Danyel 7:22 - Hdi

²² ha ka sagha tsa mndu daga ta bamma, tsaya Lazglafta Dagala, da vlaŋtá zɗaku ta mnduha ni nda ghuɓa. Manda maga ta fitika ni, ka zlghaftá mnduha Lazglafta ta mbrakwa ga mgham.

Danyel 7:22 ပူးပေါင်းရင်းမြစ်များ

Danyel 7:18

Ama ŋa mutsafta mnduha nda ghuɓa ka ŋa Lazglafta Dagala ta mbrakwa ga mgham, ŋa ŋanata taŋ ɓurkuts ŋa ɗekɗek, kul haɗ kɗavakta ni,” kaʼa.

Danyel 7:23

Ka tsa mndu ta manihata klatá ghəŋa ni ya mantsa: “Tsa mafwaɗa nimtak ya ná, mafwaɗa ga mgham ta ghəŋa haɗik, klatá ghəŋa tsaya. Nda dga tsatsi nda inda sanlaha ma ga mgham. Dzaʼa zuza tsa ga mgham ya ta inda skwiha ta ghəŋa haɗik, ka diŋlanapta, ka ɓalanaptá inda skwi nda səlaha ni.

Mata 19:28

Ka Yesu nda həŋ mantsa: « Kahwathwata ka yu ta mnaghunata, ma mbəɗavafta inda skwi dzaʼazlay ná, dzaʼa nzafta ta dughurukwa glakwa ni na Zwaŋa mndu. Kaghuni gwal ta dzaʼa mista ɗa ya guli, dzaʼa nzanzafta ta dughurukha ghwaŋpəɗ his kaghuni, ŋa tsa guma ta ghəŋa mndəra la Israʼila ghwaŋpəɗ his guli.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

Suna Yuhwana 20:4

Tahula tsa guli, ka nghaŋtá yu ta dughurukha. Ka vlaŋtá lu ta mbrakwa tsa guma ta gwal ta nzaku tida. Ka gi nghaŋtá yu ta hafa gwal ɗatsaghu lu ta ghəŋa taŋ ta ghəŋa vəl mna gwaɗa Yesu nda ya ta ghəŋa gwaɗa Lazglafta. Hahəŋ ná, tsəlɓaŋ a həŋ ta tsəlɓu ŋa tsa nimtak ya nda ya ŋa skwa wuyay ni tani wa. Haɗ ŋizla ni ta kuma taŋ nda ya ta dzvuha taŋ wa. Ka vramtá həŋ, ka gə həŋ ta mgham kawadaga nda Yesu Kristi ka vaku dəmbuʼ.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.

Suna Yuhwana 5:10

Nanaf na ka ta həŋ ka mnduha Lazglafta, kagha ta nzakway ka Mgham. Nanaf na ka ta həŋ ka gwal ksanatá slna ta Lazglafta, ŋa gay taŋ ta mgham ta ghəŋa mnduha ma ghəŋa haɗik. »