Danyel 6:8 - Hdi

⁸ Ka draftá inda tsa maliha ya, nda gwal dagala dagala, nda guvnaha, nda sanlaha ma gwal ta maganatá slna ta mgham, nda gwal vla hiɗaku tani, ta vlaŋtá hiɗaku ta mgham. Wya skwi mna həŋ: “Ɗina ka fatá zlahu ka ŋəɗaŋəɗa, ka pyaftá lu ta dər wati ma mndu tsi, ka fitik hkən mbsak. Ka wa da laghu da maga duʼa ŋa sana lazglaftaha, ka sana mndu a tsi, ka kagha a tsi wu, tsa mndu dzaʼa kwalaghuta ya, ksafta ka vzamta da ghuruma rveriha.”

Danyel 6:8 ပူးပေါင်းရင်းမြစ်များ

Asta 1:19

Mantsa tama, ka zɗəgana zɗa tsi ta mgham katsi, ka fa fa tsi ta zlahu ta sab da tsatsi, ka vindamta lu mataba zlahuha Persiya nda Mediya, ŋa kwal kul mbəɗanafta, ŋa kwala Vasti ləglami ta kəma mgham Ahasverus. Ka klafta mgham ta sgita ga mghama Vasti ka vlaŋtá sani ta malaghutá tsatsi.

Asta 3:12

Ka hagadaghatá lu ta gwal ta vindanatá vindi ta mgham baɗ maghwaŋpəɗ hkəna fitik ma tila mataŋtaŋ. Ka vivindaftá lu ta ɗelewerha manda ya mnaf Haman, ka tsaghanaftá guvnaha, nda sanlaha ma maliha ma inda haɗik, nda inda maliha ta ghəŋa mndəra mnduha. Nda vindi ya ta vində mnduha ma inda haɗik, nda ya nda gwaɗa ta gwaɗ inda mndəra mndu, vivindafta həŋ. Ka tahaftá tsa gwal vindi ya ta dzvu tida nda hga mgham Ahasverus, ka thaftá həŋ tida guli ta ŋizla halagara ni.

Asta 8:10

Ka thaftá Murduhay ta dzvu tida nda hga mgham Ahasverus. Ka faftá tsi ta ŋizla halagara mgham tida. Tahula tsa, ka ghwanaftá tsi ta mnduha nda tsa ɗelewerha ya ta plisha ta hwaya katakata, ɗagap lu paɗak ŋa maga slna ga mgham.

Asta 8:3

Ka gwaɗgəlganatá Asta ta mgham. Ka zləmbatá tsi ta kəma ni, ka taw, ka ndəɓa dzvu da tsi, ŋa hliŋtá ni ta tsa zaɗaku si payaf Haman la Agag ta ghəŋa la Yahuda ya.

Asta 8:8

Nziya nza tsi ná, laviŋ a iʼi ta hərɗiŋtá skwi vindaf lu nda hga ɗa, ka thaftá ŋizla halagara ɗa tida wa. Tsaya ná, kaghuni dzaʼa vindaftá skwi ta ghəŋa la Yahuda manda ya kumaŋ kuni, ka thafta ghuni ta dzvu tida nda hga mgham, ka faftá ŋizla halagara mgham guli tida, » kaʼa.

Danyel 5:28

PARSIŊ ya guli ná, dgavap dga ga mghama gha, ka vlaŋtá lu ta la Mediya nda la Persiya, » kaʼa.

Danyel 6:12

Ka gi lagha tsa mnduha ya slanaghatá Danyel ta maga duʼa ni, ta vla tawa ni ta kəma Lazglafta ni.

Danyel 6:15

Snaŋta mgham ta tsa gwaɗaha ya, ka ɓasaftá tsi ta ŋuɗuf katakata. Ka faftá tsi ta ndana ni ta Danyel ŋa mbanaftá. Ha tekulemes fitika ni ta zba tvi ŋa kataŋta.

Mata 24:35

Dzaʼa lula luwa nda haɗik, ama gwaɗa ɗa ná, walaŋta a ta luta wa. »