Danyel 7:20 - Hdi

²⁰ Nahgani klatá ghəŋa na duliha ghwaŋ ta ghəŋa ni na na? Nahgani klatá ghəŋa na duli ta ɗyaku nda ɗya, ta zlambiŋtá tsaha hkən ya guli? Wana mamu iriha ni, mamu wubisima ni ta mna gwaɗaha tsuʼaslaŋslaŋa dzeʼdzeʼ, mal tsatsi ka sanlaha ka yu ta nghay.

Danyel 7:20 ပူးပေါင်းရင်းမြစ်များ

Danyel 7:11

Ka va gɗavatá yu tama ka nzata ka nghay, kabga dagala ya wa tsa zwaŋa duli ya, ta mna gwaɗa tsuʼaslaŋslaŋa. Tata nghay nghay yu, ka dzatá lu ta tsa mafwaɗa nimtak ya, ka vzaghatá mbla ni da vu ghandand ŋa zaɗanata.

Danyel 7:19

Tahula tsa, ka kumaŋtá yu ta snaŋta klatá ghəŋa tsa mafwaɗa nimtak nda dga nda tsa sanlaha hkən ya. Tsatsi, ta gay ta zləŋ katakata ŋa mndu, nda tsa sliʼiŋha ni ka kfur, nda ɗahəŋha ni ka ghuva tili ya, ta zuza ka ɓalanaptá inda skwi ta slanaghata tsi. Ya kul zə tsi ya guli diŋlanapta ni nda səlaha ni.

Danyel 7:21

Ka va nzata yu ka nghay, ka sliʼaftá tsa duli ya da vulu nda mnduha nda ghuɓa ka ŋa Lazglafta, ka va zə tsi ta ghwa ta ghəŋa taŋ,

Danyel 7:23

Ka tsa mndu ta manihata klatá ghəŋa ni ya mantsa: “Tsa mafwaɗa nimtak ya ná, mafwaɗa ga mgham ta ghəŋa haɗik, klatá ghəŋa tsaya. Nda dga tsatsi nda inda sanlaha ma ga mgham. Dzaʼa zuza tsa ga mgham ya ta inda skwiha ta ghəŋa haɗik, ka diŋlanapta, ka ɓalanaptá inda skwi nda səlaha ni.

Danyel 7:7

Tahula tsa, tata nghay nghay yu manda skwi ma suni girviɗik, gi ka nghaŋtá yu ta sana mafwaɗa nimtak. Ta ga zləŋ katakata, ghwaɗak ya, mbru mbra katakata. Dagulaʼ dagulaʼ sliʼiŋha ni ka kfur. Ta zuza ka ɓalanaptá inda skwi ta slanaghata tsi. Ya kul zə tsi ya guli, diŋlanapta ni nda səlaha ni. Nda dga tsatsi nda tsa sanlaha ma nimtakha taŋtaŋ ya. Ghwaŋ duli ta ghəŋa ni.

Danyel 7:8

Ka nzatá yu ka ngha tsa duliha ya, gi ka zlagaptá sana duli ka lfiɗ, kiʼa nzakwa ni ta ɗyagapta ma takataka tsa sanlaha ya. Ka zlaɗiŋtá lu ta tsa duliha hkən taŋtaŋ ya ŋa ɗyagafta tsa kiʼa ya. Mamu iriha tsa duli ya manda ŋa mnda səla. Mamu wubisima ni ta mna gwaɗa gla ghəŋ dzeʼdzeʼ. »

Suna Yuhwana 12:3

Ka zlagəglapta sana mandərmimi ta luwa. Sana mghama makɗakatandaŋ ya ka dva manda vu. Ndəfáŋ ghəŋa ni, nda wawa ta zewzewa mida. Ghwaŋ duliha ni guli.