Danyel 6:13 - Hdi

¹³ Mantsa tama, ka sliʼaftá həŋ ka lagha slanaghatá mgham, ka həŋ mantsa: « Thaf a kagha ta dzvu ta zlahu ya ta pyaftá mndu ka fitik hkən mbsak, ka maga duʼa ŋa sana mndu, ka sana lazglaftaha a tsi, ka kagha a tsi wu ra? Ka kwalaghu kwala mndu, dzaʼa ksaf ksa lu ta tsa mndu ya ka vzamta da ghuruma rveriha kay ra? » ka həŋ. « Aŋi, mantsa kurata yu, da la Mediya nda la Persiya ná, haɗ lu ta laviŋta mbəɗanaftá mndərga tsa zlahu ya wu, » kaʼa.

Danyel 6:13 ပူးပေါင်းရင်းမြစ်များ

Asta 3:8

Ka Haman nda mgham Ahasverus mantsa: « Mamu sana mndəra mndu, ta wiɗamtá vgha mataba mndəra sanlaha ma mnduha, ma inda haɗikha ta gə ka ta mgham. Tskəm ŋa taŋ ma nzaku, nda dga ŋa taŋ ma zlahu nda ŋa sanlaha ma mndəra mnduha. Haɗ həŋ ta sna zlaha mgham wa. Ra a ka zlaŋta mgham ta həŋ ka gɗata taŋ ta magay mantsa ya wa.

Danyel 1:6

Mataba tsa galaɓayha zabap lu ma mndəra la Yahuda ya na: Mamu i Danyel, nda Hananiya, nda Misaʼel, nda Ghazariya.

Danyel 2:25

Mantsa tama, ka gi kladamtá Aryuk ta Danyel da mgham, kaʼa mantsa: « Rvera ɗa, slaf sla yu ta sana mndu ma mndəra la Yahuda mataba gwal kasagagha lu, dzaʼa snaghamta klatá ghəŋa suni ta faghaghata kay, » kaʼa.

Danyel 3:11

Dər wati ma mndu dzaʼa kwalaghutá zləmbata ka tsəlɓu ŋa ni ya, dzaʼa klaf kla lu hada hada ta tsa mndu ya ka vzamta da həga vu ghandand, ka kagha kay ɓa.

Danyel 3:12

Mantsa nzakwa ni mghama ɗa, mamu sana mnduha la Yahuda, i Sadrak, nda Mesak, nda Ghaveɗnegu, tsa mnduha valaŋ ka ta slna nzaku ka mali ŋa nghapta ɗina ka haɗika Babila, sna həŋ ta skwi mnaf ka. Haɗ həŋ mista lazglaftaha gha wa. Tsəlɓa a həŋ ta tsəlɓu ŋa tsa skwa gha dzugwana ka dzahumaʼ, ka dasu ya guli wu, » ka həŋ.

Danyel 3:8

Gi ma va tsa fitik ya, ka lagha sanlaha ma mnduha la Kaldiya pgha rutsak ta la Yahuda.

Danyel 5:13

Ka klaktá lu ta Danyel ta kəma mgham. Ka mgham nda Danyel mantsa: « Kagha tsa Danyel sana zwaŋ mataba la Yahuda kasaf lu, ka hlagaghutá da ɗa ta həŋ ma Yahuda ya ra?

Slna gwal ghunay 17:7

ka tsuʼafta Yasuŋ ta həŋ ga taŋ. Haɗ həŋ ta sna zlahu ya ta fata mgham Sezar wa. Mamu sana Mgham ta hgə lu ka Yesu, ka həŋ ta mnay, » ka həŋ.

Slna gwal ghunay 5:29

Ka i *Piyer kawadaga nda sanlaha ma gwal ghunay nda tsi mantsa: « Mal sna gwaɗa da Lazglafta ka ya da mnduha.