Danyel 7:28 - Hdi

²⁸ Mantsa ya vraghuta tsa gwaɗa ya. Iʼi Danyel taɗa, siha sa tsa skwi ya katakata ta sulkum ta vgha, kɓiɗif kɓa ma ndanu. Ka ɓutá yu kusabrah, ama ka hamtá yu ta inda tsa skwiha ya ma ghəŋa ɗa, » kaʼa.

Danyel 7:28 ပူးပေါင်းရင်းမြစ်များ

Zlrafta 37:10

Ka rusanaftá tsi ta tsa suna ni ya ta i da ni, nda zwana ma ni. Ka davanaghatá da ni, kaʼa mantsa: « Mndərga wati tsaya ma suni ta faghaghata na? Dzaʼa lagha la iʼi, nda ma gha, nda zwana ma gha, da tsəlɓu ta kəma gha tama rki? » kaʼa.

Zlrafta 37:11

Ka drə zwana ma ni. Ama ka famtá da ni ta tsa gwaɗa ya ma ghəŋa ni.

Danyel 10:16

Ama ka ksaŋtá sana mndu ta gara vgha nda mnda səla ta wubisima ɗa. Ka gunglatá yu ta wi, ka gwaɗ yu ta gwaɗa. Ka yu nda tsa mndu ta sladu ta vata iʼi ya mantsa: « Rvera ɗa, ta ghudzaku yu katakata, dabga na suni na ná, ta haɗ mbraku ma iʼi wa.

Danyel 10:8

Ka nzatá yu turtukwa ɗa, ka ngha tsa mghama skwi manda skwi ma suni ya. Ka nzata yu hulepeteʼ, kusabrah ka kuma ɗa mbəɗuta, manda skwi nda mta yu.

Danyel 11:27

Tsa mghamha his ya ná, ta kuwa turtuk dzaʼa za həŋ ta skwa zay, ama ma ŋuɗufa taŋ ná, zba maganatá ghwaɗaka skwi ta sani skwi ta kum həŋ. Tsakalawi yeya skwi ma wa taŋ. Ka bətbət skwi ta gwaɗ həŋ guli, kabga kɗavakta ni ná, dzaʼa sagha sa ma fitik ya tsaf lu.

Danyel 12:13

Kagha Danyel, ŋava ŋa ha ka sagha kɗavakta ŋa gha. Dzaʼa mutsay ka ta mbiʼa vgha. Dzaʼa sliʼagap sliʼa ka da tsuʼa nisəla gha ma kɗavakta fitik, » kaʼa.

Danyel 12:9

Kaʼa nda iʼi mantsa: « La, kabga dzaʼa nda ɗifa na gwaɗa na, nda ŋərzla ha ka sagha kɗavakta tsa fitik ya.

Danyel 4:16

Ɓats nzəɗa Danyel ta hgə lu ka Beltəsaʼtsar ta nzaku dgəma ma ndanu, ka ksaftá zləŋ katakata. Ka mgham nda tsi mantsa: « Beltəsaʼtsar, ma kɓə tsa suni nda klatá ghəŋa ni ya ta kagha, » kaʼa. Ka Beltəsaʼtsar mantsa: « Rvera ɗa, má ka ŋa gwal husaŋ ka ta həŋ kumaŋta yu ta nzakwa na suni na. Klatá ghəŋa ni ya guli ná, má ŋa ghumaha gha má katsi.

Danyel 4:19

Mantsa nzakwa ni, tsa fu ya ná, kagha ya rvera ɗa. Glaf gla ka, ka nzatá ka nda mbra, ka zaghutá glakwa gha da ghuvaŋataluwa. Ka zaghutá mbrakwa ga mghama gha ta slrəŋa luwa guli.

Danyel 5:6

Gi ka mbəɗavaftá kuma mgham kusabrah. Ka kəɓutá tsi ma ndanu. Ka ghudzaku karamha ni ha ka ndagatá ghuvi.

Danyel 7:15

« Nghay iʼi Danyel ta tsa skwi ya, ka ghudzavaftá yu. Siha sa tsa skwiha ya ta sulkum ta vgha.

Danyel 8:1

Ta mahkəna vakwa mgham Belsatsar ta ga pala, ka nghəglaŋtá iʼi Danyel, ta skwi manda skwi ma suni tahula tsa ta luta ya.

Danyel 8:17

Ka gavadaghatá Gabriyel da tsa vli hada yu ya, ka ksaftá zləŋ ta iʼi, ka zləmbatá yu zlumbruh ta haɗik. Ama kaʼa nda iʼi mantsa: « Sna ɓa zwaŋa mndu, nda ra ka snaŋta gha kazlay na kɗavakta fitik ta mar na skwi nghaŋ ka na kəʼa, » kaʼa.

Danyel 8:19

Tahula tsa, kaʼa nda iʼi mantsa: « Dzaʼa mna gha mna yu ta skwi dzaʼa magaku ma kɗavakta fitik gufatá ŋuɗufa Lazglafta, kabga mamu fitik tsaf lu ŋa kɗavakta ni.

Danyel 8:27

Ma tsa fitik ya, iʼi Danyel, rabadakw yu. Ka ksutá tsi ta iʼi ka ɗaŋwa kidaghi fitika ɗa. Manda vrakta mbrakwa ɗa, ka laghu yu maga slna ɗa ga mgham, ama ta nda kɓa yu da tsa skwi nghaŋ yu ya, kabga sna a yu ɗekɗek ta klatá ghəŋa ni wa.

Markus 9:15

Na ghur, nghay tsa tskatá mnduha ya ta Yesu ná, nda ghada ndusadaghatani da həŋ. Ka sliʼafta həŋ nda hwaya ka dzaʼa ga zgu ŋa ni.

Lukwa 2:19

Ka ŋanatá Mari ta inda tsa skwiha ya ma ghəŋa ni ka ndanu ta ghəŋa ni.

Lukwa 2:51

Mantsa tama, ka snatá tsi ta gwaɗa taŋ, ka sliʼaftá tsi kawadaga nda həŋ, ka valaghata da Nazaret. Ka ŋanatá ma ni ta inda tsa skwiha ya ma ghəŋa ni.

Lukwa 9:44

« Fawa fa ta sləməŋ ɗina, ka sna na skwi dzaʼa yu mnaghunata na. Dzaʼa ksaf ksa lu ta *Zwaŋa mndu, ka vlata ma dzva mnduha, » kaʼa.