəŋ nda Mgham ta luwa. “Hlagiɗighawa hla ta leghwaha ni si ma həga ni ya,” ka ka nda kwalvaha. Ka sə kuni ta ghuzu tida, nda kagha tani, nda mnduha gha dagala dagala tani, nda miʼa gha tani, nda miʼa sanaghaha gha tani. Ta ghəŋa tsa guli ná, ka fə kuni ta laha ka zləzləva lazglaftaha ya tsaf lu nda kfura tseda, nda ya nda dasu, nda ya nda ghuva tili, nda ya nda kfur, nda ya nda udzu, nda ya nda pala tani. Tsa lazglaftaha ya ná, ngha a həŋ ta vli wu, sna a həŋ ta sləməŋ wu, sna a həŋ ta skwi ɗekɗek guli wa. Lazglafta ta ŋanatá hafa gha ma dzva ni, nda inda tva nzakwa gha tani ya ná, vlaŋ a ka ta glaku wa.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

Danyel 8:12

Ma tsa magay ni ta tsa ghwaɗaka skwa ni ya, ka vlaŋtá lu ta gwal vulu, nda pla ghəŋ ta gɗata lu ta magay mista mbrakwa tsa duli ya. Ka wuɗigiŋtá tsa duli ya ta kahwathwata ta haɗik. Ta zay tsa duli ya ta ghwa ma inda skwi ta mag tsi.

Danyel 8:24

Dzaʼa sgaku mbrakwa ni, ama ŋa vərɗa tsatsi a tsa mbraku ya wa. Dzaʼa hwanzaɓiŋ hwanzaɓa ta inda skwi nda mbraku ya ŋa ndraʼuwa nda ndraʼuwa. Dzaʼa zay ta ghwa ma inda skwi dzaʼa tsi magay. Dzaʼa psla psla ta gwal nda mbra nda mbra, nda mnduha nda ghuɓa ka ŋa Lazglafta.

Danyel 8:25

Ma tsa viɗakwa ni ya dzaʼa katsafta tsi nanaghatá sanlaha. Ma ndana ni ná, dzaʼa glanaf gla ta ghəŋa ni, ŋa zaɗanata ni ta ndəghata mnduha gwal ta ndanay kazlay na nda katá aŋni kəʼa. Dzaʼa liŋ la ta mgham ta ghəŋa mghamha. Ama dzaʼa zaɗana zaɗa lu ta tsatsi, haɗ dzva mndu dzaʼa ksaŋta wa.

Danyel 9:25

Wya skwi ŋa snaŋta gha, ŋa famta gha ma sləməŋ tama: Daga ma saba tsa gwaɗa ta ghəŋa hlagaptá gwal si hlagha lu ya, nda gwaɗa ta bəglaftá luwa Ursalima ya, ha ka sagha fitika zlagapta sana mgham pghanagha lu ta rɗi, dzaʼa nzəɗava nzəɗa lu ka luma ndəfáŋ, nda luma mkuʼ mbsak his mida. Dzaʼa bəglaf ba lu ta tsa luwa ya nda matsaka huzlu ŋa katay, ama dzaʼa mamu ghuya ɗaŋwa ma tsa fitik ya.

Mbsak 28:3

Ka mnanata ka ta həŋ: Wya skwa pla ghəŋ ŋa dray ta vu dzaʼa kladaghata kuni ŋa Yawe: Slaɓalakwha maŋazak his turtuk turtuk vakwa taŋ, kul haɗ maslivinza ta həŋ, ka skwa pla ghəŋ ŋa dray tsuh tsuh inda fitik.

Lukwa 21:24

Dzaʼa psla psla lu ta həŋ nda kafay nda za, dzaʼa hlagha hla lu ta həŋ da ga vuʼa mataba mndəra sana mnduha. Dzaʼa tasiŋ tasa gwal kul snaŋtá Lazglafta ta luwa Ursalima, ha ka kɗaghuta fitika gay taŋ ta mgham. »

2Tes 2:4

Dzaʼa sliʼavaf sliʼa ta ghəŋa inda skwi nda ghuɓa, nda ya ta ghəŋa inda skwi ta tsəlɓu lu ta tsəlɓu ta kəma ni. Ŋa nzamtani ma həga Lazglafta, ŋa mnay ni kazlay: Iʼi Lazglafta kəʼa.

Hebru 2:10

Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.